--- സൂര്യതാപം ---

നിറങ്ങൾ നിഴലേറ്റു ചിതറിയൊരു സന്ധ്യതൻ
വിരിമാറിലൊരു രക്തകണമായി വീണ്ടും.
നീഹാരമെവിടെ മറഞ്ഞുവോ ..
സ്നേഹാർദ്രമെന്നേ തിരഞ്ഞുവോ ..

ആയിരം ചിന്തയാലഗ്നി കടയുന്ന-
മനമൊന്നറിയാതെ മെല്ലെ തുളുമ്പിയതാവാം.
ഉരുകുമെൻ നേത്രങ്ങളെന്നും കൊതിച്ചിരു-
ന്നൊരുതുള്ളിയെങ്കിലും നീരിനായ് വെറുതെ ..

രാത്രികളിലാർദ്രതയുടെ കൂട്ടു തേടുമ്പോൾ
ഓർക്കുവാറുണ്ടോ തിളക്കുമെൻ ഹൃദയം.
ഓർക്കുവാനില്ലാത്ത നേരത്തു വെറുതെ
ഒന്നോർക്കണം ചൂടും ചുവപ്പും ചിലതും.

ഓർക്കണം ചൂടും ചുവപ്പും ചിലതും ..

By: Viju Kannapuram