കഴിഞ്ഞ പോസ്റ്റിൽ നമ്മൾ ചർച്ച ചെയ്ത നാഗവല്ലിയുടെ തെക്കിനിയിലെ രെക്ഷപെടലിനോട് അനുബന്ധിച്ചുള്ള ഒരു സംശയമാണ് കുറെ പേര് ചോദിച്ചത് അതായതു ഗംഗയിലെ ചിത്തരോഗി തെക്കിനിയിൽ പോയി പാട്ടുപാടി നൃത്തം ചെയ്യുന്നത് നകുലൻ ഉറങ്ങുമ്പോൾ ആണല്ലോ .ആ സമയം ചിത്തരോഗി ആയ നാഗവല്ലി തന്റെ ശത്രു ആയി കാണുന്നത് നകുലനെയും .അന്ന് രാത്രി സണ്ണിയുമായി ഉള്ള സംഭാഷണത്തിനിടയിൽ ദുര്ഗാഷ്ടമിക്ക് നകുലനെ കൊല്ലുമെന്നും പറയുന്നു .എങ്കിൽ എന്തുകൊണ്ട് കിടക്കയിൽ നിന്നെഴുനേൽക്കുന്ന സമയത്തു നാഗവല്ലിക്ക് നകുലനെ കൊന്നു കൂടാ എന്ന സംശയം വളരെ നാളുകളായി എന്റെ അല്ലെങ്കിൽ നിങ്ങളിൽ പലരുടെയും മനസ്സിൽ കിടന്ന സംശയമായിരിക്കും.
ഇവിടെ നമ്മൾ മനസ്സിൽ ആക്കേണ്ടത് ഗംഗയിലെ മനസ്സ് ചിത്തരോഗിയുടേതായി മാറുന്നത് പെട്ടെന്നല്ല അതു സാവധാനം ആയിട്ടാണെന്നാണ് .അത് മനസ്സിൽ ആക്കാൻ സണ്ണി നകുലനോട് ഗംഗയുടെ രോഗത്തെ കുറിച്ച് വിശദീകരിക്കുന്ന ഭാഗം ശ്രദ്ധിച്ചാൽ മതിയാകും .അതായതു നാഗവല്ലിയോടുള്ള ഗംഗയുടെ സഹതാപം അതൊരു തന്മയീഭാവം ആയി പതുക്കെ മാറുകയാണ് ഉണ്ടായത്.ദുര്ഗാഷ്ടമി ദിവസം മാത്രമേ അവളുടെ മനസ്സ് പൂർണമായും നാഗവല്ലിയുടെ നിയന്ത്രണത്തിന് കീഴിൽ ആവുകയുള്ളൂ. ഇവിടെ ഉറക്കത്തിൽ ആണ് ഗംഗയിൽ നിന്ന് നഗവല്ലിയിലേക്കുള്ള മാറ്റത്തിന്റെ തുടക്കം വരുന്നത് അപ്പോൾ നാഗവല്ലി യുടെ മനസ്സിൽ ആദ്യം വരുന്നത് രാമനാഥനോടുള്ള തന്റെ സ്നേഹവും അയാളെ ഓർത്തുള്ള വിരഹവുമാണ് .അതുകൊണ്ടു തന്നെ നാഗവല്ലി ആദ്യം പോകുന്നത് തെക്കിനിയിൽ ആണ് കാരണം രാമനാഥൻ താമസിക്കുന്ന വീട് കാണാൻ പറ്റുന്നത് അവിടെ നിന്നാണ് .പിന്നീട് കാമുകന്റെ വിരഹത്തിൽ ആഹിരി രാഗത്തിൽ ഒരു മുറൈ വന്തു പാറായോ എന്ന ഗാനം പാടി നൃത്തം ചെയ്യുന്നത് ശ്രദിക്കുക.അതിൽ നിന്ന് തന്നെ നമ്മൾക്ക് മനസ്സിലാക്കാം ഗംഗക്കു ആദ്യം പ്രതികാര ചിന്തയില്ല മറിച്ചു കാമുകനോടുള്ള വിരഹമേ ഉള്ളൂ എന്ന് .പിന്നീടാണ് പതുകെ അത് ശങ്കരൻ തമ്പിയോടുള്ള പക ആയി മാറുന്നത്.
പിന്നെ മറ്റൊരു വശം കൂടി ഇവിടെ നമ്മൾക്കു കാണാൻ പറ്റും അതായതു നകുലനെ മുറിയിൽ ഇട്ടു കൊന്നാൽ സ്വാഭാവികമായും എല്ലാസംശയങ്ങളും തന്റെ നേർക്ക് വരുമെന്ന് നാഗവല്ലി കണക്കുകൂട്ടിയിരിക്കണം .അതായതു നാഗവല്ലിക്ക് രാമനാഥനൊപ്പം ജീവിക്കാൻ മറ്റൊരാളെ പ്രതിസ്ഥാനത്തു നിർത്തിയെ പറ്റൂ .അതുകൊണ്ടാണ് ശ്രീദേവിയെ കരു ആക്കി ഗംഗയിലെ ചിത്തരോഗി പല നാടകങ്ങളും കളിക്കുന്നത്.ആ നാടകങ്ങളെ കുറിച്‌ പിന്നീട് പറയാം .
അങ്ങനെയെങ്കിൽ വേറൊരു സംശയം ഇവിടെ വരുന്നുണ്ട്. ദുർഗ്ഗാഷ്ടമിക്കു നകുലനെ കൊല്ലുമെന്ന് പറഞ്ഞ നാഗവല്ലി എന്തുകൊണ്ട് അതിനു മുൻപേ ചായയിൽ വിഷം കലക്കി നകുലനെ കൊല്ലാൻ ശ്രമിക്കുന്നത്?.ഇതിനുള്ള ഉത്തരം രണ്ടു രീതിയിൽ വ്യാഖ്യാനിക്കാൻ കഴിയും
അതിൽ ഒന്നാമത്തേതു ,നാഗവല്ലി നകുലനെ കൊല്ലാൻ തക്കം പാർത്തിരിക്കുക ആണ് അത് ദുർഗ്ഗാഷ്ടമിക്കു അപ്പുറം പോകില്ല എന്നേ ഒള്ളൂ .അത് മനസ്സിലാക്കാൻ സണ്ണി ഗംഗ യുടെ രോഗത്തെ പറ്റി വിശദീകരിക്കുന്ന ഭാഗം ഒന്ന് കൂടി കണ്ടാൽ മതി ആകും.സണ്ണി പറയുന്നുണ്ട് " അടുത്ത് തന്നെ തറവാട്ടിൽ ഒരു കൊലപാതകം നടക്കും അത് പക്ഷെ ദുര്ഗാഷ്ടമിക്കപ്പുറം പോകില്ല " എന്ന് . മാത്രമല്ല നകുലനെ കൊന്നിട്ട് ശ്രീദേവിയെ അതിൽ പ്രതി ആക്കുകയും വേണം .എങ്കിലേ രാമനാഥന് ഒപ്പം നഗവല്ലിക്കു ജീവിക്കാൻ കഴിയൂ .അതിനു വേണ്ടി പറ്റിയ സന്ദർഭം തക്കം പാർത്തിരിക്കുവാണ്‌ .
ഇവിടെ ചായയിൽ വിഷം കലർത്തി നകുലന് കൊടുക്കുന്ന രംഗം ശ്രദ്ധിക്കുക . ശ്രീദേവി ഇട്ട ചായയിൽ ഗംഗ വിഷം കലർത്തുന്നു , പിന്നീട് ആ ചായ അല്ലിയാണ് നകുലന് കൊണ്ട് കൊടുക്കുന്നത്. ഇതിൽ നിന്നും നമ്മൾ മനസ്സിലാക്കേണ്ട കാര്യം ഗംഗയിലെ ചിത്തരോഗിയുടെ ബുദ്ധിസമർഥ്യമാണ്. അതായതു നകുലൻ വിഷം കലർത്തിയ ചായ കുടിക്കുകയും അതിനെ തുടർന്ന് മരണവെപ്രാളം കാണിക്കുകയും ചെയ്യുമ്പോൾ ആ വിവരം അറിയിക്കാനായി അല്ലി തന്റെ അടുത്തുവരുമെന്നും അപ്പോൾ അല്ലിയെ അപയപ്പെടുത്താമെന്നും ഗംഗയിലെ ചിത്തരോഗി കണക്കുകൂട്ടിയിരിക്കാം.(സണ്ണി തറവാട്ടിൽ വന്നതറിയിക്കാൻ അല്ലി ഗംഗയെ തേടി പോകുന്ന രംഗം ഓർക്കുക )അതായതു ഒരു വെടിക്ക് മൂന്നു പക്ഷി
. അത്കൊണ്ടാണ് ശ്രീദേവി ഇട്ട ചായയിൽ വിഷം കലർത്തി നകുലനെ കൊല്ലാൻ ഗംഗ യിലെ ചിത്തരോഗി ശ്രമിക്കുന്നത്.
ഇവിടെ ചായയിൽ വിഷം കലർത്തി നകുലന് കൊടുക്കുന്ന രംഗം ശ്രദ്ധിക്കുക . ശ്രീദേവി ഇട്ട ചായയിൽ ഗംഗ വിഷം കലർത്തുന്നു , പിന്നീട് ആ ചായ അല്ലിയാണ് നകുലന് കൊണ്ട് കൊടുക്കുന്നത്. ഇതിൽ നിന്നും നമ്മൾ മനസ്സിലാക്കേണ്ട കാര്യം ഗംഗയിലെ ചിത്തരോഗിയുടെ ബുദ്ധിസമർഥ്യമാണ്. അതായതു നകുലൻ വിഷം കലർത്തിയ ചായ കുടിക്കുകയും അതിനെ തുടർന്ന് മരണവെപ്രാളം കാണിക്കുകയും ചെയ്യുമ്പോൾ ആ വിവരം അറിയിക്കാനായി അല്ലി തന്റെ അടുത്തുവരുമെന്നും അപ്പോൾ അല്ലിയെ അപയപ്പെടുത്താമെന്നും ഗംഗയിലെ ചിത്തരോഗി കണക്കുകൂട്ടിയിരിക്കാം.(സണ്ണി തറവാട്ടിൽ വന്നതറിയിക്കാൻ അല്ലി ഗംഗയെ തേടി പോകുന്ന രംഗം ഓർക്കുക )അതായതു ഒരു വെടിക്ക് മൂന്നു പക്ഷി
. അത്കൊണ്ടാണ് ശ്രീദേവി ഇട്ട ചായയിൽ വിഷം കലർത്തി നകുലനെ കൊല്ലാൻ ഗംഗ യിലെ ചിത്തരോഗി ശ്രമിക്കുന്നത്.
ഇനി ഇതിന്റെ തന്നെ മറ്റൊരു സാധ്യതയെ പറ്റി ഒന്നു നോക്കാം അതിനു നമ്മൾക്കു സണ്ണി വിഷകുപ്പി കാണുന്ന സീൻ മുതൽ ഒന്നു റീ പ്ലേ ചെയ്യാം . ഇവിടെ സീനിലേക്കു വന്നാൽ സണ്ണി ഒരു പപ്പടം കുത്തി ചന്തുവിന്റെ നേർക്ക് എറിഞ്ഞുകൊടുക്കുന്നിടതാണല്ലോ ആ വിഷകുപ്പി അവിടെ കാണുന്നത് . പിന്നീട് നകുലാ എന്നും വിളിച്ചോണ്ടു ഓടി നകുലന്റെ കയ്യിൽ നിന്നും ചായ തട്ടികളയുന്നതും പിന്നെ ആ വിഷകുപ്പി അവിടെക്കിട്ടു അതിൽ വിഷം ഉണ്ടായിരുന്നു എന്നും പറയുന്നു. പിന്നീട് ഗംഗയുടെ രോഗ വിവരം അറിയുമ്പോൾ നമ്മൾ വിചാരിക്കുന്നത് ഗംഗ യാണ് ആ വിഷം കലർത്തുന്നതെന്നാണ് . ആ വിചാരം ആണ് നമ്മളെ ആദ്യം ചോദിച്ച സംശയത്തിലേക്കു എത്തിക്കുന്നതും.
എന്നാൽ ഈ വിഷകുപ്പി സണ്ണിതന്നെ അടുക്കളയിൽ കൊണ്ടിട്ടതാണെങ്കിലോ..ങ്കിലോ..കിലോ.. 
.
.
കാര്യം എന്താണെന്ന് വച്ചാൽ അതിലെ വിഷകുപ്പി ആയി കാണിക്കുന്ന കുപ്പി കണ്ടിട്ടു മരുന്നിന്റെ ചെറിയ കുപ്പി ആയിട്ടാണ് തോന്നുന്നത് . ആ തറവാട്ടിൽ അങ്ങനെ ഒരു മരുന്ന് സണ്ണിയുടെ കയ്യിൽ അല്ലാതെ വേറെ ആരുടെയും കയ്യിൽ ഉണ്ടാവാൻ സാധ്യത ഇല്ല . താൻ പറഞ്ഞാൽ എല്ലാരും വിശ്വസിക്കും എന്നു സണ്ണിക്കറിയാം .കൂടാതെ ചായയിൽ വിഷം കലർത്തിയിട്ടുമില്ലായിരുന്നു കാരണം നകുലന്റെ ജീവൻ കൂടി സംരക്ഷിക്കേണ്ട ബാധ്യത സണ്ണിക്കുണ്ടു എന്നത് തന്നെ .അതുകൊണ്ടുതന്നെ വിദഗ്‌ധമായി അവിടെ ഒരു കുപ്പി കൊണ്ടിടുകയും അതു നാടകീയമായി കണ്ടെടുത്തു ചായയിൽ വിഷം ഉണ്ടെന്നു വരുത്തിത്തീർക്കുകയും ചെയ്തു സണ്ണി 10 തലയ തനി രാവണൻ എന്നു പറയുന്നത് വെറുതെയാണോ
10 തലയ തനി രാവണൻ എന്നു പറയുന്നത് വെറുതെയാണോ
അപ്പോൾ ഒരു ചോദ്യം വരുന്നുണ്ട് എന്തിനിങ്ങനെ ഒരു നാടകം കളിക്കുന്നു സണ്ണി ???
ഇവിടെയാണ് ബുദ്ധിമാനായ ഡോ.സണ്ണിയെ മനസിൽ ആക്കേണ്ടതു ഇവിടെ ഗംഗയിലെ രോഗിയെ കൂടുതൽ മനസിൽ ആക്കിയെങ്കിലെ സണ്ണിക്കു അടുത്ത ചികിത്സ പദ്ധതികളെ കുറിച്ചു തീരൂമാനം എടുക്കാൻ കഴിയൂ . ഇവിടെ ഗംഗയിലെ ചിത്തരോഗി നകുലനെ കൊല്ലാൻ തക്കം പാർത്തിരിക്കുവാണെന്നു എല്ലാർക്കും അറിയാം . കൂടെ അതിൽ ശ്രീദേവിയെ ഇരയാകുകയും വേണം . ഇതു മനസിലാക്കിയ സണ്ണി ഗംഗയിൽ നിന്നും ശ്രീദേവിയെ രക്ഷപെടുത്താനും അതുവഴി ഗംഗയുടെ പല കണക്കുകൂട്ടലുകളെയും താളം തെറ്റിക്കുവാൻ കൂടി ആണ് അവളെ പൂട്ടിയിടണം എന്നു തമ്പിയോടും കൂട്ടരോടും പറയുന്നതും.ഇതു അവഗണിച്ച തമ്പിയും കൂട്ടരെയും കാര്യങ്ങൾ മനസിലാക്കുവാൻ വേണ്ടി കൂടി തന്നെ സൈക്കിളോടിക്കൽ മൂവ് ആയി കളിച്ച നാടകമാണ് ചായയിൽ ശ്രീദേവി വിഷം കലർത്തി എന്നാരോപിക്കുന്നതും തൽഫലമായി വീട്ടുകാരുടെ നാവു അടയുന്നതും തുടർന്ന് മുറിക്കുള്ളിൽ പൂട്ടിയിടുന്നതും എന്നു മനസിലാക്കാം.
കൂടാതെ ചായയിൽ വിഷം ഉണ്ടെന്നു അറിയുന്ന നകുലൻ അമ്പരന്നു നിൽക്കുമ്പോൾ ആണ് ഗംഗ അവിടേക്ക് ഓടിയണച്ചെത്തുന്നത് . അതു ചെയ്തത് താനാണെന്ന് നകുലൻ സംശയിക്കുമോ എന്നൊരു ചിന്ത ഗംഗയിലെ ചിത്ത മനസ്സിന് തോന്നുകയും സ്വാഭാവികമായും ആ ടെന്ഷനിൽ ഗംഗയിൽ ചിത്തരോഗി പുറത്തുവരാൻ തുടങ്ങുകയും ചെയ്യുന്നു .ഇതു കണ്ട സണ്ണി ഉടനെ അവളുടെ ആ സംശയം മറ്റാനാണെന്നവണ്ണം ശ്രീദേവിയാണ് അതു ചെയ്തത് എന്ന പറഞ്ഞു മുറിയിൽ പൂട്ടിയിടുകയും ചെയ്യുന്നു .
പിന്നീട് നടന്നത് ഗംഗയിലെ ചിത്തരോഗിയെ ശാന്തമാക്കാൻ ആയും അവളിലെ രോഗിണിയെ മനസിലാക്കാനും നാഗവല്ലിയുടെ പ്രിയ രാഗമായ ആഹരി രാഗത്തിൽ പഴന്തമിഴ്
പാട്ടുപാടി അവളെ നിരീക്ഷിക്കുകയും ചെയ്യുന്ന സണ്ണിയുടെ സൈകിളോടിക്കൽ മൂവുകൾ ആയിരുന്നു. ഇതിനെ പറ്റി നേരത്തെ വിശദീകരിച്ചിരുന്നതിനാൽ അതിലേക്കു കടക്കുന്നില്ല
പാട്ടുപാടി അവളെ നിരീക്ഷിക്കുകയും ചെയ്യുന്ന സണ്ണിയുടെ സൈകിളോടിക്കൽ മൂവുകൾ ആയിരുന്നു. ഇതിനെ പറ്റി നേരത്തെ വിശദീകരിച്ചിരുന്നതിനാൽ അതിലേക്കു കടക്കുന്നില്ല
ഇങ്ങനെ ഓരോ സീനുകൾക്കും നമ്മൾക്ക് പലതരത്തിൽ ഉള്ള വ്യാഖ്യാനങ്ങൾ ചമയ്ക്കുവാൻ സാധിക്കും അതുതന്നെയാണ് മണിച്ചിത്രത്താഴ് എന്ന ചലച്ചിത്രം ഇപ്പോളും ചർച്ചാവിഷയം ആവുന്നതും
നന്ദി
തുടരും....
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക