മരുമകന്‍ മകളെ ഗള്‍ഫിലേക്ക് കൊണ്ട് പോകുന്നത്

മരുമകന്‍ മകളെ ഗള്‍ഫിലേക്ക് കൊണ്ട് പോകുന്നത് അറിഞ്ഞ് ഏറെ സന്തോഷിക്കുന്ന ഒരാള്‍ അവളുടെ അമ്മയായിരിക്കും .
എന്നാല്‍ ആ അമ്മ മകനോടൊപ്പം മരുമകള്‍ ഗള്‍ഫിലേക്ക് പോകുന്നു എന്നറിയുന്നത് തൊട്ടേ പിറുപിറുക്കാന്‍ തുടങ്ങും .

മകളും മരുമകനും ടൂറിന് പോകുമ്പോള്‍ മുഖം പ്രകാശിക്കുന്ന
അമ്മയ്ക്ക് മകനും മരുമകളും പോകുമ്പോള്‍ മുഖം കറുക്കും. 
മകളും മരുമകനും സിനിമക്ക് പോകുമ്പോള്‍ അമ്മ ഭയങ്കര
ഹാപ്പി ആവും .
മകനും മരുമകളും പോകുമ്പോള്‍ മുഖം വെട്ടിക്കും.

മകന്റെ മക്കളോട് കാണിക്കുന്നതിലേറെ സ്നേഹം മകളുടെ മക്കളോട് കാണിക്കുന്ന അമ്മമാരാണ് കൂടുതലും .
മകള്‍ക്ക് സ്വന്തമായി ഒരു വീട് ഉണ്ടാകുമ്പോള്‍ വല്ലാതെ സന്തോഷിക്കുന്ന
അമ്മ മകനും മരുമകള്‍ക്കും സ്വന്തമായി വീട് ഉണ്ടാകുമ്പോള്‍
വല്ലാതെ അസഹിഷ്ണുത കാണിക്കും .

മകള്‍ക്ക് മരുമകന്‍ വിലകൂടിയ സാരിയോ ചുരീദാറോ വല്ല ആഭരണമോ
വാങ്ങിക്കൊടുത്തു എന്നറിഞ്ഞാല്‍ അമ്മയുടെ മുഖം പ്രസന്നമാകും
മകന്‍ മരുമകള്‍ക്ക് വാങ്ങി കൊടുത്താലോ അന്ന് വീട്ടിലെ അന്തരീക്ഷം മൂടിക്കെട്ടിയിരിക്കും.

മരുമകളെ അന്യ പെണ്ണായി കാണുന്നതാണ് ഇതിനു പിന്നിലെ മന:ശാസ്ത്രം
എന്ന് തോന്നുന്നു .
അമ്മായി അമ്മയെ സ്വന്തം അമ്മയായി കാണാനും
മരുമകളെ സ്വന്തം മകളായി കാണാനും ഉള്ള മാനസിക വിശാലത
അപൂര്‍വ്വം ചിലര്‍ക്കെ ഉള്ളൂ .
ഒരു കുടുംബത്തിലെ ശാന്തിയുടെയും സമാധാനത്തിന്റെയും അടിത്തറ അതാണ്‌ .
അത് ദുര്‍ബലം ആവുമ്പോഴാണ് വൃദ്ധ സദനങ്ങള്‍ പെരുകുന്നത് .

- ഉസ്മാന്‍ ഇരിങ്ങാട്ടിരി