കുഞ്ഞരിപ്രാവ്

നിനക്ക് മുഖലക്ഷണമറിയുമെങ്കിൽ
നീയിന്നെന്നെ കണ്ടിരുന്നെങ്കിൽ
ഒരിയ്ക്കലും നിനക്കിന്നെന്നോടിങ്ങനെ
ചൊല്ലാനാകുമായിരുന്നില്ലല്ലോ?
ഇന്നു നിന്റെ പഴികൾ കേൾക്കാൻ മാത്രം
വിധിയ്ക്കപ്പെട്ടൊരു പാവം
യാഥാർത്ഥ്യമംഗീക്കരിയ്ക്കാനാവാതെ
ഞാനുമിന്നുഴലേണ്ടി വരില്ലായിരുന്നല്ലോ?
ഉത്തരമില്ലാത്ത ചോദ്യങ്ങളനേകം കൂട്ടിനു
നൽകി നീ പറന്നു പോയതെങ്ങോട്ടോ ?
തിരികെ വരാനാവില്ലെന്നു നീ പറയുമ്പോഴും
മുറ്റത്തെ തൊടിയിൽ നീ കളിയ്ക്കുന്നതു
കണ്ടെൻ ഹൃദയം വിതുമ്പുന്നതു കേട്ടൂടേ-
യെൻ കുഞ്ഞരിപ്രാവേ നിനക്കു ?
നിന്റെ കുറുകലുകളില്ലാതെനിക്കെങ്ങനു-
റങ്ങാനാവുമെൻ കുഞ്ഞിക്കുരുന്നേ ?
ഇല്ലില്ലയിനിയൊരിയ്ക്കലും ഞാനിനി
ചൊല്ലീടില്ലൊന്നുമേ സത്യം
പിണങ്ങല്ലേ പറന്നു പോയീടല്ലേ
എന്നരികിൽ നിന്നുമിനിയൊരിയ്ക്കലുമേ

സുജ്