വില

സമയം രാത്രി മൂന്ന് മണിയായി കാണും.
കുട്ടിയുമായാണ് അയാൾ വന്നത്. 
നല്ല ശൊന്കുള്ള കൊച്ച്....അൽപ്പ നേരം എന്റെ ശ്രദ്ധ ഞാനറിയാതെ കുട്ടിയിൽ കേന്ദ്രീകരിച്ചു.
അല്ലേലും അറബി പിള്ളേരെ കണ്ടാൽ എങ്ങിനെ മുഖത്ത് നിന്ന് കണ്ണെടുക്കാൻ കഴിയും?
അത്രമാത്രം സൗന്ദര്യവും സ്മാർട്ട്നസ്സും അവർക്ക് സ്വന്തമാണല്ലോ?
കുട്ടിക്ക് പനിയും,ചുമയും തൊണ്ട വേദനയുമാണ് പോലും....കാഴ്ചയിൽ ഒരു അസുഖവും കുട്ടിക്കില്ലായിരുന്നു.
ആഹ്ളാദ പൂർവം അവൻ ഫാർമസിയിലുട നീളം ഓടിച്ചാടി അഭ്യാസങ്ങൾ കാണിക്കുകയാണ്!!!
പനിക്ക് പാരസിറ്റമോൾ സിറപ്പും ഹെർബൽ കഫ് സിറപ്പും കൊടുത്തു.
"ആൻറിബയോട്ടിക്കാണോ"?.....അയാൾ ചോദിച്ചു.
അല്ല....
സ്റ്റ്റോങ്ങ് ആൻറിബയോട്ടിക്ക് വേണം. ..അയാൾ പറഞ്ഞു.
എന്ത് കൊടുക്കണമെന്നാലോചിച്ച് ഫാർമസിസ്റ്റ് ശന്കിച്ചു നിൽക്കവെ അയാൾ തുടർന്നു..
"കണ്ണ് ക്ളീൻ ചെയ്യാൻ മെഡിസിൻ വേണം.
വളരെ മൈൽഡ് ആയിരിക്കണം. ..
ആൻറിബയോട്ടിക്കും സ്റ്റിറോയിഡും വേണ്ട ......എൻറെ ഡോഗിനാണ്."
ഫാർമസിസ്റ്റ് ഐഡ്റോപ്പ് എടുത്ത് കൊടുത്തു. ...
അയാൾ വീണ്ടും ,"ഈസ് ഇറ്റ് സെയ്ഫ്?
ആർ യു ഷുഅർ"...
തുടർന്ന് മൊബൈലെടുത്ത് രണ്ട് പട്ടിക്കുട്ടികളുടെ മുഖ ചിത്രം കാണിച്ചു കൊണ്ട്. ..
' ദി ഈസ് വെരി എക്സ്പെൻസീവ്."
അവയുടെ കണ്ണുകൾ ഇൻഫെക്ഷൻ കാരണം ചുവന്ന് പഴുത്തിരുന്നു.
'എത്ര വിലയാകും "?ഞാൻ ചോദിച്ചു.
"എറൗണ്ട് 1000 BD each."
(ഏകദേശം നാല് ലക്ഷം രൂപ !!)
അയാൾ പോകാൻ സമയം മകനെ വിളിച്ചു. .
"മുഹമ്മദ് തആൽ".......
അത്രയൊന്നും വിലയില്ലാത്ത അവൻ ഫാർമസിയുടെ മറ്റൊരു മൂലയിൽ മറ്റേതോ ലോകത്ത് അവന് വിലപ്പെട്ടവരുമായി സൗഹൃദം പന്കിടുന്ന തെരക്കിലായിരുന്നു.
എൻ. സൂപ്പി.