മനസ്സ് എവിടെയാ ഇരിക്കുന്നത്?

ചർച്ച സൗന്ദര്യത്തെക്കുറിച്ചായിരുന്നു..
മനസ്സിന്റെ സൗന്ദര്യമാണ് പ്രധാനം..
നശ്വരമായ ശരീര സൗന്ദര്യം കണ്ട് ഭ്രമിക്കരുത്....
രാഘവേട്ടനാണ് ആദ്യം സംശയം ഉണ്ടായത്...
മനസ്സ് എവിടെയാ ഇരിക്കുന്നത്?
മഞ്ജു നെഞ്ചിൽ തൊട്ടു കാട്ടി..
വർഗ്ഗീസ് വയറിൽ....
പ്രദീപ് തലയിൽ....
ചിലർ ചുണ്ടിലും മറ്റു ചിലർ നാവിലും തൊട്ടു കാട്ടി..
അടുത്തിരുന്ന പത്തു വയസ്സുകാരൻ തല ചരിച്ച് എന്നെ നോക്കി..
ഞാൻ വെറുതെ ചിരിച്ചു..
അങ്കിൾ...
ശരീരമില്ലെങ്കിൽ മനസ്സുണ്ടാവുമോ?.
വെള്ളിത്തൂവലുകൾ ചിതറിയ ആകാശത്തേയ്ക്ക് നോക്കി..
വട്ടമിട്ടു പറക്കുന്ന ഒരു പക്ഷി.
മനസ്സിന് സന്തോഷം തോന്നി..
ഉത്തരം അറിയാതെ ഞാൻ മിണ്ടാതിരുന്നു......
...പ്രേം...