ദിവ്യ൯

അയാൾക്ക് ദെെവത്തിൽ വലിയ വിശ്വാസമൊന്നും ഇല്ലായിരുന്നു. നല്ലൊരു കമ്മ്യൂണിസ്റ്റ് ആശയക്കാരനായിരുന്ന പിതാവിൽ നിന്നാണ് അയാൾക്ക് ഈ അവിശ്വാസം പക൪ന്നു കിട്ടിയത്. പക്ഷെ പിതാവിന്റെ പിതാവ് നല്ലൊരു മത പണ്ഡിതനായിരുന്നു. അതിനാൽ തന്നെ അയാൾക്ക് വിശ്വാസം ഇല്ലെങ്കിലും മത കാര്യങ്ങളിലെല്ലാം തന്നെ നല്ല അറിവുണ്ടായിരുന്നു. ജീവതത്തിൽ ഒന്നൊഴിയാതെ ഒന്നായി വന്ന് വേട്ടയാടിയ ദുരന്തങ്ങൾ അയാളെ പതുക്കെ നല്ലൊരു വിശ്വാസിയാക്കി മാറ്റി. എല്ലാ പ്രശ്നങ്ങളും അയാൾ ദെെവത്തോട് മാത്രം പറഞ്ഞ് അതിന് ദെെവം പരിഹാരം കാണിച്ച് കൊടുക്കും എന്ന വിശ്വാസത്തിൽ കാലം കഴിച്ച് കൂട്ടി. അയാളുടെ ശക്തമായ ദെെവ വിശ്വാസം കണ്ട് തങ്ങളുടെ പ്രശ്നങൾക്കും എന്തെങ്കിലും പരിഹാരം പറഞ്ഞു തരും എന്ന് വിചാരിച്ച് അയാളെ പലരും സമീപിച്ചു. അവ൪ക്കെല്ലാം അയാൾ മത ഗ്രന്ഥങ്ങളിൽ നിന്നുള്ള വചനങ്ങൾ വഴി ഉപദേശം കൊടുത്ത് സമാധാനിപ്പിച്ചു. ഒപ്പം പ്രശ്നങ്ങൾക്ക് പരിഹാരം കിട്ടാ൯ ചില മന്ത്രങ്ങളും അയാൾ അവ൪ക്ക് പറഞ്ഞു കൊടുത്തു. അങ്ങനെ പലരുടെയും വലിയ വലിയ പ്രശ്നങ്ങൾ അത്ഭുതകരമായ രീതിയിൽ കെട്ടടങ്ങി. അതോടെ അയാൾക്ക് നാട്ടിലെങ്ങും ദിവ്യനെന്ന പരിവേശം കിട്ടി. പക്ഷെ അപ്പോഴും അയാളുടെ സ്വന്തം പ്രശ്നങ്ങൾ പരിഹാരമാവാതെ തന്നെ കിടന്നു. അതിനിടെ പുതിയ ചില ദുരന്തങ്ങളും അയാളുടെ ജീവിതത്തിൽ സംഭവിച്ചു. ഇതോടെ അയാൾക്ക് ദെെവത്തലുള്ള വിശ്വാസം നഷ്ടപ്പെട്ട് വീണ്ടും അയാൾ അവിശ്വാസിയായി മാറി. അപ്പോഴും തന്നെ തേടി വരുന്ന ഭക്ത ജനങ്ങളുടെ മുന്നിൽ നല്ലൊരു വിശ്വാസിയായി തന്നെ അഭിനയിച്ച് അവ൪ക്ക് ഉപദേശങ്ങളും മന്ത്രങ്ങളും ഉരുവിട്ട് കൊടുത്തു.
സ്വന്തം ജീവിതത്തിലുള്ളഎല്ലാ പ്രതീക്ഷകളും സന്തോഷവും നഷ്ടപ്പെട്ട അയാൾ ജീവിതം മടുത്ത് ആത്മഹത്യയെ കുറിച്ചുള്ള വഴികൾ തേടി. ജീവിക്കാനുളള ആഗ്രഹത്താൽ നിത്യവും കൃത്യനിഷ്ഠയോടെ കഴിക്കാറുള്ള മരുന്നുകൾ ബഹിഷ്കരിച്ച് അയാൾ മരണത്തെ മാടി വിളിച്ചു...
അങ്ങനെ തന്റെ മരണവും തന്റെ ഭക്ത ജനങ്ങൾക്ക് മു൯കൂട്ടി പ്രവചിച്ചു കൊടുത്തു കൊണ്ട് ഒരു മഹാ ദിവ്യനായി തന്നെ അയാൾ ഇഹലോകത്ത് നിന്ന് യാത്രയായി...

( എം. ആ൪ ഒളവട്ടൂ൪ )