"ടാ ,എന്റെ പഴയ കാമുകിയെ കെട്ടിച്ചു വിട്ടത് ഇവിടെയാണ് " ,കോൺട്രാക്ടർ ഹരി പറഞ്ഞു .
" അതിന്?" ഹെൽപ്പർ വാസു ചോദിച്ചു .
"അവളുടെ ,വീട് നമ്മൾ ... പണിയുന്ന റോഡിനു ഒരു വശമാണ് " ഹരി വളരെ രഹസ്യമായ് പറഞ്ഞു .
"എന്താ ,പ്ലാൻ "? വാസു ചോദിച്ചു .
" നമക്ക് ,അവളുടെ വീടിനു മുന്നിൽ റോഡ് കുറച്ച് ചെരിച്ച് പണിയാം, മഴക്കാലത്ത് വെള്ളം മുഴുവൻ അവരുടെ വീട്ടിലേക്ക് ഒഴുകണം" ,ഉള്ളിലെ കലിപ്പ് പുറത്തെടുത്ത് ഹരി പറഞ്ഞു .
അവർ അങ്ങനെ പ്ലാൻ ചെയ്തു പണിയുന്നു .
റോഡ് പണി മുന്നോട്ട് പോകുന്നതിനിടയിൽ ഒരു ദിവസം ഹരിയുടെ പഴയ കാമുകി പാർവതി ഹരിയുടെ അടുത്തേക്ക് വരുന്നു ,എന്നിട്ട് പറയുന്നു .
" പഴയത് ,ഒന്നും ,മനസ്സിൽ വെയ്ക്കരുത് ,ഇനി കാണുമോന്നും ... അറിയില്ല ... ഞങ്ങൾ ഈ വീട് വിറ്റ് കാനഡയിൽ സെറ്റിൽ ആകുവാ ..." ഇതും പറഞ്ഞ് പാർവതി തിരിഞ്ഞു നടന്നു .
"എന്നും, പാർവതി തനിക്കിട്ട് താങ്ങീട്ടേയുള്ളൂ .... ചെരിച്ച് പണിതത് വെറുതെയായ് ...." ഹരി മനസ്സിൽ പറഞ്ഞതും ,ഹരിയുടെ മൊബൈലിലേക്ക് ,അളിയൻ പ്രിയേഷ് വിളിക്കുന്നു .ഹരി ഫോൺ എടുക്കുന്നു .
"അളിയാ ... എല്ലാം പെട്ടെന്നായിരുന്നു ,ഞങ്ങൾ പുതിയ വീട് വാങ്ങി ... അളിയൻ ഇപ്പോ പണിയുന്നതിനു അടുത്തുള്ള ഒരു കാനഡക്കാരന്റെ വീട് " ,ചിലവു ചെയ്യുന്നുണ്ട് ,ഇന്ന് വരണം "
പ്രിയേഷ് ഫോൺ കട്ട് ചെയ്തു .
ഹരി ഹെൽപ്പർ വാസുവിനെ നോക്കി പറഞ്ഞു .
" ടാറും ചതിച്ചു " ,പഴയ കാമുകിയും ചതിച്ചു .
ഡോ റോഷിൻ
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക