എന്റെ കാഴ്ചപ്പാടിലെ സ്വർഗ്ഗം

അന്ന് വൈകീട്ട് സ്വർഗ്ഗത്തിലെ വിഷ്ണു ഭഗവാന്റെ ഫോണ്‍
(ഭൂമിയിലെ പ്രാർത്ഥനകൾ സ്വർഗ്ഗത്തിൽ ഫോണ്‍ കോളുകൾ ആയിട്ടാണ് എത്തുന്നത് ) 
ബെല്ലടിച്ചു കൊണ്ടിരുന്ന സമയത്താണ് കർത്താവ് അത് വഴി വന്നത് .......

വിഷ്ണു ശിവഭഗവാൻ ധ്യാനത്തിലായത് കൊണ്ട് ശിവനു വന്ന കോൾ അറ്റൻഡ് ചെയ്യുകയായിരുന്നു

അത് കൊണ്ട് തന്നെ കർത്താവിനോട് കാൾ എടുക്കാന്‍ ആംഗ്യം കാട്ടി കർത്താവ് ആ ഫോണ്‍ കാൾ എടുത്തു ....

ഭൂമിയിലെ ഒരു കേശവന്‍ ( പേര് സാങ്കൽപ്പികം) വിളിച്ച പ്രാർത്ഥന കോളായിരുന്നു അത് ....

കുറച്ച് പ്രാരാബ്ധവും ഒരു ശത്രു നിഗ്രഹവും അതാണ് ആവശ്യം .....

ഫോണ്‍ വെച്ച് കഴിഞ്ഞ് കർത്താവ് വിഷ്ണുവിനോടു പ്രാർത്ഥന അറിയിച്ചു....

അപ്പോളാണു അന്നത്തെ പ്രാർത്ഥന വന്നതിന്റെ ലിസ്റ്റുമായി അള്ളാഹു അങ്ങോട്ട് വന്നത് .....

തുടര്‍ന്ന് എല്ലാ ദൈവങ്ങളും അവരവരുടെ അന്നത്തെ പ്രാർത്ഥനകളുടെ ലിസ്റ്റുമായി വൈകിട്ടത്തെ മീറ്റിംഗിന് ഒത്തു കൂടി .....

മീറ്റിംഗിൽ ഒാരോരുത്തരും അവരവർക്ക് കിട്ടിയ പ്രാർത്ഥനകൾ ഉറക്കെ വായിച്ചു ....

തുടർന്ന് ചർച്ചയായിരുന്നു.....

കരൾമാറ്റ ശസ്ത്രക്രിയക്കു കാശില്ലാതെ വിഷമിക്കുന്ന മുഹമ്മദിനു കാശു കൊടുക്കാന്‍ പണക്കാരനായ ജോസഫേട്ടനു തോന്നിക്കാനും .....

വീടില്ലാത്ത രമേഷിനു വീട് വെച്ച് കൊടുക്കാനായി ഹൈദർ മുതലാളിക്കു തോന്നിക്കാനും .......

കടം കൊണ്ടു പൊറുതിമുട്ടുന്ന മത്തായിയുടെ കടം വേണ്ടായെന്നു വെക്കാന്‍ നാരായണനു തോന്നിക്കാനും ....

തുടങ്ങിയ ചെറുതും വലുതുമായ പ്രാർത്ഥനകൾക്കു തീർപ്പു കല്പ്പിച്ചു

മറ്റുള്ളവരോട് ക്ഷമിക്കാതെ സ്വന്തം ആവശ്യങ്ങള്‍ക്കായി പ്രാർത്ഥിച്ചവരുടെ അപേക്ഷകൾ ഒരിക്കല്‍ കൂടി തള്ളി....

നാളെ തീരേണ്ട ജീവനുകളുടെ കണക്ക് എടുത്ത് അന്നത്തെ മീറ്റിംഗ് പിരിഞ്ഞു .....

ഇതാണ് എന്റെ കാഴ്ചപ്പാടിലെ സ്വർഗ്ഗം ....

എന്റെ മതം എന്റെ മതം എന്ന് ചിന്തിക്കുന്നവർക്കായി സമർപ്പിക്കുന്നു .... ചുറ്റുമൊന്നു കണ്ണോടിക്കുക ഇതല്ലേ ഈ ലോകത്തു സംഭവിക്കുന്നത് ....

സ്വാർത്ഥ ലാഭത്തിനായ് മതം വളർത്തുന്നവരെ തിരിച്ചറിയുക

ഇതിനെ വിമർശിക്കുന്നവരുണ്ടാകാം വിമർശിച്ചോളൂ വിമർശനങ്ങൾക്കു സ്വാഗതം .....

പക്ഷേ ഒരു കാര്യം ഒരു മതത്തിൽ പെട്ട ഒരാള്‍ക്ക് പ്രസ്തുത മതവിഭാഗത്തിൽ പെട്ടവരുടെ കയ്യില്‍ നിന്ന് മാത്രമാണ് സഹായങ്ങള്‍ കിട്ടുന്നുള്ളൂ എന്നുറപ്പുള്ളവർ മാത്രം വിമർശിക്കുക.....

ഒരു ഭ്രാന്തൻ ചിന്താഗതിയുമായി 

നിങ്ങളുടെ സ്വന്തം ജയ്സൺ..