ചില നോവുകൾ

°°°°°°°°°°°°°°°°°°°°
ഉച്ച നേരത്ത് താന്നി മല കയറി വന്ന പോലീസ് പട, മലയടിവാരത്തിലെ മൂന്നു നാലു വീടുകളിൽ വാറ്റ് ചാരായം പിടിച്ചെടുക്കാനുള്ള വ്യഗ്രതയോടെ തിരച്ചിൽ തുടങ്ങി. അപ്പോഴാണ് പറമ്പിൽ ദൂരെ മാറി മൺ കൂന കണ്ടത്. സംശയത്തോടെ അയാൾ അവിടെ ദൃഷ്ടിയൂന്നി. ദൂരെ മാറി നിന്ന കേളനെ കൈമാടി വിളിച്ചു.

"എടോ ഇവിടെ എന്താ കുഴിച്ചിട്ടത് വാറ്റല്ലേ" ?

"അല്ല സാറേ"
കൈ കൂപ്പി അയാൾ പറഞ്ഞു.

"സാർ ഞാൻ പറയാം, അല്പം മാറി നിന്നിട്ട്."

കേശവൻ അത് പറഞ്ഞു തീരുബോഴേക്കും എസ്. ഐ ആക്രോശിച്ചു.

"അങ്ങോട്ട് മാറിനിൽക്കെടാ"

പക്ഷേ എസ് ഐ കോൺസ്റ്റബിൾമാർക്ക് അവിടെ കുഴിക്കാൻ നിർദ്ദേശം നൽകി.
കേളൻ്റെ ഉള്ളു പിടഞ്ഞു. നെഞ്ചിൽ വലിയൊരു ഭാരം കയറ്റി വച്ചതു പോലെ
കേളൻ്റെ മക്കളും, കുടുംബവും വീടിന്റെ മുറ്റത്ത്‌ നിന്ന് എല്ലാം നോക്കി കാണുന്നുണ്ടായിരുന്നു.

കഴിഞ്ഞ ആഴ്ച പ്രസവം കഴിഞ്ഞു കുഞ്ഞിനെ നഷ്ടപ്പെട്ട കേളൻ്റെ ഇളയ മകൾ കരഞ്ഞു വീർത്ത കണ്ണുകളുമായി കേളനരികിൽ ഉണ്ടായിരുന്നു. കുഞ്ഞിനെ അടക്കം ചെയ്തത് അവിടെയാണ്. പക്ഷേ ഭ്രാന്തിയേപ്പോലെ ആയി മാറിയ അവളുടെ മുൻപിൽ വെച്ച് ഒന്നും പറയാൻ അയാൾക്ക് കഴിഞ്ഞില്ല.

കുറച്ചു മണ്ണുകൾ നീക്കിയപ്പോൾ തന്നെ അതൊരു മൃതദേഹം അടക്കം ചെയ്തതാണെന്ന് മനസ്സിലാക്കിയ പോലീസുകാർ മാപ്പ് പറഞ്ഞു പെട്ടെന്ന് തന്നെ മലയിറങ്ങി.
പക്ഷേ തൻെറ കുഞ്ഞിനെ അടക്കം ചെയ്തത് അവിടെ ആണെന്നറിഞ്ഞു അവിടെയിരുന്ന് ആ അമ്മ പൊട്ടിക്കരഞ്ഞു.

ജോലിയുടെ ഭാഗമായിട്ടാണെൻകിലും
ചില നോവുകൾക്ക് മേൽ പിന്നെയും പിന്നെയും
തീക്കനലുകൾ കോരിയിടുന്നതിനേക്കാൾ ക്രൂരത ഈ ലോകത്ത് മറ്റെന്തുണ്ട്.........

രാജിരാഘവൻ