സെൽഫി

( ഒരു നുറുങ്ങുകഥ)

രോഗിയായ അച്ചനെ കാണാൻ വന്ന അമേരിക്കയിലെ വലിയ ഉദ്യാഗസ്ഥനായ മകന് ഒട്ടും സമയമില്ലായിരുന്നു

മൂന്നേ മൂന്ന് ദിവസം മാത്രം അച്ചന്റെ കൂടെ ചിലവഴിച്ച് തിരിച്ചു പോകുന്നതിന് മുൻപായി അയാൾ ഹോംനേഴ്സിനോടായി പറഞ്ഞു

" അച്ചനെ ഒരു നല്ല ഷർട്ടെല്ലാം ഇടീച്ച് വൃത്തിയായിട്ടൊന്നിരുത്ത് ... അച്ചന്റെ കൂടെ എനിക്ക് കുറച്ച് സെൽഫിയെടുക്കണം--- രാജശ്രീക്കും മക്കൾക്കും അയച്ചു കൊടുക്കാനാ... പിന്നെ എന്റെ ഫ്രണ്ട്സിനെയും കാണിക്കണം''

ശക്തമായ ശ്വാസതടസ്സം കൊണ്ട് ബുദ്ധി മുട്ടുന്ന തൊണ്ണൂറിനോടക്കുന്ന അച്ചനെ പിടിച്ചിരുത്തി അയാൾ കുറെ സെൽഫിയെടുത്തു :ഭാര്യക്ക് അയച്ചുകൊടുത്തു ....

തിരിച്ച് ന്യു യോർക്കിൽ എയർപോർട്ടിലിറങ്ങിയ അയാൾക്ക് ഫോണിൽ ഒരു മെസ്സേജ് വന്നു:

"സർ. അച്ചൻ മരിച്ചു "

അതിന്റയൊപ്പം മരിച്ചു കിടക്കുന്ന അച്ചന്റെ കൂടെ നിന്നു കൊണ്ടുള്ള ഹോം നേഴ്സിന്റെ ഒരു സെൽഫിയും.

By: Suresh Menon