The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Wednesday, January 8, 2020

പ്രിയ ഡിസംബർ, നിനക്കായ് !

Image may contain: Benny TJ, closeup
പ്രിയ ഡിസംബർ,
വിടവാങ്ങലിന്റെയും,പ്രതീക്ഷകളുടെയും
തോഴിയാണെങ്കിലും,മഞ്ഞും, കുളിരും
കിലുകിലാവിറപ്പിക്കും തണുപ്പുമേകും
പന്ത്രണ്ടിൽ സുന്ദരി നീതന്നെ.
എത്രയോ ഋതുക്കൾ ഞാൻ നിന്നിലൂടെ
പിച്ചവച്ചും,നടന്നും,ഓടിയും എന്റെ
വളർച്ചയുടെ ഓരോ ഘട്ടങ്ങളിൽ
ആഘോഷത്തിമിർപ്പോടെ
നിന്നേ,സ്വീകരിച്ചും,യാത്രയാക്കിയും
ഇത്രയുംന്നാളീ മണ്ണിൽ ജീവിച്ചു.
ഇനിവരുമ്പോ,ളെന്നെയിവിടെക്കണ്ടില്ലെങ്കിൽ
വിഷമിക്കരുത്എവിടെയുണ്ടെന്നറിയാൻ
നിന്റെ ഹൃദയത്തിലേക്കു സൂക്ഷിച്ചു നോക്കുക.!
ധർമ്മാ,ധർമ്മങ്ങളേറ്റുമുട്ടവേ ന്യായവും,
നീതിയും അധർമ്മത്തിനു മുന്നിൽ
പകച്ചു പോകും കലിയുഗത്തിൽ
വാതായനങ്ങളടച്ചിട്ട തടവറയിൽ
ബന്ധിതനായ എന്നെക്കണ്ടാലും നീയാശ്വസിപ്പിക്കരുത്.നിന്റെ വാക്കുകൾ ശ്രവിക്കാനെനിക്കുകഴിഞ്ഞെന്നുവരില്ല
പ്രതികരണ ശേഷി നശിച്ച
ബധിരനായിരിക്കും ഞാൻ.
ഭാവിയേക്കുറിച്ചുള്ള നിന്റെ പ്രതീക്ഷകൾ
എന്നോടപ്പോൾ പങ്കുവയ്ക്കരുത്?
ഹൃദയമില്ലാത്തവരാൽ തകർക്കപ്പെട്ട
ഈ ഹൃദയത്തിൽ പ്രതീക്ഷകളില്ല.
എല്ലാം നഷ്ടപ്പെട്ടവനെന്തു സ്വപ്നങ്ങൾ.?
ഈമണ്ണിലിനിയെത്രനാളുകളെനിക്കെന്ന-
യാകുലതകൾ കനലുകോരിയിട്ടു
പൊള്ളിച്ച നെഞ്ചിൽ പോരാടാനുള്ള
ആത്മബലം ബാക്കിയാക്കിയാണു
നീ കടന്നു പോകുന്നത്.
ഓരോ തവണയും നിനക്കായെഴുതിയതു
നിന്റെ ഓട്ടോഗ്രാഫിലുണ്ടല്ലോ?എന്നെയ-
ടയാളപ്പെടുത്താനുമതി ഓർമ്മിക്കാനും.
നിന്റെ യാത്രയോടെ,നാളെയീ ലോകത്തു
നല്ലതു വരട്ടെയെന്നാശംസകളോടെ
നിന്നെ,യാത്രയാക്കുന്നു പ്രിയ ഡിസംബർ.
ബെന്നി.ടി.ജെ
31/12/2019

No comments:

Post Top Ad

Your Ad Spot