The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Tuesday, January 7, 2020

പുതുവർഷ പ്രതീക്ഷകൾ

Image may contain: 1 person
===================================
ഈ പുതുവർഷമൊരാനന്ദവർഷമായ്
വന്നീടുമോ പ്രിയ നവവർഷമേ !
പോയവർഷം തന്ന സങ്കടക്കാടുകൾ
നട്ടുനനയ്ക്കല്ലേ പുതുവത്സരമേ !
മായപോൽക്കാട്ടുന്നൊരിത്തിരി നന്മയി-
ലുണ്ടതിലേറെ മയങ്ങുന്ന തിന്മകൾ.
മായയ്ക്കു പിന്നാലെ പായുന്ന ലോകത്തി-
നോടെന്തു ചൊല്ലേണ്ടു ഹാ കഷ്‌ടമെന്നോ !
നന്മകൾ തോറ്റുവാനെത്തുന്ന പുള്ളുവ-
വീണപോൽ ശ്രുതിയിട്ടു, പാടട്ടെ ഹൃത്തുകൾ
കയ്പും മധുരവും നല്കിയോർക്കൊക്കെയും
നന്മയും മേന്മയും നൽകട്ടെ വത്സരം.
ഞാനെന്ന ഭാവം വിതയ്ക്കുവാനെത്തുന്ന
ന്യുനമാം ചിന്തകൾ തീണ്ടാതിരിക്കട്ടെ.
തമ്മിൽ മതഭ്രാന്തു തെല്ലുമില്ലാതിങ്ങു
സ്നേഹം മഹാമതമാകട്ടെ ലോകരിൽ
സ്നേഹബന്ധങ്ങൾതൻ ലോലമാം തന്ത്രികൾ
നിർമ്മലരാഗമുണർത്തട്ടെ പാരിതിൽ.
മൃദുസാന്ത്വനത്തിന്റെ തെളിനീരരുവിപോൽ
മാനവമാനസം മാറട്ടെ മന്നിതിൽ.
പോയ നഷ്‌ടത്തിന്റെ ഗർത്തം നികന്നതില്ല-
തിൻ ശോകച്ഛായയും മാഞ്ഞില്ലിതുവരെ.
മർത്ത്യപ്രതീക്ഷകൾ പൊന്നണിയിക്കുവാൻ
സ്വാഗതം ചെയ്യുന്നു പുതുവർഷമേ നിന്നെ.
============================(📷
ശിവരാജൻ കോവിലഴികം മയ്യനാട്

No comments:

Post Top Ad

Your Ad Spot