കടലമണിക്കവിതകൾ

1
ഇന്ന് ഉമ്മറകത്തും
ഉമ്മ ഉമ്മറത്തും.!

2
കൂടെ പൊറുക്കാന്‍
കൂടെക്കൂടെ പൊറുക്കണം

3
പാചകറാണി മാരേക്കാള്‍ ഇന്നുള്ളത്
വാചക റാണിമാരാണ്

4
നോളെജും ഏജും ഉണ്ടായിട്ടെന്ത് ?
ആള് വെറുമൊരു നോളയാണെങ്കില്‍!

5
മെയ് വഴക്കം മാത്രം പോര
മൊഴി വഴക്കം കൂടി വേണം

6
കടന്നലും കടങ്ങളും
കടന്നു കുത്തും ..!

7
നിവൃത്തിക്ക് പ്രവൃത്തി;
പ്രവൃത്തിക്ക് വൃത്തി
വൃത്തിയുള്ള പ്രവൃത്തിക്ക്
പ്രവൃദ്ധി.!

8
മഴയിലഴുകി
വഴുതും
വഴിയിലൂടിഴയും
പുഴുവിനും
വഴിയുമഴക് !

9
പുക
വ്യാപകമാവുന്നതിനേക്കാള്‍ അപകടമാണ്
പക
വ്യാപകമാവുന്നത്

10
പുഴ ഒഴുകുന്നു
പുഴു ഇഴയുന്നു
മഴ പെയ്യുന്നു
മഴു കൊയ്യുന്നു

Usman Iringattiri