The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Monday, January 6, 2020

മൂന്നിൽ ഒന്ന്


°°°°°°°°°°°°°°°°
1.
മത്സ്യം പറഞ്ഞത്
°°°°°°°°°°°°°°°°°°°°°°°°°°°°°
ചൂണ്ടയിൽ കുരുങ്ങിയ മത്സ്യം
മരിക്കും മുമ്പ് പറഞ്ഞത്
ആരും കേട്ടില്ല.
ഭക്ഷണത്തിന്റെയുള്ളിൽ
മൂർച്ചയുള്ള ലോഹമൊളിപ്പിച്ചാണ്
നിങ്ങളെന്നെ പിടിച്ചത്,
ചതി ഭീരുവിന്റെ ആയുധമാണ്
കഴിവുണ്ടെങ്കിൽ
പുഴയിലിറങ്ങി,
ഒപ്പം നീന്തി
എന്നെ പിടിക്കൂ.
2.
ദീപം പറഞ്ഞത്
°°°°°°°°°°°°°°°°°°°°°°°°°°°
ഊതിയണച്ചു,
കട്ടിലിനടിയിലേക്ക്
തള്ളി നീക്കപ്പെട്ട വിളക്ക് പറഞ്ഞത്
ആരും കേട്ടില്ല.
ഊതിയണയ്ക്കാൻ വളരെയെളുപ്പമാണ്.
എന്നേക്കാൾ കൂടുതൽ
പ്രകാശം പരത്തിക്കൊണ്ട്,
എന്നെ ചെറുതാക്കാൻ ശ്രമിക്കൂ.
3.
കവി പറഞ്ഞത്
°°°°°°°°°°°°°°°°°°
നീ ചതി പ്രയോഗിക്കുമ്പോൾ,
ചതിക്കപ്പെടുന്നത്,
നിന്റെ മനസ്സാക്ഷിയാണ്.
നീ ദീപങ്ങൾ ഊതിക്കെടുത്തുമ്പോൾ,
അണഞ്ഞു പോകുന്നത്,
നിന്റെ ഹൃദയത്തിലെ സൂര്യനാണ്.
°°°°°°°°°°°°°°°°°°°°°°°°°°°°°°°
സായ് ശങ്കർ മുതുവറ

No comments:

Post Top Ad

Your Ad Spot