ഓഖീ അരുത് (കവിത )

ഭൗമ ചലനങ്ങളിൽ ത്വരിത ഭ്രമണങ്ങളിൽ 

സമയനിയമങ്ങളെഴുതുന്ന കരങ്ങളിൽ നിന്നോ, 

നീ ഉയിർകൊണ്ടു വന്നത് ഓഖീ.. ?

തീക്ഷ്ണ യൗവനത്താൽ നിന്റെ ശിരസിൽ 

തിളയ്ക്കുന്ന കാമമോ, രൗദ്രമോ
നീലിമ നുരയുന്ന ലഹരിക്കയങ്ങളിൽ 

കടൽകൂട്ട് കൂടി നീയാടിത്തിമർക്കുന്നു.

പകയുടെ ചോദനകൊണ്ടു പുളയുന്ന 

കണ്ണിണകളാൽ നീ ഇരുൾമേഘഭീതിയെ 

മഴയെ, കെടുതിയെ, 

എന്തിനു തീവ്രശരവേഗതാളത്തിലിവിടെയെറിയുന്നു.

ഇവിടെയീ മണ്ണിന്റെ ഹൃത്തിൽ, 

ഈ ജനസാഗരങ്ങളുയിരോടെ ശയിക്കുന്ന 

നിബിഡഭൂവിന്റെ മനവും നിനവും തകർക്കുവാൻ ഒരു വേള നീ നിനച്ചിരിക്കാമെങ്കിലും, വേണ്ട മടങ്ങുക 

നീ ഓഖീ.

കലിതുള്ളിയപ്പെരുമഴക്കാലപുറപ്പാട് വേണ്ട, 

ഇനി യാത്ര മതിയാക്കി മടങ്ങുക നീ 

ഉയിർകൊണ്ടെതെവിടെയോ അവിടേക്ക് തന്നെ.

ഓഖീ അരുത് നീ മടങ്ങുക.

"""""""""""""""""""""""""""""""""""""""""""""''"'"""""""""""""""
പ്രമോദ്കൃഷ്ണൻ
വള്ളിക്കോട് കോട്ടയം
പത്തനംതിട്ട.