ജീവിതയാത്ര (R P)

നടപ്പതുണ്ടേകനായ് പാതയ്ക്കുനടുവിലാം
കുഴികളിലകപ്പെട്ടങ്ങുഴറുന്നതുണ്ടു ഞാൻ ,

തണലേകുവാനൊരു മരമില്ലീവീഥിയിൽ
ഊന്നിപ്പിടിപ്പാനൊരു കൊമ്പതുമില്ലിതാ..

വെയിലാൽപൊടിഞ്ഞ വിയർപ്പുകുടിച്ചിടാൻ
മന്ദമായ്പുണരുന്ന മാരുതനുമില്ലിതാ

വരണ്ടോരധരത്തിൻ മുറിവ്നീറ്റിയ്ക്കുവാൻ
തുള്ളിജലമത് കിടപ്പതില്ലെവിടേയും

തോളിലേമോഹത്തിൻ ഭാണ്ഡമുയർത്തിടും
ഭാരമതൊന്ന് തളർത്തുന്നു നടുവിനേ

അകലെയങ്ങെവിടെയൊ കാൺമതുണ്ടാ
ഹരിതവർണ്ണത്തിലായൊരു സ്വർഗ്ഗഭൂമിക

അവിടെയെത്തീടുവാനിനിയെത്ര പോകണം
ഇനിയതുമെന്നുടേ ഭ്രമസ്വപ്നമാകുമോ??

അറിവീലയെങ്കിലും തുടരുന്നുമമ യാത്ര
പ്രതീക്ഷ,യതൊന്നല്ലീ മനുജന്റെ ജീവിതം......
===================
രമേഷ് കേശവത്ത്