The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Saturday, January 4, 2020

വീട്ടിലേയ്ക്കുള്ള വഴി.

Image may contain: 1 person, smiling, sky, outdoor, closeup and water

ഹലോ മോനേ.... ഒരു നിമിഷം ഒന്ന് നിൽക്കണേ.....
ആ....ആരാ.... എന്താ....?
ഞാൻ നിനക്കപരിചിതനാണ്...
നീയെനിക്കും.
ഒരു നിമിഷം എന്നെയൊന്ന് കേൾക്കു... ഒരുതവണ മോനൊന്നു ചിന്തിക്കു.
ആയിക്കോട്ടേ.... കാര്യം പറയു.
മോനെവിടേയ്ക്കാ....
ഹ...ഹ.....ഹ അത് കൊള്ളാം....
ഡിസംബർ 31 ന് സന്ധ്യയ്ക്ക് ബാറിന്റെ മുന്നിൽ നിൽക്കുന്ന ഒരു യുവത്വത്തിനോട് ചോദിക്കണോ മാഷേ എവിടേയ്ക്കാണെന്നും.... എന്തിനാണെന്നും.....?
അതറിയാം മോനേ അവിടേയ്ക്ക് തന്നെയാണോ എന്ന് ഉറപ്പിക്കാൻ ചോതിച്ചതാ....
ആണെങ്കിൽ എന്നെയൊന്ന് കേൾക്കണേന്ന് പറഞ്ഞതും അതാ.
എന്താ മാഷേ കാര്യം പറയു....?
തിടുക്കമാണല്ലേ.... കൂട്ടുകാര് കാത്തിരിക്കുന്നുണ്ടാകും നടക്കില്ലെന്നറിഞ്ഞുകൊണ്ട് ചില വാക്കുപറച്ചിലുകളുടെ ആഘോഷങ്ങൾക്കായി.... അല്ലേ...?
നാളെമുതൽ കുടിക്കില്ല , വലിക്കില്ല , തമ്പാക്കില്ല , ഹാൻസില്ല , കഞ്ചാവില്ല , ബൈക്ക് റൈഡിംഗ് ഇല്ല... എല്ലാം നിർത്തി...
സത്യം... അമ്മയാണെസത്യം.
അതേ.... ഇന്ന് ഞങ്ങൾ അങ്ങനെ ഒരു തീരുമാനം എടുക്കും... അത് നടപ്പാക്കും... വാക്കാണ്.
പാലിക്കപ്പെടാത്ത വാക്ക്പുക്കുന്ന രാത്രിയാണിന്ന് ഡിസംബർ 31.
വാക്കുറപ്പിച്ച് കൈകൊടുക്കുമ്പോൾ ഗ്ലാസുകളുടെ കൂട്ടിയടിശബ്ദം കൂടും.
അപ്പോൾ ഒന്നോർക്കണം അടുക്കളയിൽ ഇന്നത്തേഅത്താഴവും അതിനരികിലൊരമ്മയും ഉറക്കളച്ച് നിന്നേ കാത്തിരിപ്പുണ്ടെന്ന്.
വന്നതുപോലെ വീടണഞ്ഞെങ്കിലേ അടുത്ത ആണ്ടിലും നടപ്പിലാക്കാനാകാത്ത വാക്കുകളുടെ കെട്ടഴിക്കാനാകുമെന്ന്.
കണ്ണും തുടച്ച് ആ മനുഷ്യൻ നടന്നകലുമ്പോൾ ആ യുവത്വത്തിന്റെ തോളിൽ ഒരു കൈ പതിച്ചു.
ബാറിലെ കാവൽക്കാരൻ
അതൊരച്ഛനാണ്.... പണ്ടൊരു 31ന് നാളെ മുതൽ പലതും നിർത്തും എന്ന വാക്കുറപ്പിക്കാൻ കൂട്ടുകാരുമൊത്ത് ഇവിടൊത്തുകൂടിയ ഒരു യുവത്വത്തിന്റെ അച്ഛൻ.
നാളെ നിർത്തുന്നതു കൊണ്ട് ഇന്ന് ഇത്തിരി കൂടി ആകാമെന്ന് കരുതി നിലയറിയാതെ കുടിച്ച് നാളേയ്ക്ക് കാത്ത് നിൽക്കാതെ ഇന്ന് തന്നെ വാക്ക് പാലിച്ച ഒരൊറ്റമകന്റെ പിതാവ്.
പെറുക്കിക്കൂട്ടിയ അവനേയും വഹിച്ച് ഒരു വണ്ടി വീട്ടിലെത്തുമ്പോൾ ഉറക്കമളച്ച് അവന്റമ്മ കാവലിരുന്ന അവന്റെ അത്താഴം അപ്പോഴും ആ മേശമേലുണ്ടായിരുന്നു.
അന്നു മുതൽ എല്ലാ ഡിസംബർ 31 നും അദ്ധേഹം ഇവിടെവരും.
നാളെ നിർത്തുന്നത് ഇന്നിത്തിരി കൂടുതൽ ആകാമെന്ന് കുട്ടൂകാർ പറയുന്നത് കേൾക്കരുതെന്ന ഉപദേശശം പത്ത് യുവത്വങ്ങൾക്ക് കൊടുത്ത് നനഞ്ഞമിഴികളും തുടച്ച് ആ മനുഷ്യൻ തിരിച്ചു പോകും.
കേട്ടുനിന്ന യുവത്വം വണ്ടി തിരിച്ച് വീട്ടിലേയ്ക്കുള്ള വഴിയിലേയ്ക്ക് കയറ്റി.
പാലിക്കപ്പെടാനാകാത്ത വാക്കുകൾക്ക് വേണ്ടി ഇന്നത്തെ അമിതാഘോഷങ്ങളിൽ വീട്ടിലേയ്ക്കുള്ള വഴി മറക്കല്ലേ.... യുവത്വമേ.......
എല്ലാവർക്കും പുതുവൽസരാശംസകൾ.....
നൂറനാട് ജയപ്രകാശ്.....

No comments:

Post Top Ad

Your Ad Spot