The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Thursday, April 30, 2020

അന്നാമ്മച്ചീടെ വിത്ഡ്രോവൽ സിംഡ്രോം (നർമ്മ കഥ)

"അന്നാമ്മച്ചീടെ വിത്ഡ്രോവൽ സിംഡ്രോം"

    സന്ധ്യമുതലേ ആന്റപ്പൻ ശ്രദ്ധിക്കുന്നതാ അന്നമ്മയ്ക്കൊരു പരവേശം...ഇടയ്ക്ക് വയറു തിരുമ്മുന്നു, ഇടയ്ക്ക് അടുക്കളയിൽ പോയി ചട്ടി തുറന്നു നോക്കി 'ശേ...ശേ' എന്ന് പറഞ്ഞു മുറ്റത്തു തേരാപ്പാരാ നടക്കുന്നു....

    "എടി അന്നമ്മോ നിനക്കെന്നാ പറ്റിയെടീ വല്ല തൊണ്ടവേദനയും പനിയും ഉണ്ടെങ്കിൽ പറയണം കേട്ടോ...നമുക്ക് കൊറോണ ഹെല്പ്ലൈനിൽ വിളിച്ചു പറഞ്ഞേക്കാം.."

    "എനിക്ക് കൊറോണയും മോണിക്കയും ഒന്നും അല്ലച്ചായോ ഇത് വിത്ഡ്രോവൽ സിൻഡ്രോം ആണെന്നാ തോന്നുന്നത്.."
   
   "നീയിതെന്നാ പറയുന്നേ അന്നാമ്മേ ദിവസം രണ്ടെണ്ണം അടിക്കാതെ ഉറക്കം വരാത്ത എനിക്കില്ലാത്ത വിത്ഡ്രോവൽ സിൻഡ്രം നിനക്കോ.."

   "അതെന്നാ വർത്താനാ മനുഷ്യാ...നിങ്ങള് കള്ളുകുടിയൻമാർക്ക് മാത്രേ ഇതുണ്ടാവാൻ പാടുള്ളോ...ലോക്ക് ഡൗൺ തുടങ്ങിയ അന്നു മുതൽ ഈ വീട്ടിൽ പരിപ്പും മത്തങ്ങയും പച്ചക്കറിയുമല്ലാതെ വല്ലതും ഉണ്ടാക്കാൻ പറ്റിയിട്ടുണ്ടോ..രണ്ടുനേരോം ഇച്ചിരി മീൻചാറ് കൂട്ടാതെ ചോറിറങ്ങാത്ത ഞാനാ....പച്ചക്കറി കൂട്ടിക്കൂട്ടി വാ മടുത്തു .അപ്പൊ എനിക്കും കാണില്ലേ വിത്ഡ്രോവൽ സിൻഡ്രോം...."

   അന്തം വിടുന്നത് പന്തിയല്ലെന്ന ചിന്തയോടെ 'ഫിഷ് വിത്ഡ്രോവൽ സിൻഡ്രോം' കാരണം കേരളത്തിൽ വല്ല അത്യാഹിതവും സംഭവിച്ചിട്ടുണ്ടോന്നറിയാൻ ആന്റപ്പൻ ടി വി ഓൺ ചെയ്തു.

Riju kamachi

No comments:

Post Top Ad

Your Ad Spot