നീ

ഒരു കൊച്ചു മേഘത്തുണ്ടായ്‌
ഒഴുകിനടക്കാൻ 
നല്ല രസമാണെന്ന് പറഞ്ഞത് നീയായിരുന്നു
എണ്ണ വറ്റിയൊരു ചിരാതിലെ കരിന്തിരിനാളമായിരുന്നു ഞാൻ
നിന്നെ കണ്ടെത്തുംവരെ
നിന്റെ വാക്കുകളായിരുന്നു
എന്നിൽ ചിറകുകളായത്
ഒരു മിന്നാമിനുങ്ങായ് ഞാൻ പറന്നുയർന്നത്
നിനക്കായ്‌ മാത്രമായിരുന്നു

ഒരു സ്വപ്നത്തിൻ ഉണർവ്വിൽ
തിരിച്ചറിയുന്നു ഞാൻ
ആകാശവും നീയും
എന്നുള്ളിൽത്തന്നെയെന്ന്
എന്നിട്ടും
വിങ്ങിപ്പൊട്ടി നിൽക്കുകയാണൊരു കൊച്ചുമേഘം
ഒന്നുപൊട്ടിക്കരഞ്ഞു
പെയ്തൊഴിയുവാനായ്

Satheedevi Radhakrishnan
4/12/2017