മൃഗബലി

കുരുതിക്കളങ്ങളിൽ തെളിയുന്നുവർണ്ണം
മഞ്ഞളിൽചാലിച്ച ചുണ്ണാമ്പുവെള്ളത്തിൽ
തീപ്പന്തത്തിൻ ജ്വാലകൾതെളിയവെ
തെങ്ങിൻപ്പൂക്കുലവിടർത്തി പുഷ്പമാല
ചുറ്റിയ തീപ്പന്തം ആളിക്കത്തുന്നു

അപ്രീതമാം ദേവതാമുഖങ്ങൾക്ക്
മൃഗത്തിൻചുടുചോരയേകി ദേവപ്രീതി
നേടാനായ് കുരുതിക്കളമൊരുങ്ങവെ 

കണ്ടീലയാരും പാവമാംജന്തുവിൻ വേദന

കഴുത്തുഞെരിച്ചും ഞരമ്പറത്തും

 ചോരയാൽ ചുവന്നകുരുതിക്കളത്തിൽ
അന്ധതമൂടിയ മനുഷ്യപിശാചുകൾ
മൃഗബലിയേകി നിണമണിഞ്ഞുചിരിച്ചു

ജയൻ വിജയൻ
11/09/2016