ചേട്ടാ .... ഉജാല കളറിൽ പീച്ച് കളർ മിക്സ് ചെയ്തു വരുന്ന പോലൊരു സാരി വാങ്ങുമോ? ,,,, എനിക്ക് നല്ല തലവേദന ,കടയിലേക്ക് വരാൻ പറ്റുന്നില്ല" ,സീമ തൻ്റെ ഭർത്താവ് കൗശിക്കിനെ വിളിച്ചു പറഞ്ഞു .
അവളുടെ കുഞ്ഞമ്മയുടെ വകയിലെ ആങ്ങളയുടെ മകൻ്റെ മകളുടെ കല്യാണത്തിനു ഉടുക്കാനാണ് അവൾ കൗശിക്കിനെ വിളിച്ച് പറഞ്ഞത് .
" ഹോ ,ഭാഗ്യം ," 2 മണിക്കൂറിൽ തീരുന്ന കാര്യം 10 മിനിറ്റിൽ തീർക്കാമല്ലൊ ....! ,കൗശിക്ക് മനസ്സിൽ വിചാരിച്ചു .
അവൻ കാർ നേരെ കടയിലേക്ക് വിട്ടു .
കടയിൽ ചെന്ന് ഉജാലയിൽ പീച്ച് കളർ മിക്സ് ചെയ്തു വരുന്ന ഒരു സാരി തരാൻ കടയിലെ ചേച്ചിയോട് പറഞ്ഞു .
അവർ സാരിയെടുത്തു കൊടുത്തു .
അവർ കൊടുത്ത സാരിയുമായ് കൗശിക്ക് നേരെ വീട്ടിലേക്ക് കയറി ചെന്നു .
വാങ്ങിയ സാരി സീമയ്ക്കു നേരെ നീട്ടി .
കവർ പൊട്ടിച്ച സീമ ദേഷ്യത്തിൽ സാരി വലിച്ചെറിഞ്ഞിട്ട് പറഞ്ഞു .
" ഇത് പീച്ച് കളറാ ..." ഇതിൽ ഉജാല കളർ മിക്സിംഗ് വന്നിട്ടില്ല "
വലിയ ബഹളം .....
ബഹളത്തോട് ബഹളം ...
ഒടുവിൽ സഹിക്കെട്ട് സീമയുടെ അടുത്തേക്ക് വന്നിട്ട് കൗശിക്ക് ദേഷ്യത്തിൽ പറഞ്ഞു .
"കുറച്ച് ഉജാല മുക്കിയാ പോരെ "!
സീമ പിന്നെ മിണ്ടിയില്ല .
-----------------------
ഡോ റോഷിൻ
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക