കവിത

ചിരിച്ച് കൊണ്ട് മുഖമുയർത്തുന്ന പൂവിനോട്
കാറ്റെടുത്തോടുന്ന
സുഗന്ധങളോട്

മണ്ണിന്റെ അരഞ്ഞാണത്തിൽ
പൊട്ടിച്ചിരിക്കുന്ന
മഴത്തുള്ളികളോട്
ആകാശങളെ ഛായം പൂശുന്ന മാന്ത്രികതയോട്

പൂമലകളിൽ ചൂളമടിച്ച്
രമിക്കുന്ന മേഘത്തോപ്പുകളോട്
നക്ഷത്രങ്ങൾ കണ്ണ് ചിമ്മിയ പൂനിലാവുടലിനോട്

അസ്തമയത്തിൽ
കടലിലേക്കൂളിയിട്ട
ചെഞ്ചോരയോട്

പ്രഭാത ഹ്യദയം
ചിറകടിച്ചുയർന്ന
പറവകളുടെ സ്വാതന്ത്ര്യത്തോട്

പ്രിയപ്പെട്ടവളെ
പ്രപഞ്ച സ്പന്ദനത്തോടൊപ്പം
ഏകാന്തതകളിൽ
ആത്മാവ് ദാഹിക്കുന്നു...

സമരമെന്നത്
മറ്റൊന്നിനുമേകാതെ
നിന്നിലലിയാനാണ്
നിന്നിൽ മാത്രം....

...... ആഗ...