ഒന്നാം തരം ഇഷ്ടങ്ങൾ

ഒരു ദിവസം രാവിലെ ക്ലാസിലേക്കുപോകുന്നതിന്നിടയിലാണ് ഒരമ്മ വന്ന് ഒന്നാം ക്ലാസിലെ ടീച്ചറെ ചോദിച്ചത്.
"എന്താ കാര്യം " ? -ന്ന്
അറിയില്ല.
ഞാൻ അവരെയും കൂട്ടി ഒന്നാം ക്ലാസിന്റെ വാതിൽക്കലെത്തി
ടീച്ചറേ നിതുവിന്റെ അമ്മ നിങ്ങളെ കാണാൻ വന്നിരിക്കുന്നു.
" ആ -വന്നാ ഞാൻ ഞാൻ ബിചാരിച്ചു വരു ലാന്ന് - ടീച്ചർ ഒച്ചയെടുത്ത് സംസാരിച്ചു കൊണ്ട് കുട്ടിയെയും പിടിച്ച് പുറത്തിരങ്ങി.
ക്ലാസിലേക്കു പോകാൻ തുടങ്ങിയ എന്നെ പിടിച്ചു നിർത്തി
ഇത് കണ്ടാ ടീച്ചറെ ഇവൾ രണ്ടിലെ ഒരു ചെക്കന് പ്രേമ ലേഖനം എഴുതീന് - ടീച്ചർ
ഞാൻ വാ പൊളിച്ചു.
അന്മയുടെ മുഖം കുനിഞ്ഞു.
" ഇതെല്ലം മുട്ടേന്ന് പൊട്ടിയാ - ഇപ്പളേ ഇങ്ങനെ തൊടങ്ങിയാലെന്നാക്കെ ടീച്ചർമാരുടെ സ്ഥിരം പദാവലിയുടെ ശേഖരം കുടഞ്ഞിടുന്ന അവരുടെ മുമ്പിൽ നിൽക്കുന്ന അന്മയുടെ മുഖം വിവർണമായി.
"നിങ്ങളാ കത്തു കാണിച്ചാ ടീച്ചറേന്നും പറഞ്ഞ് ഞാൻ കടലാസ് വാങ്ങി.
"സനേജിനെ ഇട്ടം " എന്നു തോന്നുന്ന തരത്തിൽ എന്തോ ഒരു വരി അതിൽ എഴുതിയിട്ടുണ്ട്.
" ടീചറെ , നിങ്ങൾ ചിഹ്നം പഠിപ്പിച്ചത് അത്ര ശരിയായിറ്റില്ല കെട്ടാ " ന്ന് എന്റെ ഡയലോഗ്.
അരിയെത്ര പന്ന് ചോയ്ക്കുമ്പം - ന്നുള്ള ഭാവത്തിൽ അവർ പറഞ്ഞു
"എന്നാലും ഓള് എഴ്തിയ കണ്ടില്ലേ എന്തെല്ലം എഴ്താന്ണ്ട് " - ടീച്ചർ വിടാൻ ഭാവമില്ല.
അമ്മ കുഞ്ഞിനെ ഇപ്പോ അടിക്കും എന്ന് എനിക്ക് തോന്നി.
: മോള് ഇനി എന്ത് എഴുതിയാലും ടീച്ചറെ കാണിച്ച് ശരിയിട്ടി റ്റെ വേറെയാരെയും കാണിക്കാവൂട്ടാ - ഇത് തേച്ചും തെറ്റാണ് :- ഞാൻ
അവൾ - ശരി എന്ന് തലയാട്ടി.
ഞാൻ കുഞ്ഞിനെ ക്ലാസിലേക്ക് പറഞ്ഞു വിട്ടു.
അമ്മയോട് പറഞ്ഞു. " വീട്ടിന്ന് എഴുതുമ്പം കുറേശെ സഹായിക്കണം - തിരിഞ്ഞ് - അല്ലേ ടീച്ചറെന്നും.
അമ്മയുടെ മുഖത്ത് ആശ്വാസം.
" അവര് പൊയ്ക്കോട്ടെ - ന്ന് ഞാൻ
ടീച്ചർക്കത് ഇഷ്ടപ്പെട്ടില്ലാന്ന് മുഖഭാവം
- നിങ്ങക്ക് ഈ ഏരിയയുടെ സ്വഭാവം അറിയായിറ്റാ - ടീച്ചർ.
പോട്ട് ടീച്ചറെ അഞ്ചു വയസിൽ എന്ത് പ്രേമം
ഇതൊക്കെ കാര്യമാക്കിയാൽ ഹൈസ്ക്കൂളുകാരെന്തു ചെയ്യും? ന്നും പറഞ്ഞ് ഞാൻ ക്ലാസിലേക്കു പോയി.❤️..

❤️ അടുത്തത് കുറച്ചൂടി കടുപ്പത്തിലുള്ള പ്രണയമാണ്.
ഞാൻ ഒന്നാം ക്ലാസിലാണ്.
രാവിലെ ക്ലാസിൽ കേറുമ്പോൾ
: ടീച്ചറേ മുസ്തഫ സലീമക്ക് ഉമ്മ കൊടുത്ത് ഐ ലവു പറഞ്ഞു " എന്ന കോറസാണ് എതിരേറ്റത്.
"ഉമ്മ കൊടുത്താ?
ഐ ലവു പറഞ്ഞു?
എന്താ സംഭവം - ഒരാളു പറ എന്ന് ഞാൻ.

ഞാൻ മുസ്തഫയെ ഒളികണ്ണിട്ടു നോക്കി.

ടീച്ചറുടെ മുഖം കറുത്താലേ കരച്ചിലു വരുന്ന നിഷ്കളങ്കൻ., പഠിക്കാൻ മിടുക്കൻ.
മുഖമാകെ വീർത്തു കെട്ടി ഇപ്പം പെയ്യുംന്നുള്ള മട്ടിൽ ഇരിക്കുന്നു.

സംഭവം ഇങ്ങനെയാണ്.
മുസ്തഫ ക്ലാസിലെത്തി. അവൻറെ കൈയിൽ എന്തൊക്കെയോ ഉണ്ട്. അതൊക്കെ കൂട്ടുകാർക്ക് വീതിച്ചു കൊടുത്തു. അപ്പോഴാണ് സലീമക്ക് ഒരു ഉമ്മയും കൂടെ കൊടുത്തത്. - അനസ് ഒരു യുദ്ധം വിവരിക്കുന്ന ആവേശത്തിൽ പറഞ്ഞു തീർത്തു.
ഞാൻ സലീമയെ നോക്കി.
"അയ്ന്ന്ന്താ ഇപ്പോ " ന്നുള്ള ഭാവത്തിൽ ചുന്ദരി കുലുക്കമില്ലാതെയിരിക്കുന്നു
ഏതായാലും അവൾ കരയുന്നില്ലല്ലോ
ഞാൻ മുസ്തഫയെ വിളിച്ചു.
എന്തു പറഞ്ഞാലും അനുസരിക്കുന്ന കുട്ടി.

വേഗം മേശന്റെടുത്ത് വന്നു.
ചോദ്യം ചെയ്യൽ കേൾക്കാൻ എല്ലാരും അക്ഷമമായിട്ടിരിക്കുന്നു.

- മോൻ ഓളെ ഉമ്മ വെച്ചിനാ ? - 1.
-ഉം -
- വേറെ പെൺകുട്ടികളെ അങ്ങനെ ഉമ്മ വെക്കാവ്വാ?-2
.........
- ഇനിയെന്ത് ചോയ്ക്കും ?
- എപ്പം കരച്ചിൽ തൊടങ്ങണംന്നേ ഓന് സംശയുള്ളു.
- ഐ ലവു -. ന്ന് പറഞ്ഞാൽ എന്താടാ?
.........
- ആരാ അങ്ങനെ പറഞ്ഞ് തന്നത് ?
- ഉപ്പ - ( ടീച്ചർക്ക് അമ്പരപ്പായി ) /
ഉപ്പയാ ?!
ഉം , ഉപ്പയിന്നലെ ഉമ്മക്ക് ഉമ്മ കൊടുത്ത് ഐ ലവു - ന്ന് പറയ്ന്ന കണ്ടിന്
😂😂 എനിക്ക് കാര്യങ്ങളുടെ കെടപ്പ് പിടികിട്ടി..
ഉപ്പ ഗൾഫിൽ നിന്ന് വന്നിട്ട് ഒരാഴ്ചയേ ആയിട്ടുള്ളു.❤️
( ഈ ഗൾഫിന്ന് വരുന്ന അച്ഛൻമാർ ഒന്നാം ക്ലാസുകാർക്ക് എപ്പോഴും പാരയാണ്. അതുവഴി ഒന്നിലെ ടീച്ചർക്കും😂😂)
- ഉമ്മന്റെ ആരാ ഉപ്പാ ? ( ചോദ്യം ചെയ്യാൻ ഒരു തുമ്പു കിട്ടിയ സന്തോഷം)
- പുയ്യാപ്ല
- സലീമ വേറെ വീട്ടിലെ കുട്ടിയല്ലെ -
അതെ
- അന്നേരം നമ്മള് ഉമ്മ കൊടുക്കാവ്വ്വാ?
- ഉം ഉം
- ഓളെ ഉപ്പ നിന്നെ കലമ്പിയാലോ, ടീച്ചർക്കും കിട്ടും കലമ്പ്
- മോൻ വല്തായി പുയ്യാപ്ല്യയാവും ഉമ്മ കൊടുക്കാട്ടാ - ഞാൻ.
-ഉം, - ന്ന് നാണം കലർന്ന ചിരി. (എന്റെയുള്ളിൽ ചിരിപൊട്ടി )
ന്നാ - സീറ്റി പോയിരുന്നോ .
അടി കാണാൻ ഇരുന്നവർക്ക് ചെറിയ നിരാശ തോന്നി...
ഞാൻ സലീമ നെ വിളിച്ച് സ്വകാര്യം
മോള് . ആരെയും ഉമ്മ വെക്കാനും കെട്ടിപ്പിടിക്കാനൊന്നും സമ്മയ്ക്കാൻ പാടില്ല കെട്ടാ - ന്ന് പറഞ്ഞു. - കുഞ്ഞി തലയാട്ടി സീറ്റിൽ പോയിരുന്നു
. ( ഏറ്റവും ചെറിയ ക്ലാസിൽ തന്നെ കുട്ടികൾക്ക് ഇത്തരം അവബോധം നൽകണമെന്ന് എനിക്ക് തോന്നി)
ഇന്റർവെൽ ആയപ്പോൾ നാലാം ക്ലാസുകാർ കൂട്ടത്തോടെ എത്തി...
ടീച്ചറേ..ന്നും -
ഓടിക്കോ - ഇനിയാരും ഇതും പറഞ്ഞോണ്ട് വന്നാൽ എന്ന് ഭീഷണിപ്പെടുത്തി.
ഇനി ഇത് വീട്ടുകാർ എങ്ങനെ എടുക്കും എന്നറിയില്ലല്ലോ.
ഞാൻ നാലാം ക്ലാസിലെ മാഷോട് മാത്രം ഈ സംഭവം പറഞ്ഞു.
❤️❤️

ഇത് ഒരു പടി കൂടി കടന്ന ഇഷ്ടമാണ്😂❤️

ഒന്നാം ക്ലാസിലെ ഏറ്റവും മിടുക്കനും പോക്കിരിയും ആണ് ചിക്കു
ക്ലാസിൽ അവനില്ലെങ്കിൽ ഒരു ഓളമില്ല
.
എല്ലാ ദിവസവും കലമ്പോ ഭീഷണിയോ എന്തെങ്കിലും ഒന്ന് ഉറപ്പാ..
ഒരു നിമിഷം പോലും അവൻ വെറുതെയിരുന്ന് കണ്ടിട്ടില്ല.

ഒരീസം ഉച്ചക്ക് ചോറുണ്ടിട്ട് വരുമ്പോൾ ചിക്കുഒരു കാൽ പിന്നോട്ട് കയറ്റിവെച്ച് തൂണും ചാരി ചിന്താക്ലാന്തനായി നിൽപ്പാണ്.
: എന്താ ചിക്കു ഒരാലോചന?
- ഞാൻ നിങ്ങളെയാന്നോ UKG ലെ ടീച്ചറെയാന്നോ കല്യാണം കയിക്കേണ്ടെന്ന് ആലോചിക്കേരുന്നു " - മറുപടി ശടേന്ന് വന്നു.
എനിക്ക് ചിരി അടക്കാൻ കഴിഞ്ഞില്ല.
"അതെന്താടാ നിനക്ക് അന്നോടെല്ല ഇഷ്ടം?
" അതല്ല ഞാൻ കഴിഞ്ഞ കൊല്ലം ആ ടീച്ചറെ കല്യാണം കയ്ക്കാന്ന് പറഞ്ഞിറ്റ്ണ്ടായ് ന്..
അതാ ..."
" ഓഹോ -അന്നേരം നീ രണ്ടിലെത്തുമ്പം ആ ടീച്ചറെ കല്യാണം കയ്ക്കും - അന്നാ എനക്ക് നിന്നെ വേണ്ട - ഞാൻ.
" അല്ല - ഞാൻ ഇപ്പം അതാ ആലോയ്ച്ചെ
ടീച്ചറെത്തന്നെയാണ് ഞാൻ കയ്ക്ക്ന്ന്.

.ഞാൻ പൊട്ടിച്ചിരിച്ചു.
നിന്റെ അച്ഛനോടും അമ്മയോടും ചോദിക്ക ണ്ടെ?
- അച്ഛൻ വിടും (സമ്മതിക്കും)
- അതെന്താ ?
-അച്ഛൻ അമ്മേനെ കല്യാണം കയ്ച്ചിറ്റില്ലെ
- എന്നാ ആയ്ക്കോട്ടെ
ഞാൻ മാഷോടും എന്റെ മക്കളോടും ചോയ്ക്കട്ട് കെട്ടാ😂😂😂
- നീ പോയി എഴുതാൻ പറഞ്ഞത് എഴുതിയാട്ടെ.❤️

അവന് ടീച്ചറോടുള്ള ഇഷ്ടം അത്രയും കൂടുതലാണെന്ന് അന്ന് തിരിച്ചറിഞ്ഞു.
നിഷ്കളങ്ക ബാല്യങ്ങൾ❤️❤️
അവരുടെ ഇഷ്ടങ്ങൾ പ്രകടിപ്പിക്കുന്നത് പലതരത്തിലാകാം.
നന്മൾ അത് തിരിച്ചറിയേണ്ടത് അവരുടെ കണ്ണിലൂടെയാണ് എന്ന് അനുഭവം.

കുഞ്ഞുമക്കളോടൊപ്പം കൂടിക്കൂടി മനസു കുഞ്ഞിയായിപ്പോയൊരാൾ😂

സരസ്വതി.കെ.എം.