എന്റെ കേരളം

ഇല്ലം, നങ്ങ്യാരില്ലം, വാര്യം, ക്ഷാരം, തറവാട്, കുടി, തറ.- വീട് എന്നങ്ങട് നിരീച്ചോളീൻ !

പുളിയിലക്കര മുണ്ട്, ഡബിൾ വേഷ്ടി, സാദാ വേഷ്ടി, ഒറ്റമുണ്ട്, അരപ്പട്ട കെട്ടിയ 
പാദം മുട്ടാ വേഷ്ടി, കുറിയാണ്ട്, - ഉടുവസ്ത്രം ന്ന് നിരീക്യാ....

ഗുരുവായൂരപ്പൻ, അയ്യപ്പൻ, കൊടുങ്ങല്ലൂരമ്മ, യേശുക്രിസ്തു, അല്ലാഹു,
മാതാവ്, കാളി, കൂളി, കുട്ടിച്ചാത്തൻ, ആൾദൈവങ്ങൾ, സിദ്ധൻ, ഗുരുക്കൻമാർ, അമ്മ.. ദൈവങ്ങൾ എന്നങ്ങട് നിരക്കൂ....

നവാഹം, സപ്താഹം, കൺവെൻഷൻ, പെരുന്നാള്, ഉറൂസ്, ചന്ദനക്കുടം, പൂരം,വെട്ടിക്കെട്ട് , ആന വിരളൽ, വെട്ട് കുത്ത് .. ഉത്സവങ്ങൾ എന്ന് നിരീക്യാ....

ഡയമണ്ട്, സ്വർണ്ണം, വെള്ളി,കാറ്, പുരയിടം, അച്ഛനുമമ്മയും, ആട, ആഭരണം, .... വിവാഹ മാമാങ്കങ്ങൾ പട്ടിക നീളുന്നു... പുരോഗമിച്ചു എന്നങ്ങട് ധരിക്ക്യാ..

പോസ്റ്റുമ്മേൽ പോസ്റ്റർ, ആചാരവെടി, ദു:ഖാചരണ ഹർത്താൽ, ബാൻഡ് സെറ്റ് , കുഴിക്കടേൽ കാപ്പി, പതിനാറ്, നാല്പപത്തിയൊന്ന്, ഹിമാലയസാനുവിൽ ഭസ്മം വിതറൽ, അടുക്കള മാന്തി കുഴിച്ചിടൽ, മന്ത്രിയുടെ ഞെട്ടൽ, ആഴ്ചപ്പതിപ്പിൽ സചിത്ര ലേഖനം..മരണ മുഖങ്ങളിൽ വൈവിധ്യങ്ങൾ എത്ര... മലയാളി വളർന്നേ.,വളർന്നു.... എന്നങ്ങട് നീരീക്കാം....ല്ലേ?

കടിക്കുന്ന പട്ടി, നടുവൊടിക്കുന്ന റോഡ്, ഇടയ്ക്കൊക്കെ ഹർത്താൽ, ടോളിന്റെ ബൂത്ത്, ബൈക്കിന്റെ പാച്ചിൽ, ഫ്ലക്സിസിന്റെ ബോർഡ്, ഒഴിയുന്ന കുപ്പി, ഏമാന്റെ ഊതിക്കൽ, ഹെൽമറ്റിൻ പിഴകൾ.... സഞ്ചാര സാഹിത്യം... എന്നങ്ങു കരുതീൻ...

ഇടത്, വലത്, നടു പക്ഷം, ഭൂരിപക്ഷ, ന്യൂനപക്ഷ ,ദലിത്, വിശാലഹിന്ദു, വിശാല ക്രിസ്ത്യൻ, വിശാല മുസ്ലീം... പാർട്ടിയേതുമാകട്ടെ സ്വജനപക്ഷപാതം, വെട്ട്, കുത്ത്, കൊല, ഗ്വാഗ്വാ വിളി, ചാനൽ ചർച്ച ഹർത്താൽ, അതിന്റെ പേരിൽ തുടർ ഹർത്താൽ... ജനം ബന്ധിതർ... രാഷ്ട്ര മീമാംസയുടെ കേരള പരിപ്രേക്ഷ്യം എന്ന് അങ്ങട് നിരീക്കിൽ....

കവിവര്യൻ, കവി, ആധുനികൻ, ഉത്തരാധുനികൻ , ആർക്കും ഒരു --രും മനസ്സിലാകാത്ത അത്യുത്തരാധുനികൻ, എഫ് ബി കവി.... സാഹിത്യ കുക്കുട വൈജാത്യങ്ങൾ എന്നങ്ങട് നിരീക്കൂ....

ഷുഗർ, പ്രഷർ, ക്യാൻസർ, തൈറോയിഡ്, കിഡ്ണി , ഹാർട്ട് സർജറി.... രോഗങ്ങൾ... സ്റ്റാറ്റസുകൾ.. !

അമ്മത്തൊട്ടിൽ, വൃദ്ധസദനം !

വാണിഭം, പെൺവാണിഭം, പീഠനം, ചുംബനം, സദാചാരം.... ഇനിവരുന്നത് തണുപ്പുകാലമാ., എരിവും പുളിയുമായി ചുംബനക്കാർ ഇറങ്ങും എന്ന പ്രതീക്ഷയോടെ തല്ക്കാലം വൈവിധ കേരള വിഷയ സമാഹരണം ഉപസംഹരിക്കുന്നു.

എന്നിട്ടും കേരളം കേരളമാണേ...
ഏങ്ങക്ക് ബല്ലാത്ത തന്തോയമാണേ....

കേരളപ്പിറവി ദിനാശംസകൾ....

അജിത്.എൻ.കെ.-ആനാരി 01. 11. 2016