നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

ബുക്ക് സ്റ്റാള്‍

ഏറെക്കാലത്തെ പ്രവാസത്തിനു ശേഷം എക്സിറ്റില്‍ നാട്ടിലേക്ക് പോയ എന്റെ പഴയ റൂം മേറ്റിനെ ഇന്നലെ ഞാനൊന്നു വിളിച്ചു .
ഇപ്പോള്‍ എന്താണ് പരിപാടി എന്ന് അന്വേഷിച്ചപ്പോള്‍
ഒരു ബുക്ക് സ്റ്റാള്‍ തുടങ്ങിയിട്ടുണ്ട് എന്ന് മറുപടി .
എങ്ങനെയുണ്ട് ?
'ങാ കുഴപ്പമില്ല .കാശ് കണ്ടമാനം ഇറക്ക്യാലെ വല്ലതും കിട്ടൂ .'
ഞാനപ്പോള്‍ പറഞ്ഞു . ബുക്ക് സ്റ്റാള്‍ ആയതു കൊണ്ട് സാധനങ്ങ ള്‍ ഒന്നും കേടുവരികയോ ചീഞ്ഞു പോവുകയോ ഇല്ലല്ലോ .. നോട്ടു ബുക്കും ഗ്രാഫ് ബുക്കും കോപ്പി ബുക്കും ഒക്കെയല്ലേ ..
ഇക്കൊല്ലം പോയില്ലെങ്കില്‍ അടുത്ത കൊല്ലം വില്‍ക്കാലോ ..
അത് കേട്ടപ്പോള്‍ അദ്ദേഹം ഒരു ചിരി ചിരിച്ചു .
എന്തേ ചിരിക്കുന്നു ?
''നിനക്ക് എന്തറിയാം ഉസ്മാനെ .. ഇപ്പോത്തെ കുട്ട്യാൾക്ക് ഈ കൊല്ലത്തെ മോഡലൊന്നും അടുത്ത കൊല്ലം പറ്റൂല . മൊബൈല്‍ തന്നെ മൂന്നു മാസം നാലു മാസമൊക്കെയാ കാലാവധി .
പിന്നെ അത് മാറ്റി പുതിയത് വാങ്ങും . അത് തന്നെയാ നോട്ടു ബുക്കിന്റെയും മറ്റു ബുക്ക്യാളെ യും ഒക്കെ കഥ''
സംസാരം കഴിഞ്ഞിട്ടും ഞാനാലോചിച്ചത് അത് തന്നെയായിരുന്നു .
ഒരു നല്ല നോട്ടു ബുക്കിനു , പുത്തന്‍ ടെക്സ്റ്റ് ബുക്കിനു ഒക്കെ പൂതി വെച്ച ഒരു കാലമുണ്ടായിരുന്നു .
ഏഴാം ക്ലാസ്സില്‍ പഠിക്കുമ്പോള്‍ തന്നെ എട്ടാം ക്ലാസ്സില്‍ പഠിക്കുന്ന അയല്പക്കത്തെ കുട്ടിയോട് പറഞ്ഞു വെക്കും . പഴയ ടെക്സ്റ്റ് ബുക്ക് എനിക്ക് വേണം . മറ്റാര്‍ ക്കും കൊടുക്കരുത് . പഴയതാവുമ്പോള്‍ കുറഞ്ഞ പൈസക്ക് തരും . നോട്ടു ബുക്കുകള്‍ എഴുതി കഴിഞ്ഞു ബാക്കിയുള്ള പേജുകള്‍ തുന്നിക്കൂട്ടി പിന്നെയും ഉപയോഗിക്കും .
നമ്മുടെ ആ കാലം കടന്നു ഇന്ന് നമ്മുടെ മക്കള്‍ ഇവിടെ എത്തി .
ആരുടെയെങ്കിലും പഴയ പുസ്തകം പോയിട്ട് നമ്മുടെ തന്നെ പഴയത് ഒന്നും നമുക്ക് പറ്റാതായി .
അന്നത്തെ വിദ്യാര്‍ഥിയുടെ പ്രധാന വിഷയം പട്ടിണിയും പ്രാരബ്ധവും ആയിരുന്നു . ഇന്നത്തെ കുട്ടികളുടെ വിഷയം ഫാഷനും മോഡലും എന്ന 'നേരിയ' വ്യത്യാസമേയുള്ളൂ ..!
ഇന്നത്തെ മധ്യ വയസ്ക്കരായ ഭൂരിഭാഗം ആളുകള്ക്കും പറയാനുണ്ടാകും തികച്ചും ദരിദ്രമായ പഠന കാല അനുഭവങ്ങള്‍ .
വരവിനു ഒരു പാട് വഴികളുണ്ടാവുമ്പോള്‍
ചെലവിനു അതിലേറെ വഴികളുണ്ടാവും !!

usman

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot