Slider

പൂർവ്വം | Sreedhar RN


 ഉടലുരുകിയൊരുനേർത്ത
കണികയായിത്തീരവേ..,
അടയാളവാക്യങ്ങളനന്തതയിലുഴറവേ..,
അകലേക്കുനീളുന്ന നിൻവിരൽത്തുമ്പിൽ
ഞാനൊരുവേള വീണ്ടുമെൻ
ജീവൻ കൊളുത്തട്ടെ.
മഴ പെയ്തു തോർന്നരാ രാവിൻ്റെ-
മാറിൽ ഞാനലറുന്ന പൈതലായ്,
പശി പൂണ്ടൊരാന്തലാൽ...
വിടരുന്ന നിൻ മോഹസ്വപ്നങ്ങളാലിന്നു,
വറുതിയ്ക്കൊരറുതിയായി ..,
ശാന്തമായി... സ്വച്ഛമായ്!
വിടരാൻ വിതുമ്പുന്ന മുകുളുങ്ങളു-
റവിനായ് വിറപൂണ്ടലച്ചാർത്തു-
മണ്ണിൽപ്പതിക്കവേ..,
തളരുന്ന പ്രാണൻ്റെ വേഗത്തിലെപ്പൊഴോ,
സ്മൃതിയായിത്തീരുന്നു.
വീണ്ടുമാപൂർവ്വം...!
Written by
Sreedhar RN
both, mystorymag

DON'T MISS

Nature, Health, Fitness
© all rights reserved
made with by templateszoo