സ്ത്രീ വെറുക്കുന്ന ചുംബനം

ഇഷ്ടമില്ലാത്ത പുരുഷന്റെ ചുംബനമാണ്
ഒരു സ്ത്രീ ഏറെ വെറുക്കുന്ന ചുംബനം.

പുരുഷനാവട്ടെ ഏത് സ്ത്രീയുടെ ചുംബനവും
സന്തോഷത്തോടെ സ്വീകരിക്കും.

സ്ത്രീ ഒരാളെ സ്നേഹിക്കുന്നതും കീഴ്പ്പെടുന്നതും മാനസികമായാണ്.

പുരുഷന്റെ ബാഹ്യ സൗന്ദര്യത്തിലേക്കല്ല
ആന്തരിക സൗന്ദര്യത്തിലേക്കാണ് സ്ത്രീയുടെ നോട്ടം.
പുരുഷന്റെത് തിരിച്ചും.

കീഴ്പ്പെടലിനും വഴങ്ങലിനും അനുസരണക്കും
മാനസികമായ ചില തലങ്ങളുണ്ട്.

ഇഷ്ടമില്ലാത്ത ഒരുത്തന് കീഴ്പ്പെടേണ്ടി
വരുന്നതാണ് ഒരു സ്ത്രീയുടെ ജീവിതത്തിലെ വലിയ
ദുരന്തം.
ഈ സ്ഥാനത്ത് പുരുഷനാവട്ടെ അതൊരു വിഷയമേ അല്ല താനും !!

പിടിച്ചടക്കുന്നവനും കീഴ്പ്പെടുത്തുന്നവനും
ആയതു കൊണ്ടാവാം പുരുഷൻ പൊതുവെ
'വികാര ജീവി' ആയത്.
നേടലും കീഴടക്കലും കാര്യം സാധിക്കലും
മാത്രമാണ് അവന്റെ ഉന്നം.

തന്റെ പുരുഷൻ മരണപ്പെട്ടാൽ ജീവിത കാലം മുഴുവനും
ഭർത്താവ് ഇല്ലാതെ ജീവിക്കാൻ സ്ത്രീക്ക് കഴിയുന്നതു
ഈ 'വൈചാരിക' ഭാവം കൊണ്ട് തന്നെ .

ഭാര്യ മരണപ്പെട്ട ഉടനെ മറ്റൊരു സ്ത്രീയെ വേൾക്കാൻ
തിടുക്കപ്പെടുന്ന പുരുഷന്മാരുടെ 'വൈകാരിക' നിലപാട്
സൂചിപ്പിക്കുന്നതും മറ്റൊന്നല്ല !

പുരുഷന് പൊതുവെ വികാരമാണ് മുമ്പിൽ.
വിചാരം പിറകിലും.
സ്ത്രീക്ക് വിചാരമാണ് മുമ്പിൽ
വികാരം പിന്നെയേ വരുന്നുള്ളൂ.

ഒരു ആണ് പെണ്ണിനെ നോക്കുന്നതും
ഒരു പെണ്ണ് ആണിനെ നോക്കുന്നതും
ഒരു പോലെയല്ല.

ആൺ നോട്ടം വേറെ
പെൺ നോട്ടം വേറെ !

പുരുഷന് കണ്ണ് കൊണ്ട് പോലും
വ്യഭിചരിക്കാൻ കഴിയും
സ്ത്രീക്ക് പറ്റില്ല.

പെട്ടെന്ന് ഉണരുകയും പെട്ടെന്ന് ഉറങ്ങുകയും ചെയ്യുക എന്നതാണ്
പുരുഷ പ്രകൃതം .

സാവധാനം ഉണരുകയും സാവധാനം തണുക്കുകയും ചെയ്യുകയാണ്
സ്ത്രീ പ്രകൃതം .

സ്വഭാവത്തിൽ പോലും കാണാം ഈ വ്യത്യാസം .

ആണും പെണ്ണും സൃഷ്ടിപ്പിൽ അടക്കം ഒരു പോലെയല്ല
പ്രകൃതത്തിലും സ്വഭാവത്തിലും ശേഷിയിലും കർമ്മത്തിലും
ധർമ്മത്തിലും എല്ലാം .

അവൻ ചെയ്യുന്ന പോലെയൊക്കെ അവൾക്കും ആവാം
അവൾ ചെയ്യുന്ന പോലെയൊക്കെ അവനും ആവാം
എന്നൊക്കെ വിചാരിക്കുന്നത് വെറുതെയാണ് .

ആണും പെണ്ണും തമ്മിലുള്ള സമത്വം ചിലയിടത്തൊക്കെ ആവാം എന്നല്ലാതെ
എല്ലാ കാര്യത്തിലും നടക്കില്ല എന്ന് ചുരുക്കം !!

- ഉസ്മാൻ ഇരിങ്ങാട്ടിരി