നോവ് (കവിത)

കരിങ്കല്ലിൽ കൊത്തിയെടുത്ത
ഹൃദയമെടുത്തുടലിൽ തിരുകി വക്കണം ..
കുറച്ചു വെയിൽ നാളങ്ങൾ കരുതിവരുക
നാളത്തെ പുലരിവെട്ടത്തിനായ്..!

വാക്കുകൾ സൂക്ഷിച്ചു വക്കുക!
മിനുസമുള്ള ഹൃദയനിധി പേടകത്തിൽ.
ഓർമ്മകളെ നോവിക്കാതെയൊരു
ചില്ലു ഭരണിയിൽ കരുതി വക്കുക!

നിനക്ക് നോവുന്നുവെന്ന് ഞാനറിയുന്നു
എന്നാലുമെനിക്കു പറയാതെ വയ്യ!
ഇളം കാറ്റിനെ തടുക്കാനെനിക്ക് ത്രാണിയില്ലെ
ന്നറിഞ്ഞിട്ടും, എന്തിനായ് നീ വൃഥാ ....?

നാളെ നിലപാടുതറകളിളകാതിരിക്കാൻ
ഉൾക്കാഴ്ചകൾ കൊണ്ട് പൂട്ടി വക്കുക.
ഇനിയൊരു "ഓഖിയും" വരാത്തവണ്ണം
ഹൃദയത്തിനായ് ഉരുക്കു കൂട് പണിയുക!

കൃഷ്ണ കുമാർ.കൂടാളി
ദോഹ, ഖത്തർ..