ആരോഗ്യം സർവധനാൽ...

കല്യാണം കഴിക്കുമ്പോൾ കമ്പിനു മേൽ തുണിചുറ്റിയ കോലത്തിൽ ഉള്ള കുട്ടിക്കു ഒരു കുട്ടിയായപ്പോൾ ശരീരം പുഷ്ടിപ്പെടാൻ തുടങ്ങി..
എന്നാൽ കാലം കഴിയുംതോറും പുഷ്ടി കൂടി കഷ്ടമായോ എന്ന് തോന്നിത്തുടങ്ങിയപ്പോഴാണ് ശരീര സൗന്ദര്യം എന്നാ സ്മരണ മനസ്സിലേക്ക് ഓടി വന്നത്.

മാധുരി ദീക്ഷിതിനെ മനസ്സിൽ തൊഴുതു കുട്ടി യോഗ ക്ലാസ്സിലേക്ക് വലതു കാലെടുത്തു വെച്ചു.. ( ഒരു ഫ്രീ യോഗ ട്രെയിനിങ് എന്ന പരസ്യം കണ്ടിട്ടാണ് 🙊)

അവിടെത്തിയപ്പോൾ യോഗ ടീച്ചേഴ്സ് ഒന്നും അത്ര പോരാ.. ഒരു ആത്മവിശ്വാസം തരുന്ന ഒറ്റയൊന്നും അവിടെയില്ല. കൊറെ റിട്ടയേർഡ് ചേട്ടന്മാരും ചേച്ചിമാരും മാത്രം.. പട്ടിണി മത്സരത്തിനു പോയി ഉണങ്ങിപ്പോയ മൂന്നു ടീച്ചേഴ്സും..
ഹാ ഫ്രീയല്ലേ എന്നതാണ് ആകെ ആശ്വാസം..😬

ആസനങ്ങൾ ഒന്നും മികച്ച രീതിയിൽ പെർഫോം ചെയ്യാനായില്ലെങ്കിലും ശവസാനത്തിൽ കുട്ടി തികഞ്ഞ ആത്മാർത്ഥത കാണിച്ചിരുന്നു.
ഫ്രീ ക്ലാസ് കഴിഞ്ഞു ഇനി പൈസ കൊടുത്തു പഠിക്കാമെന്നായപ്പോൾ കുട്ടി സ്ഥലം വിട്ടു..

കാലം മുന്നോട്ടു പോകാവേ ഹിന്ദി സിൽമാ നടികൾ ഷിഫോൺ സാരിയുടുത്തു കുട്ടിയെ കൊതിപ്പിച്ചു വയറും കാണിച്ചു ഡാൻസ് ചെയ്തു..എന്നെക്കാൾ വലിയ തള്ളായ വയറിന്മേൽ നോക്കി നാണിച്ച സാരി അതോടെ അലമാരയിൽ ഒതുങ്ങി..😥

പ്രായം കൂടുംതോറും ബുദ്ധിയും വയറും തൂക്കവും കൂടി കൂടി വന്നപ്പോൾ വീണ്ടും യോഗ എന്ന ആശയത്തിലേക്കു കുട്ടി വന്നെത്തി ( കാരണം രണ്ടാണ് കുറഞ്ഞ ചിലവ്, പിന്നെ മൂക്കില്ല രാജ്യത്തെ മുറിമൂക്കനാകേം ചെയ്യാം) അങ്ങനെ യോഗയൊക്കെയായി തുള്ളിചാടി നടക്കുമ്പോഴാണ് lock down എന്നാ ഇടിത്തീ കുട്ടിയുടേം തലയിൽ വീണത്..😑
അറഞ്ചം പുറഞ്ചം സിൽമ കണ്ടു പൊരേൽ ഇരുന്നു തിന്നു തിന്നു കുട്ടി മടിച്ചിയായി..
ഓരോ ഇഷ്ട്ട ഭക്ഷണവും കയ്യിലെത്തുമ്പോൾ മനസ്സിൽ ആരോ ചോദിക്കും കുട്ടി വയറു മറക്കുന്നോ എന്ന്..
ഇത് തിന്നാതെ നാളെ ഞാൻ കൊറോണ വന്ന് ചത്താൽ ആര് സമാധാനം പറയും എന്നോട് എന്ന് തിരിച്ചൊരു സെന്റി അടിച്ചാൽ തീർന്നു..
ഗ്ലാം ഗ്ലാം.. മധുരം.. എണ്ണപ്പലഹാരം.. വിവിധയിനം ജ്യൂസ്.. ചക്ക വിഭവങ്ങൾ.... ബേക്കറി.. സ്‌നേക്‌സ്.. ആഹാ.. 4 മാസം കൊറോണ ആഘോഷം.. കുട്ടിയുടെ വയറു പത്തു മാസം..😎😎
തടിക്കുമ്പോൾ വയറു മാത്രം തടിക്കുകയും മെലിയുമ്പോൾ അവിടെ ഒഴിച്ചു ബാക്കി ഒക്കെ മെലിയുകയും ചെയ്യുന്ന പ്രതിഭാസമേ.. നഡ്രി..

ഇനിയും എന്തേലും ചെയ്തില്ലേൽ രോഗം വന്നു ചത്തു പോകും എന്ന് കുട്ടിക്ക് തോന്നിത്തുടങ്ങി.. അപ്പോഴാണ് കുട്ടി ഇച്ഛിച്ചതും രതില ( ബ്രണ്ട് ) കല്പിച്ചതും ജിം എന്നാ സംഗതി വന്നത്..😍

ഇതിൽ ഞാൻ പൊളിക്കും.. അടുത്ത ആഴ്ചമുതൽ ഞാനൊരു കലക്കു കലക്കും.. അനുഷ്‌ക്കയോടൊക്കെ പുച്ഛം വാരി വിതറി.. പഴയ ഷിഫോൺ സാരികൾ ഒക്കെ പാറ്റയെ ഓടിച്ചിട്ടു ഹിറ്റ് അടിച്ചു കൊന്നു അടുക്കി പെറുക്കി വെച്ചു..
അടുത്തുള്ള ജിമ്മനെ വിളിക്കുന്നു,
ജിമ്മിൽ കൊണ്ട് വരേണ്ടവയുടെ ലിസ്റ്റ് എടുക്കുന്നു..
ഗ്ലൗസ് 2
സാനിറ്റൈസർ 1
ടീഷർട്ട് 1
ഫുൾ പാന്റ് 1
ടവല് 1
മാസ്ക് 1
വാട്ടർ ബോട്ടിൽ 1
ഷൂസ് 2
സാമൂഹിക അകലം ആവശ്യാനുസരണം...

അങ്ങനെ കുട്ടി സ്കൂളിൽ പോകുന്ന പോലെ റെഡി ആയി..
തുടക്കം ഒന്നാം തിയ്യതി ആക്കാം...
രാവിലെ ഒടുക്കത്തെ തണുപ്പ് ഒന്നാം തീയതി കഴിഞ്ഞു.
അടുത്ത തിങ്കളാഴ്ച നല്ല ദിവസം..അന്ന് മുതലാക്കാം
തിങ്കൾ കഴിഞ്ഞു..
ഇനി കുട്ടിയുടെ ആകെ പ്രതീക്ഷ ജനുവരി ഒന്നാണ്.. നല്ലൊരു വർഷമായിട്ട് നമ്മളായിട്ട് നന്നായില്ലേൽ പിന്നെങ്ങനാ..
കുട്ടി പോയിരിക്കും അല്ല പിന്നെ..
അതുവരെയൊക്കെ നമുക്കെന്തും തിന്നാലോ..
ഹിന്ദി സിൽമ വൃത്തികേട്.. നമുക്കു മലയാളം അല്ലേൽ തമിഴ് മതി.. ജ്യോതിക എന്നാ look ആണെന്നെ 😍
#Achuhelen