ഉറക്കത്തെ
പിഴുതെറിഞ്ഞ്,
മാനത്ത്
കണ്ണും നട്ട്
രാത്രിയെ തള്ളി നീക്കുന്നു.
സ്വപ്ന മാലാഖ
പിണങ്ങിപ്പോയ
അവനിൽ
നിലാവ്
കൂട്ടിനെത്തുന്നു .
ഗർഭം ധരിച്ച
പ്രശ്നങ്ങൾ
കവിതയായ്‌,
കഥയായ്‌
പിറവിയെടുക്കുമ്പോഴും
നിലാവ്
അവനിൽ
പ്രത്യാശ നൽകുന്നു.
ഇരുളിനെ
വകഞ്ഞുമാറ്റിയ
നിലാവിൻ ധൂളികൾ
പ്രശ്നങ്ങളെ
ആട്ടിയോടിച്ച പോൽ
സ്വപ്ന ചിറകുകൾക്ക്
കരുത്തുപകരുന്നു.
പ്രശ്നങ്ങളെ
പൊരുതാനുറച്ചവൻ
നിദ്രയെ പുൽകുന്നു...
മുഹമ്മദ് ഷാഹുൽ ഹമീദ് പൊന്മള
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക