Showing posts with label രാഹുൽരാജ്. Show all posts
Showing posts with label രാഹുൽരാജ്. Show all posts

എസ്ര - സിനിമാ നിരൂപണം


എസ്ര
-----------
മലയാള ചലച്ചിത്ര രംഗത് ചുരുക്കം മാത്രം സംഭവിക്കുന്ന ഒരു പ്രതിഭാസമാണ് ഹൊറർ ചിത്രങ്ങൾ. ലോക സിനിമയിൽ പരീക്ഷണാത്മകവും പുതുമ നിറഞ്ഞതുമായ ഹൊറർ ചിത്രങ്ങൾ ഓരോ വർഷവും സംഭവിക്കുകയും കേരളമടക്കമുള്ള സ്ഥലങ്ങളിൽ നിന്ന് നല്ല സ്വീകരണം നേടിയെടുക്കുകയും ചെയ്യുമ്പോൾ മലയാള സിനിമ പലപ്പോഴും ആ മേഖലയിലേക്ക് മുഖം തിരിക്കാറാണ് പതിവ്. മലയാള സിനിമ ജന്മം കൊണ്ടിട്ട് ഇത്രയും വർഷങ്ങൾ ആയെങ്കിലും ഒരു ലക്ഷണമൊത്ത ഹൊറർ ചിത്രം എന്നത് അകന്നു തന്നെ നിന്നു. ഉണ്ടായവയിൽ മിക്കതും ഭയം എന്ന വികാരത്തെ വേണ്ടവിധം പ്രയോജനപ്പെടുത്താത്തതും ഹാസ്യത്തിൽ മുക്കിയെടുത്തവയും ആയിരുന്നു. കഴിഞ്ഞ കുറച്ചു വർഷങ്ങളായി കലാപരമായും വാണിജ്യപരമായും സാങ്കേതിക തികവിലും മുന്നോട്ട് കുതിക്കുന്ന മലയാള സിനിമ മേഖലക്ക് ലക്ഷണമൊത്ത ഒരു ഹൊറർ ചിത്രം എന്ന പ്രതീക്ഷയുമായാണ് ജെയ് കെ എന്ന ജയകൃഷ്ണൻ സംവിധാനം ചെയ്ത 'എസ്ര' നമുക്ക് മുൻപിലേക്ക് എത്തുന്നത്.
മലയാള സിനിമ ഇന്നേ വരെ കണ്ടിട്ടുള്ള ഹൊറർ ചിത്രങ്ങളിൽ നിന്നും തീർത്തും വ്യത്യസ്തമായ ആഖ്യാന ശൈലിയിലാണ് സംവിധായകനും എഴുത്തുകാരനുമായ ജെയ് ചിത്രം ഒരുക്കിയിട്ടുള്ളത്. മുംബയിൽ ആയിരുന്ന രഞ്ജൻ മാത്യു, പ്രിയ എന്നിവർ പ്രണയ വിവാഹ ശേഷം കൊച്ചിയിലെ ഒരു പഴയ ജൂത ഭവനത്തിലേക്ക് താമസം മാറുന്നു. ഇന്ഡീരിയാർ ഡിസൈനറായ പ്രിയ വീട്ടിലേക്ക് വാങ്ങുന്ന ഒരു പഴയ പെട്ടി തുറക്കുകയും ദിബുക്ക് ആയിരുന്ന ആ പെട്ടിയിൽ നിന്നു ആത്മാവ് പുറത്തു വരികയും ചെയ്യുന്നു. ശേഷം അവർക്ക് അനുഭവപ്പെടുന്ന സംഭവ വികാസങ്ങളുടെ ആകെ തുകയാണ് ചിത്രം .
ന്യൂക്ലിയർ വേസ്റ്റ് മാനേജ്‌മന്റ് മേഖല, ജൂത പശ്ചാത്തലം എന്നിവ കഥയിൽ ഉപയോഗിച്ചു എന്നതും അത് നല്ല രീതിയിൽ തന്നെ അവ്സതരിപ്പിച്ചു എന്നതും ചിത്രത്തിന് തുടക്കം മുതൽ ഒരു പുതുമ നൽകിയിരുന്നു. കണ്ടു മടുത്ത കഥാസന്ദർഭങ്ങൾ മാറ്റി ഇത്തരം പുതുമകൾ കൊണ്ട് വരാൻ സംവിധായകൻ തുനിഞ്ഞു എന്നത് അഭിനന്ദനീയം തന്നെ. പതിഞ്ഞ താളത്തിൽ മുന്നോട് പോകുന്ന ചിത്രം പലപ്പോഴും പേടിപ്പിക്കും എന്ന ഭീതി നമ്മളിൽ ഉണർത്തി പേടിപ്പിക്കാതെ പോകുന്നു. ചിത്രത്തിന്റെ ഭൂരിഭാഗം ഭാഗങ്ങളിലും ഒരേ മൂഡ് നില നിർത്താൻ സംവിധായകൻ ശ്രദ്ധിച്ചിട്ടുണ്ട്. ഹോളിവുഡ് ഹൊറർ ചിത്രങ്ങളിലേതിന് സമാനമായി നിശബ്ദതയും ഇരുട്ടും നിറച് മുന്നോട് പോയി പെട്ടെന്ന് ഞെട്ടിപ്പിച്ചു കൊണ്ട് പേടി ജനിപ്പിക്കാനാണ് സംവിധായകൻ ശ്രമിക്കുന്നത്.
രഞ്ജൻ മാത്യു ആയി പ്രിത്വിയും പ്രിയ ആയി പ്രിയ ആനന്ദും മികച്ച പ്രകടനം കാഴ്ച വെച്ചു. പ്രിത്വിക്ക് ഏറ്റവും ഇണങ്ങുന്ന ഒരു കഥാപാത്രമായിരുന്നു രഞ്ജൻ മാത്യു. മലയാളത്തിൽ നടനിൽ നിന്നും ഒരു താരമായി ടോവിനോ വളരുന്നുണ്ട് എന്നതിന് തെളിവായിരുന്നു ടോവിനോയെ കാണിച്ചപ്പോഴുള്ള തിയ്യേറ്ററിലെ നിറഞ്ഞ കയ്യടി. എസിപി ആയി ടോവിനോയും തന്റെ കഥാപാത്രത്തോട് കൂറ് പുലർത്തി. വിജയ രാഘവൻ ബാബു ആന്റണി തുടങ്ങിയ മറ്റു അഭിനേതാക്കളും തങ്ങളുടെ റോളുകൾ ഭംഗിയാക്കി. അപവാദമായത് സുജിത് ശങ്കറായിരുന്നു. ഞാൻ സ്റ്റീവ് ലോപസ്, മഹേഷിന്റെ പ്രതികാരം എന്നിവയിൽ മികച്ച അഭിനയം കാഴ്ച വെച്ച സുജിത്തിന് റാബ്ബി മർകസ് എന്ന കഥാപാത്രമായി തിളങ്ങാനാകാതെ പോയി. സുജിത്തിന്റെ ചുണ്ടനക്കങ്ങൾക്ക് ഒട്ടും യോജിക്കാത്ത സണ്ണി വെയ്‌നിന്റെ ശബ്ദം കൂടെ ചേർന്നപ്പോൾ ആ കഥാപത്രം സമ്പൂർണ പരാജയമായി. പ്രേക്ഷക ശ്രദ്ധക്കായി നടിയുടെ ശരീരത്തെ ഉപയോഗപ്പെടുത്തുക എന്ന അനാവശ്യതയും ചിത്രത്തിൽ ചിലയിടങ്ങളിൽ കാണാം
സാങ്കേതികപരമായാണ് ചിത്രം ഏറ്റവും മികച് നിൽക്കുന്നതെന്ന് പറയാം. ജെയിൻസ് ആൻഡ് ആലീസ് എന്ന ചിത്രത്തിന്റെ സംവിധായകനും അനാർക്കലി, അമർ അക്ബർ, 7th ഡേ, ദൃശ്യം തുടങ്ങിയ ചിത്രങ്ങളുടെ ഛായാഗ്രാഹകനുമായ സുജിത് വാസുദേവാണ് എസ്രായുടെ ക്യാമറ കൈകാര്യം ചെയ്തിരിക്കുന്നത്. മെമ്മറീസ് എന്ന ചിത്രത്തിലൂടെ മികച്ച ഛായാഗ്രാഹകനുള്ള സംസ്ഥാന ചലച്ചിത്ര അവാർഡ് കരസ്ഥമാക്കിയ അദ്ദേഹം എസ്രയെ മികവുറ്റതാക്കുന്നതിൽ വഹിച്ച പങ്ക് ചെറുതല്ല. ഓരോ ഷോട്ടും പ്രേക്ഷകന് ഒരു അനുഭവമാക്കി തീർത്തിട്ടുണ്ട്. ക്യാമറ ആംഗിൾ തിരഞ്ഞെടുപ്പും അഭിനന്ദനാർഹനീയം തന്നെ. ഫോർട്ട് കൊച്ചിയുടെ ക്യാമറ ദൃശ്യങ്ങൾ കണ്ണിനു വിരുന്നാകുന്നുണ്ട്. രാത്രിയിൽ പ്രിയയെ രഞ്ജൻ പിന്തുടരുന്ന രംഗങ്ങൾ ചിത്രത്തിലെ ഏറ്റവും മനോഹരമായ ഭാഗമാക്കി തീർത്തിട്ടുണ്ട്. വെളിച്ച വിന്യാസത്തിന്റെ കാര്യവും പരാമർശിക്കേണ്ടിയിരിക്കുന്നു. ഭീതി ജനിപ്പിക്കും വിധവും എന്നാൽ പ്രേക്ഷകന്റെ കാഴ്ചയെ മറയ്ക്കാത്ത വണ്ണവും വെളിച്ചം കൈകാര്യം ചെയ്തിരിക്കുന്നു. രാഹുൽ രാജ്, സുഷിന് ശ്യാം എന്നിവരുടെ സംഗീതമാണ് ചിത്രത്തിന്റെ മറ്റൊരാകർഷണം. ഹരി നാരായണൻ രചിച്ചു രാഹുൽ രാജ് ഈണം പകർന്ന ലൈലകമേ എന്ന ഗാനം ചിത്രം റിലീസ് ചെയ്യുന്നതിന് മുൻപ് തന്നെ പ്രേക്ഷക ശ്രദ്ധ ആകർഷിച്ചിരുന്നു. അൻവർ അലി രചിച്ചു സുഷിന് ഈണം നൽകിയ 'തമ്പിരാൻ ..' എന്ന ഗാനം പഴയ കാലം അവതരിപ്പിക്കുമ്പോൾ ചിത്രത്തിന് നൽകുന്ന പിന്തുണ ചെറുതല്ല. ആ രംഗങ്ങളുടെ എല്ലാ ഭാവവും ഉൾക്കൊണ്ട ഈ ഗാനം മനസ്സിലേക്ക് ഒഴുകി ഇറങ്ങുന്ന അനുഭൂതി ഉളവാക്കി. സുഷിന്റെ പശ്ചാത്തല സംഗീതവും സന്ദർഭത്തോട് ഇഴ ചേർന്ന് കിടന്നു. വിവേക് ഹർഷൻ എന്ന ദേശീയ അവാർഡ് ജേതാവിന്റെ എഡിറ്റിങ്ങും എസ്രായുടെ ദൃശ്യ ഭാഷ മനോഹരമാക്കുന്നതിൽ പങ്കു വഹിച്ചു . ഒരു ഹൊറർ ചിത്രത്തിൽ ഏറ്റവും മികവ് പുലർത്തേണ്ട ദൃശ്യ ശ്രവ്യ മേഖലകൾ അതി മനോഹരമായി എന്നത് തന്നെയാണ് എസ്രാ എന്ന ചിത്രത്തിന്റെ അനുകൂലമായ ഘടകം.
രണ്ടു പ്രണയ കഥകൾ പറയുന്നുണ്ട് ചിത്രം രഞ്ജന്റെയും പ്രിയയുടെയും പിന്നെ എസ്രായുടെയും റോസിയുടെയും.കുറച്ചു രംഗങ്ങൾ കൊണ്ട് തന്നെ പ്രണയം നന്നായി അടയാളപ്പെടുത്തിയിട്ടുണ്ട്. രഞ്ജന്റെ ജീവിതത്തിൽ നിന്നും ഭൂതകാലത്തിലെ എസ്രായുടെ ജീവിതത്തിലേക്ക് കഥ വഴി മാറുമ്പോൾ ആദ്യ ഭാഗങ്ങൾ അവതരണ മികവ് കൊണ്ടും നടീ നടന്മാരുടെ പ്രകടനം കൊണ്ടും ആസ്വാദ്യകരമായിരുന്നെങ്കിലും അവസാന ഘട്ടം അതി നാടകീയത കൊണ്ടും സഹ നടന്മാരുടെ അഭിനയത്തിലെ കൃത്രിമത്വം കൊണ്ടും പ്രതീക്ഷിച്ച മികവിലേക്കുയരാതെ പോയി. ഇന്നത്തെ കാലഘട്ടത്തിൽ അന്ധ വിശ്വാസങ്ങളുടെ കൂട്ടത്തിലാണ് പ്രേതങ്ങൾക്കും സ്ഥാനം അതിനാൽ തന്നെ പ്രേത ബാധ എന്നത് വിശ്വസിക്കുക പ്രയാസമുള്ള കാര്യമാണ്. എന്നാൽ ചിത്രത്തിലെ പ്രധാന കഥാപാത്രമായ പോലീസ് ഉദ്യോഗസ്ഥൻ കേട്ട മാത്രയിൽ തന്നെ ഇത് വിശ്വസിക്കുന്നു എന്നതും രാത്രിക്ക് രാത്രി ശവക്കല്ലറ കുത്തിപ്പൊളിക്കാൻ ഇറങ്ങിത്തിരിക്കുന്നു എന്നതും പ്രേക്ഷകന് വിശ്വാസകരമാക്കാൻ എഴുത്തുകാരനും സംവിധായകനും കഴിഞ്ഞിട്ടില്ല എന്ന് പറയേണ്ടി വരും. തുടക്കം മുതലുള്ള ചിത്രത്തിന്റെ പതിഞ്ഞ താളം ചില ഘട്ടങ്ങളിലെങ്കിലും പ്രേക്ഷകന് മുഷിച്ചിൽ ഉണ്ടാക്കുന്നുണ്ട് പതിഞ്ഞ താളത്തിലെ കഥയുടെ ഒഴുക്ക് ഒരു സസ്പെൻസ് കഴിയുന്നതോടെ ചടുലമാകുകയാണ്. അവിടം മുതൽ കഥക്ക് മുൻപ് മലയാളത്തിൽ തന്നെ ഇറങ്ങിയ മറ്റൊരു ചിത്രവുമായി സാമ്യം പ്രകടമാകുന്നുണ്ട്. ഇനിയും ചിത്രം കാണാത്ത പ്രേക്ഷകരുടെ രസച്ചരട് പൊട്ടിക്കലാകും എന്നതിനാൽ അതിലേക്ക് കൂടുതൽ കടക്കുന്നില്ല. ക്ളൈമാക്സിലെ രംഗങ്ങൾ എന്നിലെ പ്രേക്ഷകന് ഒട്ടും തൃപ്തി നൽകിയില്ല. ശബ്ദ കോലാഹലങ്ങൾ നിറഞ്ഞതും അത്രയും നേരം പ്രേക്ഷകൻ അനുഭവിച്ച പെർഫെക്ഷൻ ഇല്ലാത്തതുമായിരുന്നു ക്ളൈമാക്സ് രംഗങ്ങൾ. കൂടാതെ ഏറ്റവും വിശ്വാസ്യയോഗ്യമായി ക്ളൈമാക്സ് രംഗങ്ങൾ അവതരിപ്പിക്കുന്നതിലും പരാജയം സംഭവിച്ചിട്ടുണ്ട്.
ഏറ്റവും നീച ചിന്തകളെപ്പോലും പ്രണയം കൊണ്ട് അല്ലെങ്കിൽ സ്നേഹം കൊണ്ട് പരാജയപ്പെടുത്തുക എന്ന വലിയൊരു സന്ദേശം പ്രേക്ഷകനിലേക്ക് എത്തിക്കാൻ ശ്രമം നടന്നിട്ടുണ്ടെങ്കിലും അത് ഏറ്റവും മനോഹരമായി പ്രേക്ഷകനിലേക്ക് എത്തിക്കാൻ കഴിഞ്ഞില്ല.
ആഖ്യാന ശൈലികൊണ്ടും സാങ്കേതിക തികവ് കൊണ്ടും എസ്ര മലയാള പ്രേക്ഷകന് നവ്യാനുഭവമാണ് എന്ന കാര്യത്തിൽ തർക്കമില്ല. വേറിട്ട വഴിയിൽ സഞ്ചരിക്കാനുള്ള അണിയറ പ്രവർത്തകരുടെ ശ്രമവും പ്രശംസനീയം തന്നെ. പക്ഷെ പുതിയൊരു രുചിക്കൂട്ട് ഒരുക്കുമ്പോൾ അത് ഏറ്റവും രുചികരമാക്കാൻ അതീവ ശ്രദ്ധ പുലർത്തേണ്ടതുണ്ട്. എല്ലാ വിധ നല്ല ഘടകങ്ങൾ ഉണ്ടായിട്ടും അതിന്റെ ബുദ്ധിപരമായ വിന്യാസത്തിൽ ഇടക്ക് സംഭവിച്ച പരാജയവും, ചെറുതും എന്നാൽ കഥക്ക് ബലം നൽകിയേക്കാവുന്നതുമായ കാര്യങ്ങൾ തിരക്കഥയിലേക്ക് ചേർക്കാൻ കഴിയാതെ പോയതുമാണ് എസ്രയെ ഏറ്റവും മികച്ചൊരു ചിത്രമാക്കാതിരുന്നത്. ഒരു ഹൊറർ ചിത്രം എങ്ങനെ ആസ്വദിക്കണമെന്നു അറിയാത്ത ചില പ്രേക്ഷകരുടെ പരാജയവും പരാമർശിക്കേണ്ടിയിരിക്കുന്നു. ഭയപ്പെടുത്തും എന്ന് തോന്നുന്ന രംഗങ്ങളിൽ ആക്രോശിച്ചും കമന്റുകൾ അടിച്ചും മറ്റുള്ളവരുടെ ആസ്വാദനം കൂടെ തകർക്കുന്ന സമീപനം തീർച്ചയായും മാറ്റപ്പെടേണ്ടതുണ്ട്. ഒരു ഹൊറർ ചിത്രം എന്ന രീതിയിൽ പൂർണ സംതൃപ്തി നല്കുന്നില്ലെങ്കിലും സ്നങ്കേതിക മികവും സംഗീത മികവും അനുഭവിക്കാനും വ്യത്യസ്തമായ ആഖ്യാന ശൈലി ആസ്വദിക്കാനും ഒരു തവണ കണ്ട് നോക്കാവുന്ന ചിത്രം മാത്രമാണ് എസ്ര.

By
Rahul Raj

ഫ്രീക്കന്റെ മൊബൈൽ


ഫ്രീക്കന്റെ മൊബൈൽ
______________________
സമയം സന്ധ്യയോട് അടുക്കാറായിരിക്കുന്നു. ഷട് ഡൌൺ ചെയ്യാനൊരുങ്ങിയ കമ്പ്യൂട്ടർ സ്‌ക്രീൻ പോലെ ആകാശം മങ്ങി തുടങ്ങിയിരിക്കുന്നു. ട്രെയിൻ പതിവ് താളത്തിൽ വടകര സ്റ്റേഷൻ വിട്ട് കോഴിക്കോട്ടേക്കുള്ള യാത്ര ആരംഭിച്ചു. അല്പം തിരക്കുണ്ടായിരുന്നെങ്കിലും അയാൾക്ക് സീറ്റ് കിട്ടി. ജോലി കഴിഞ്ഞു മടങ്ങുന്നവരാണ് ട്രെയിനിൽ അധികവും. കഴിഞ്ഞ പത്തിരുപത് വര്ഷങ്ങളായി ദിവസവും പതിവുള്ളതാണ് രാവിലെ ഓഫീസിലേക്കും വൈകിട്ട് അവിടുന്നു വീട്ടിലേക്കുമുള്ള ട്രെയിൻ യാത്ര. ബസിനു പോകുകയാണെങ്കിൽ ഒരല്പം നേരത്തെ വീട്ടിൽ എത്താമെങ്കിലും അയാൾ എന്നും ട്രെയിനിനെ ആണ് ആശ്രയിക്കാറ്. സാമ്പത്തിക ലാഭം മാത്രമല്ല അയാളുടെ ലക്‌ഷ്യം. ഒരല്പം എഴുത്തിന്റെ അസുഖം ഉള്ളതിനാൽ സമൂഹത്തിലെ എല്ലാ തരക്കാരെയും അടുത്തറിയുക എന്നതും അയാൾ ലക്‌ഷ്യം വെക്കുന്നുണ്ട്. ഒരു കൂപ്പയിലെ ട്രെയിൻ യാത്ര സമൂഹത്തിലെ വിവിധ തലങ്ങളിൽ ഉള്ളവരെ നിരീക്ഷണ വിധേയമാക്കാൻ അയാളെ സഹായിക്കാറുമുണ്ട്. പതിവ് പോലെ അയാൾ ഹെഡ് സെറ്റ് എടുത്തു ചെവിയിലേക്ക് തിരുകി ചുറ്റുമുള്ള കാഴ്ചകളിലേക്ക് കണ്ണോടിച്ചു. ഹെഡ് സെറ്റ് വഴി കാക്കോത്തിക്കാവിലെ അപ്പൂപ്പൻ താടികൾ അയാളുടെ മനസ്സിലേക്ക് പറന്നു നിറയുമ്പോഴാണ് അതിനെ ഊതി മാറ്റി പുറമെ നിന്നും വേറൊരു പാട്ട് കാതിലേക്കെത്തിയത്. നോക്കിയപ്പോൾ ട്രെയിനിൽ പാട്ട് പാടി നടക്കുന്ന ഒരാളാണ്. കഴുത്തിലൂടെ ഹാർമോണിയവും തൂക്കിയിട് ട്രെയിനുകൾ തോറും പാട്ട് പാടി നടക്കുന്ന ഇത്തരക്കാരെ ഇപ്പോൾ അധികം കാണാറില്ലല്ലോ എന്നോർത് അയാൾ ഹെഡ് സെറ്റ് ചെവിയിൽ നിന്ന് മാറ്റി പാട്ടിനു ചെവി കൊടുത്തു. അടുത്ത നിമിഷം തന്നെ ഹെഡ് സെറ്റ് മാറ്റേണ്ടിയിരുന്നില്ല എന്ന് തോന്നിപ്പോയി. അത്രക്ക് അസഹനീയമായിരുന്നു ആ ശബ്ദം. ഹെഡ് സെറ്റ് തിരിച്ചു ചെവിയിലേക്ക് വെക്കാൻ നേരത്താണ് അതേ ഗാനം മനോഹരമായ കുഞ്ഞു ശബ്ദത്തിൽ അയാളുടെ കാതുകളിലേക്ക് പതിച്ചത്. അയാളുടെ കണ്ണുകൾ ആ പാട്ടിന്റെ ഉടമയെ തിരഞ്ഞു. നോക്കുമ്പോൾ ഒരു ചെറിയ ആൺകുട്ടി കയ്യിലെ ചില്ലറ തുട്ടുകൾ കിലുക്കി അപ്പുറത്തെ കൂപ്പയിൽ നിന്നും അയാളിരുന്ന കൂപ്പയിലേക്ക് വരികയാണ്. മുഷിഞ്ഞ വസ്ത്രങ്ങളും ചെമ്പിച് പാറിപ്പറക്കുന്ന തലമുടിയും കണ്ടാൽ തന്നെ അറിയാം അവൻ ആ പാട്ടുകാരന്റെ കൂടെയുള്ളതാണെന്. കൂപ്പയിലുള്ള എല്ലാവരും ആ കുഞ്ഞു ശബ്ദത്തിൽ മതിമറന്നിരുന്നു. ഹാര്മോണിയത്തിന്റെ അകമ്പടി കൂടെ ചേർന്നപ്പോൾ ആ പഴയ തമിഴ് ഗാനം മനസ്സിലേക്ക് ഒഴുകിയിറങ്ങി. ചില്ലറ തുട്ടുകൾ കിലുക്കി കൊണ്ട് അവൻ ഓരോരുത്തർക്ക് മുൻപിലായി കൈ നീട്ടാൻ തുടങ്ങി. മനോഹരമായ ആ ഗാനവും അവന്റെ നിഷ്കളങ്ക മുഖവും ചേർന്നപ്പോൾ ആർക്കും അവനെ നിരാശനാക്കാൻ കഴിഞ്ഞില്ല. പോക്കറ്റിൽ കൈ ഇട്ടപ്പോൾ 5 രൂപ തുട്ടാണ് ആദ്യം തടഞ്ഞത്. തൊട്ട് മുൻപിൽ ഇരുന്ന ഒരു തരുണീമണി സൂക്ഷിച്ചു നോക്കുന്നത് കണ്ടപ്പോൾ അധികം ആലോചിക്കാതെ 20 രൂപ നോട്ട് അയാൾ ആ കുട്ടിക്ക് നൽകി. അഭിമാന പുളകിതനായി അയാൾ അവളിലേക്ക് ഒരു നോട്ടമയച്ചു. പക്ഷെ അവളപ്പോഴേക്കും പുറം കാഴ്ചകളിലേക്ക് മുഖം തിരിച്ചിരുന്നു. അയാളുടെ കാഴ്ച വീണ്ടും ആ കുട്ടിയിലേക്ക് തിരിഞ്ഞു.. എല്ലാവരിൽ നിന്നും പൈസ വാങ്ങി അവനിപ്പോൾ ആ കൂപ്പയിലെ അവസാനത്തെ ആളിലേക്ക് എത്തിയിരിക്കുകയാണ്..തലയിൽ കുത്തബ് മിനാറും താടിയിൽ താജ് മഹലും പണിത് വെച്ചിട്ടുള്ള ഒരു മുന്തിയ തരം ഫ്രീക്കനാണ് കക്ഷി. കുട്ടി അവനു നേരെ കൈ നീട്ടുന്നെങ്കിലും അവൻ കുട്ടിയെ ഗൗനിക്കുന്നതേയില്ല. ജീൻസിന്റെ അവസ്ഥ കണ്ടാൽ ഭിക്ഷയെടുക്കേണ്ട അവസ്ഥയിലാണെന്ന് പറയുമെങ്കിലും കൈയിലെ ഫോണും വാച്ചും നല്ല വീട്ടിലെ ഫ്രീക്കനാണെന്ന് വിളിച്ചറിയിക്കുന്നുണ്ട്. ആ കുട്ടി കാലിൽ തട്ടി വിളിക്കുന്നുണ്ടെങ്കിലും അങ്ങനൊന്നു നടക്കുന്നതായി പോലും ഫ്രീക്കൻ ശ്രദ്ധിക്കുന്നില്ല. അവന്റെ ശ്രദ്ധ മുഴുവൻ കയ്യിലെ മൊബൈൽ ഫോണിലാണ്. അതിൽ എന്തോ തിരയുകയാണവൻ. എല്ലാവരും ആ കാഴ്ച നോക്കിയിരിക്കുകയാണ്. ശ്ശേടാ ഇവന്റെ കയ്യിൽ ഒരു 2 രൂപ പോലും എടുക്കാനില്ലേ . ഒന്നുമില്ലെങ്കിലും ആ കുട്ടി ഇത്ര നന്നായി പാടിയതല്ലേ. എന്താ ആ മൊബൈലിൽ ഇത്ര തിരയാൻ. ഫേസ്ബുക്കോ വാട്ട്സാപ്പോ നോക്കിയിരിക്കുകയാകും.വണ്ടിയിൽ കയറിയപ്പോൾ തന്നെ അയാൾ ശ്രദ്ധിച്ചതാണ് മൊബൈലിലേക്ക് കണ്ണും നട്ടിരിക്കുന്ന അവനെ. ഇത്തരം ന്യൂ ജനറേഷൻ സോഷ്യൽ മീഡിയ ജീവികളോട് അയാൾക്ക് പരമ പുച്ഛമാണ്. ആത്മ രതിയിൽ ആനന്ദം കണ്ടെത്തുന്ന ജീവികളായാണ് അയാൾ അവരെ നോക്കി കാണാറ്. സ്വന്തമായി ഫേസ്‌ബുക് അക്കൗണ്ട് ഉണ്ടെങ്കിലും വളരെ ചുരുക്കം സമയങ്ങളിൽ മാത്രമേ അയാൾ അത് ശ്രദ്ധിക്കാറുള്ളൂ. നിരാശനായ കുട്ടി പതുക്കെ അടുത്ത കൂപ്പയിലേക് നടന്നു. കൊയിലാണ്ടി എത്തിയപ്പോൾ അയാൾ ട്രെയിൻ ഇറങ്ങി. അന്ന് രാത്രി വീട്ടിലെത്തിയപ്പോഴും അയാളുടെ മനസ്സ് നിറയെ ആ കുട്ടിയുടെ നിഷ്കളങ്ക മുഖമായിരുന്നു ഒപ്പം മനുഷ്യത്വമില്ലാത്ത ആ ഫ്രീക്കന്റയും. പലപ്പോഴും ഇന്നത്തെ കുട്ടികൾ സോഷ്യൽ മീഡിയയിൽ നിന്നും സമൂഹത്തിലേക്ക് ഇറങ്ങാൻ വല്ലാതെ മടി കാണിക്കുന്നുണ്ട്. അയാൾ ചിന്തിച്ചു.
.
രണ്ട് ദിവസത്തിനിപ്പുറം കാലത്ത് ഓഫിസിലേക്കുള്ള ട്രെയിൻ യാത്രയിലായിരുന്നു അയാൾ. പത്രത്താളുകൾ മറിച്ചിടുന്നതിനിടയിലാണ് ഒരു ഫോട്ടോയിൽ കണ്ണുടക്കിയത്. അന്ന് ട്രെയിനിൽ വെച്ച് കണ്ട കൊച്ചു കുട്ടിയുടെ ഫോട്ടോയാണ്.
"ഫോട്ടോയിൽ കുട്ടിയോടൊപ്പം വേറൊരാളും ഉണ്ടല്ലോ.. അത് അന്ന് ട്രെയിനിൽ വെച്ചു കുട്ടിക്ക് പൈസ കൊടുക്കാതിരുന്ന ഫ്രീക്കനാണല്ലോ.."
ആകാംക്ഷയോടെ അയാളാ വാർത്ത വായിച്ചു...
"തരില്ലിനി ഭിക്ഷ, തരാം ഒരു ബാല്യം" അതായിരുന്നു വാർത്തയുടെ തലക്കെട്ട്. വാർത്തയുടെ ഉള്ളടക്കം ഇതായിരുന്നു. ട്രെയിനിൽ വെച്ചാണ് ബാല ഭിക്ഷാടനം സരിന്റെ ശ്രദ്ധയിൽ പെടുന്നത്. മുൻപ് കോഴിക്കോട് കളക്ടറുടെ ഫേസ്‌ബുക് പേജിൽ ബാലഭിക്ഷാടനത്തെ പറ്റിയുള്ളോരു പോസ്റ്റിൽ ഇത്തരം ബാല ഭിക്ഷാടനം പ്രോത്സാഹിപ്പിക്കരുതെന്നും ഇത്തരം സംഭവങ്ങൾ ശ്രദ്ധയിൽ പെട്ടാൽ വിളിച്ചറിയിക്കാനുള്ള ചൈൽഡ് ലൈൻ നമ്പറും അവൻ ശ്രദ്ധിച്ചിരുന്നു. അതിൽ നിന്നും നമ്പർ എടുത്തു കോഴിക്കോട് എത്തിയപ്പോൾ ചൈൽഡ് ലൈൻ പ്രവർത്തകരെ വിവരം അറിയിക്കുകയായിരുന്നു. അന്വേഷണത്തിൽ കൂടെയുണ്ടായിരുന്നത് കുട്ടിയുടെ ബന്ധുവല്ല എന്ന് ബോധ്യപ്പെട്ടപ്പോൾ ചൈൽഡ് ലൈൻ പ്രവർത്തകർ കുട്ടിയെ അനാഥാലയത്തിലേക്ക് മാറ്റി. പിറ്റെ ദിവസം അനാഥാലയത്തിലെത്തിയ സരിനും കുറച്ചു സുഹൃത്തുക്കളും കുട്ടിയുടെ ഭക്ഷണത്തിനും പഠനത്തിനുമുള്ള തുക വഹിക്കാൻ സന്നദ്ധത അറിയിക്കുകയായിരുന്നു. അതും സോഷ്യൽ മീഡിയ വഴി തന്നെ സമഹാരിക്കാനാണ് അവർ ലക്ഷ്യമിടുന്നത്.
വാർത്ത വായിച്ച് ഒരു നിമിഷം അയാൾ തരിച്ചിരുന്നു. സോഷ്യൽ മീഡിയ വഴിയുള്ള ഇത്തരം സാധ്യതകളെ കുറിച്ചും പുതു തലമുറയുടെ ഇത്തരം സാമൂഹിക ഇടപെടലിനെ കുറിച്ചും അയാൾ ഒരിക്കൽപ്പോലും ചിന്തിച്ചിരുന്നില്ല. നമ്മൾ നൽകുന്ന ഭിക്ഷ ആ കുട്ടിയെ കൊണ്ട് വീണ്ടും വീണ്ടും മറ്റുള്ളവരുടെ മുൻപിലേക്ക് കൈ നീട്ടിപ്പിക്കുക മാത്രമേ ചെയ്യൂ എന്നത് അപ്പോൾ ആണ് അയാൾ ചിന്തിച്ചത്. മുൻപത്തെ തന്റെ ചിന്തയും പ്രവൃത്തിയും എത്രമാത്രം തെറ്റാണെന്ന് ഓർത്തപ്പോൾ അയാൾക്ക് കുറ്റബോധം തോന്നി. ആ തലക്കെട്ട് വീണ്ടും അയാളുടെ മനസ്സിൽ അലയടിച്ചു.
.
"തരില്ലിനി ഭിക്ഷ,
തരാം ഒരു ബാല്യം"..

ഒരു 'പരീക്ഷ'ണാനുഭവം


ഒരു 'പരീക്ഷ'ണാനുഭവം 
-------------------------------------
SSC എക്സാം കഴിഞ്ഞ് ബാംഗ്ലൂരിലെ RT നഗറിലെ നഗര വീഥിയിലൂടെ പരീക്ഷാനുഭവങ്ങൾ അയവിറക്കി നടക്കുകയായിരുന്നു. പരീക്ഷക്കയെക്കാൾ കഠിനമായിരുന്നു തുടക്കത്തിലെ സെക്യൂരിറ്റി ചെക്കിങ്ങ്. ഒരു പക്ഷെ വിചാരണക്ക് കൊണ്ട് വരുമ്പോൾ ഇരട്ടക്കൊലക്കേസ് പ്രതിക്ക് ഇതിലും മാന്യമായ പരിചരണം ലഭിക്കും. നമ്മൾ ഏതോ തീവ്രവാദി സംഘടനയിൽ നിന്നും വരുന്നതാണെന്ന സംശയം ഉണ്ടെന്ന് തോന്നിപ്പിക്കും വിധമാണ് ചെക്കിങ്. കൂടാതെ കൈയിലുള്ള യാതൊരു വിധ സാധന സാമഗ്രികൾക്കും എക്സാം ഹാളിലേക്ക് പ്രവേശനമില്ല. അവ സൂക്ഷിക്കുന്നതിന് 10 രൂപ നല്കുകയും വേണം. ഹാൾ ടിക്കറ്റിൽ ആ 10 രൂപയുടെ കാര്യം പറഞ്ഞിരുന്നില്ല എന്നതിനാലും മോഡിജിയുടെ അനുഗ്രഹത്താൽ കൈയിൽ ചില്ലറയൊന്നും ഉണ്ടായില്ല എന്നതിനാലും സൂക്ഷിപ്പ് കാരന്റെ വായിലിരിക്കുന്നത് മുഴുവൻ കേട്ടു. കന്നഡ ഗൊത്തില്ലെങ്കിലും പറഞ്ഞത് മൊത്തം അത്ര നല്ല കാര്യങ്ങളല്ല എന്ന് മാത്രം മനസിലായി. ഒടുവിൽ ബാഗ് അരിച്ച് പെറുക്കി ലഭിച്ച 7 രൂപ കൊണ്ട് ഒരു വിധം അയാളുടെ വായടപ്പിക്കുകയായിരുന്നു.
അങ്ങനെ ആലോചനയിൽ മുഴുകി നടക്കുമ്പോഴാണ് ഒരു കാഴ്ച കണ്ടത്. രണ്ട് ഭിന്നലീംഗക്കാർ എതിരേ നടന്ന് വരികയാണ്. ഭിന്ന ലിംഗക്കാർക്ക് അനുകൂലമായുള്ള ഫേസ്ബുക്ക് പോസ്റ്റുകളിൽ എല്ലാം ചറപറ ലൈക് അടിക്കാറുണ്ടെങ്കിലും പണ്ടൊരിക്കൽ ട്രെയിനിൽ വെച്ച ഉണ്ടായൊരു അനുഭവം കാരണം ഇത്തരക്കാരെ നേരിട്ട് കാണുമ്പോൾ ഇപ്പോഴും ഭയമാണ്. നോട്ടം അവരിൽ പതിഞ്ഞാൽ ഒരു പക്ഷെ കാശും പിടിച്ച് വാങ്ങിച്ചേ പോവുകയുള്ളൂ. അതിനാൽ ഞാൻ ഒരു വശത്തേക്ക് തല ചെരിച്ച് അവരെ കണ്ടിട്ടേയില്ലെന്ന ഭാവേനെ നടന്നു. ബാംഗ്ലൂരിന് ഒരു പ്രത്യേകത ഉണ്ട്. നമ്മൾ നടക്കുന്നത് അതീവ ശ്രദ്ധയോടെ ആകണമെന്ന് നിർബന്ധമുള്ള നഗരസഭാ അധികൃതർ ഉള്ള സ്ഥലമാണ്. നമ്മൾ ശ്രദ്ധയോടെ നടക്കുന്നുണ്ടോ എന്ന് പരീക്ഷിക്കാൻ അവർ നടപ്പാതയിൽ ഇടക്ക് ചില സ്ഥലങ്ങളിൽ സ്ലാബ് ഇളക്കി മാറ്റിയിടും!! ശ്രദ്ധ ഇല്ലാത്തവൻ അതിൽ വീഴും. കണ്ട കാഴ്ച സമ്മാനിച്ച വെപ്രാളത്തിൽ ആയിരുന്നതിനാലും ഒരു വശത്തേക്ക് നോക്കി നടക്കുകയായിരുന്നതിനാലും നഗരസഭക്കാരുടെ പരീക്ഷണം എന്റെ കണ്ണിൽ പെട്ടില്ല. കൂടുതൽ എന്ത് പറയാൻ, മുന്നോട്ട് കാൽ വെച്ച ഞാൻ താഴോട്ട് പോയി! അധികം ആഴവും വെള്ളവുമുണ്ടായില്ലെന്നതിനാൽ വലിയ പരുക്കുകൾ ഒന്നും പറ്റിയില്ല. മുകളിലോട്ട് കയറാനായി പരസഹായത്തിനായി നോക്കിയപ്പോഴാണ് ആ രണ്ട് ഭിന്ന ലിംഗക്കാർ എനിക്കടുത്തേക്ക് ഓടി വരുന്നത് കണ്ടത്. അടുത്തെത്തിയ അവർ ലൈറ്റ് വെയിറ്റ് ആയ എന്നെ രണ്ട് കൈയിലും പിടിച്ച് തൂക്കിയെടുത്ത് മുകളിലേക്ക് കയറ്റി. കന്നഡയിൽ അവർ പറഞ്ഞത് മനസിലായില്ലെങ്കിലും അതിൽ സ്നേഹവും കരുണയും ഉണ്ടെന്ന് അവരുടെ മുഖഭാവത്തിലൂടെ ഊഹിച്ചു. ഒടുവിൽ അറിയാവുന്ന ഭാഷയിൽ അവരോട് നന്ദി പറഞ്ഞ് മുൻപോട്ട് നടക്കുമ്പോൾ മനസിൽ ഒന്നുറപ്പിച്ചു.
ഇനി ഇത്തരക്കാരെ കാണുമ്പോൾ മുഖം തിരിച്ച് നടക്കില്ല. അവരും മനുഷ്യർ തന്നെയാണ് ഒരു പക്ഷെ നമ്മളിൽ പലരെക്കാളും മനുഷ്യത്വമുള്ള മനുഷ്യർ...


By 
Rahul Raj

ഒറ്റാൽ - സിനിമാ നിരൂപണം


മലയാള സിനിമ പ്രേമികൾക്ക് സുപരിചതനായ സംവിധായകനാണ് ജയരാജ്. ഒന്നിനൊന്നു വ്യത്യസ്തമായ സിനിമകൾ ചെയ്ത് അദ്ദേഹം നമ്മെ അത്ഭുതപ്പെടുത്തിയിട്ടുണ്ട്. അവാർഡുകൾ വാരിക്കൂട്ടിയിട്ടുള്ള, മലയാളത്തിലെ ക്‌ളാസ് സിനിമകളുടെ കൂട്ടത്തിൽ മുൻനിരയിൽ നിൽക്കുന്ന കളിയാട്ടവും ദേശാടനവും ഒരുക്കിയ അതെ സംവിധായകനാണ് കൊമേർഷ്യൽ ചേരുവകൾ മാത്രം അടങ്ങിയ 4 ദി പീപ്പിളും തിളക്കവും ജോണി വാക്കറും ഒക്കെ ചെയ്തതെന്ന് അറിയുമ്പോൾ അത്ഭുതപ്പെടാതെ തരമില്ല. അദ്ദേഹത്തിൽ നിന്നും മലയാള സിനിമക്ക് ലഭിച്ച മറ്റൊരു വിസ്മയമാണ് ഒറ്റാൽ.
ആന്‍റണ്‍ ചെക്കോവിന്‍റെ 'വാങ്കാ' എന്ന ചെറുകഥയെ ആസ്പദമാക്കിയാണ് ഈ ചിത്രം ഒരുക്കിയിരിക്കുന്നത്. 'വാങ്ക' എന്ന ചെറുകഥയെ മലയാള മണ്ണിലേക്ക് പറിച്ചു നടുക എന്ന ശ്രമകരമായ ദൗത്യമാണ് സംവിധായകനായ ജയരാജിനും തിരക്കഥാകൃത്തായ ജോഷിയ മംഗലത്തിനും ഉണ്ടായിരുന്നത്. ആ ദൗത്യം ഏറ്റവും മനോഹരമായാണ് ഇവർ നിർവഹിച്ചിരിക്കുന്നത്. ഇതിനു മുൻപ് ഷേക്സ്പിയറിന്റെ ഒഥല്ലോയും ആന്റണി ആൻഡ് ക്ലിയോപാട്രയും കളിയാട്ടവും കണ്ണകിയുമായി മലയാളത്തിലേക്ക് അവതരിപ്പിച്ചതും ജയരാജ് തന്നെയായിരുന്നു.
കുട്ടപ്പായി എന്ന കഥാപാത്രം തന്റെ വല്യപ്പച്ചായിക്ക് എഴുതുന്ന ഒരു കത്തിലൂടെയാണ് ചിത്രം ആരംഭിക്കുന്നത്. അവിടെ നിന്നും ചിത്രം ഭൂത കാലത്തിലേക്ക് കടക്കുന്നു. കുട്ടപ്പായിയുടേയും വല്യപ്പച്ചന്റെയും ജീവിതത്തിലേക്ക് സംവിധായകൻ നമ്മളെ ക്ഷണിച്ചു കൊണ്ട് പോകുന്നു. താറാവ് വളർത്താനായി കുട്ടനാട്ടിലേക്കെത്തുന്ന വല്യപ്പച്ചായിയും കുട്ടപ്പായിയും.ആ ഒരു കാലഘട്ടത്തിലെ അവരുടെ ജീവിതമാണ് ചിത്രത്തിന്റെ സിംഹഭാഗവും നമുക്ക്ക് കാണാൻ കഴിയുന്നത്. ചിത്രത്തിലെ പ്രധാന കഥാപാത്രങ്ങളെയെല്ലാം അവതരിപ്പിച്ചിരിക്കുന്നത് പുതുമുഖങ്ങളാണ്. പല അഭിനേതാക്കളും ഒരു നിയോഗം പോലെ അവിചാരിതമായി തങ്ങളിലേക്ക് എത്തുകയായിരുന്നു എന്നാണ് സംവിധായകൻ ജയരാജ് പറഞ്ഞിട്ടുള്ളത്. പ്രത്യേകിച്ച് വലിയപ്പച്ചായിയെ അവതരിപ്പിച്ച വാസവൻ ചേട്ടൻ. അഭിനയത്തിൽ മുൻപരിചയമേതുമില്ലെങ്കിലും ആ കഥാപാത്രത്തെ ഏറ്റവും മികച്ച രീതിയിലാണ് അദ്ദേഹം അവതരിപ്പിച്ചത്. അദ്ദേഹത്തിന്റെ സംസാര ശൈലിയും ശബ്ദവും ചേരുന്നതോടെ കഥാപാത്രം പൂർണതയിലേക്കെത്തി. കുട്ടപ്പായിയെ അവതരിപ്പിച്ച അഷാന്തും സ്വാഭാവികാഭിനയത്താൽ പ്രേക്ഷകന്റെ മനം കവർന്നു. അഭിനയത്തിൽ അല്പം പോലും കൃത്രിമത്വം ഉണ്ടായിരുന്നില്ല എന്നതിനാൽ തന്നെ കുട്ടപ്പായിയും വല്യപ്പച്ചായിയും പ്രേക്ഷനോട് കൂടുതൽ അടുത്തു.ഇത്തരമൊരു പ്രകടനം അവരിൽ നിന്നും പുറത്തെടുപ്പിക്കാൻ സംവിധായകന് കഴിഞ്ഞെന്നതും അഭിനന്ദനീയമാണ്. ചെറിയ കഥാപാത്രങ്ങൾ ആയിരുന്നെങ്കിലും ഷൈൻ ടോം ചാക്കോയും സബിത ജയരാജും വാവച്ചനും ശ്രദ്ധ പിടിച്ചുപറ്റി.
പ്രത്യക്ഷവും പരോക്ഷവുമായ നിരവധി ബിംബങ്ങളാൽ സമ്പന്നമാണ് ചിത്രം. വാങ്ക എന്ന ചെറുകഥയെ നമ്മുടെ കേരളീയ പശ്ചാത്തലത്തിലേക്ക് സന്നിവേശിപ്പിച്ചിരിക്കുന്നതിലും, മൂലകഥക്ക് ഒട്ടും കോട്ടം തട്ടാതെ, അതിനെ ബലപ്പെടുത്തുന്ന രീതിയിൽ ബിംബങ്ങളും മറ്റു കഥ സന്ദർഭങ്ങളും ചിത്രത്തിൽ ചേർത്തത്തിലും ജോഷി മംഗലത് എന്ന എഴുത്തുകാരന്റെ പ്രതിഭയെ കാണാം. മികച്ച തിരക്കഥക്കുള്ള നാഷണൽ അവാർഡ് അദ്ദേഹത്തെ തേടിയെത്തിയതിനു പിന്നിലെ രഹസ്യവും മറ്റൊന്നല്ല.
വാവച്ചൻ അവതരിപ്പിച്ച കഥാപാത്രത്തിന്റെ കാത്തിരിപ്പ് എന്ന ബിംബം ഒരു തരത്തിൽ അല്ലെങ്കിൽ മറ്റൊരു തരത്തിൽ കുട്ടപ്പായി തന്നെയാകുന്നു.
പ്രകൃതിയോട് ഇത്രയും അടുത്തു നിൽക്കുന്ന ചിത്രങ്ങൾ വിരളമായിരിക്കും. കുട്ടനാടിന്റെ പ്രകൃതി ഭംഗി ഒട്ടും ചോർന്നു പോകാതെ അതിമനോഹരമായി എം ജെ രാധാകൃഷ്ണൻ എന്ന ക്യാമറാമാൻ തന്റെ ക്യാമറയിലേക്ക് പകർത്തിയപ്പോൾ അത് ഒറ്റാലിന്റെ മാറ്റ് കൂട്ടി. മനുഷ്യനും മനുഷ്യനും തമ്മിലുള്ള ബന്ധം പോലെ തന്നെ മനുഷ്യനും പ്രകൃതിയും തമ്മിലുള്ള ബന്ധവും ജയരാജ് ചിത്രത്തിലൂടെ അവതരിപ്പിക്കുന്നുണ്ട്. ചിത്രത്തിന്റെ ഭാവ മാറ്റത്തിനൊപ്പം പ്രകൃതിയുടെ ഭാവവും മാറി മറിയുന്നു. കുട്ടപ്പായയുടെ വെളിച്ചം നിറഞ്ഞ കുട്ടനാട്ടിലെ ജീവിത കാലം അവതരിപ്പിക്കുന്ന മിക്ക രംഗങ്ങളിലും പശ്ചാത്തലത്തിൽ സൂര്യൻ തെളിഞ്ഞ നിൽക്കുന്നത് നമുക്ക് കാണാം. വല്യപ്പച്ചായിയെ പിരിയുന്ന രംഗങ്ങളിൽ അസ്തമയ സൂര്യനെ കാണുന്നു.. ശേഷം മഴ, ഇരുട്ട് ...!! ഇതിൽക്കൂടുതൽ എങ്ങനെയാണു മനുഷ്യന്റെ വികാരങ്ങളെ പ്രകൃതിയുമായി കോർത്തിണക്കി പറയാൻ കഴിയുക??
പ്രകൃതിയെ അറിയാത്ത, പുസ്തക താളുകളെ മാത്രം അറിയുന്ന ഇന്നത്തെ നമ്മുടെ വിദ്യാഭ്യാസ രീതിയുടെ ന്യൂനതയെ പറ്റിയുള്ള ചര്ച്ചക്കും വഴിയൊരുക്കുന്നുണ്ട് ചിത്രം. സ്‌കൂളിൽ പോകാത്ത കുട്ടപ്പായി സ്‌കൂളിൽ പോകുന്ന കൂട്ടുകാരന്റെ പ്രകൃതിയെ കുറിച്ചുള്ള സംശയങ്ങൾക്ക് ഉത്തരം നല്കുന്നതിലൂടെയും കുയിൽ കൂവുന്നതും പൊന്മാൻ മീൻ പിടിക്കുന്നതും ആരെങ്കിലും പഠിപ്പിച്ചിട്ടാണോ എന്നു ചോദിക്കുന്നതിലൂടെയും നമ്മുടെ വിദ്യാഭ്യാസ സമ്പ്രദായത്തെ തന്നെയാകണം സംവിധായകൻ ഉന്നം വെക്കുന്നത്. സംഭാഷണങ്ങൾക്കൊപ്പം കുട്ടനാട്ടിലെ പ്രകൃതിയുടെയും മനുഷ്യരുടെയും ചില ശബ്ദങ്ങളും സംസാരിക്കാതെ പ്രേക്ഷകനോട് സംസാരിക്കുന്നുണ്ട്.യന്ത്രങ്ങളുടെയും വാഹനങ്ങളുടെയും ശബ്ദം മാത്രം കേട്ട് ശീലിച്ച പ്രേക്ഷകന് പ്രകൃതിയുടെ ശബ്ദത്തിലേക്ക് അലിഞ്ഞു ചേരാനുള്ള ഒരു അവസരം നൽകുകയാണ് ഈ ചിത്രം . സുധീർ, മനോജ് എന്നിവരുടെ വസ്ത്രാലങ്കാരം കഥാപാത്രങ്ങളെ പൂർണതയിലേക്ക് എത്തിയ്ക്കാൻ സഹായിക്കുന്നുണ്ട്. കുട്ടപ്പായിയുടെ അല്പം നീളം കൂടിയ ബനിയനും നീളം കുറഞ്ഞ ട്രൗസറും ആ കഥാപാത്രത്തിന് ഏറ്റവും യോജിച്ചതായിരുന്നു. ചിത്രത്തിന്റെ തുടക്കം മുതൽ ഒടുക്കം വരെ ഓരോ സന്ദർഭങ്ങളിലും ആസ്വാദ്യകരമായ ഒരു ഒഴുക്കായി നമ്മളിലേക്കെത്തുന്നുണ്ട് ശ്രീവത്സൻ ജെ മേനോന്റെ പശ്ചാത്തല സംഗീതം. അതിനോടൊപ്പം തന്നെ കൂട്ടിച്ചേർത്തു പറയേണ്ടതാണ് കാവാലം നാരായണപ്പണിക്കർ എന്ന പ്രതിഭയൊരുക്കിയ "മനതിലിരുന് ഓലേഞ്ഞാലി കിളി കരഞ്ഞേ .. " എന്ന ഗാനം. ഈ ഗാനവും സന്ദർഭവും കൂടെ ചേരുമ്പോൾ വല്ലാത്തൊരു നൊമ്പരമാണ് പ്രേക്ഷക മനസ്സിൽ ഉടലെടുക്കുന്നത്.
പ്രമേയത്തിന്റെ അതിശക്തമായ തീവ്രത കൊണ്ടും അവതരണത്തിലെ മനോഹാരിത കൊണ്ടും പ്രേക്ഷക മനസ്സ് എളുപ്പം കീഴടക്കുന്ന ഒരു ചിത്രമാണ് ഒറ്റാൽ എന്നതിൽ സംശയമില്ല. ചിത്രം കണ്ടു കഴിഞ്ഞാലും കഥാപാത്രങ്ങൾ ഒരു നൊമ്പരമായ നമ്മുടെ മനസ്സിൽ അവശേഷിക്കും. അത്രയ്ക്ക്ക് മികച്ചൊരു സിനിമാനുഭവമാണ് ഒറ്റാൽ. പക്ഷെ ഒറ്റാൽ എന്ന വസ്തു നമുക്ക് എങ്ങനെ അന്യമാണോ അതെ പോലെ തന്നെ ഈ ചിത്രവും ഭൂരിഭാഗം മലയാളികൾക്കും ഇപ്പോഴും അന്യമാണ്. ലാഭം മാത്രം ലക്‌ഷ്യം വെച് ആഘോഷ ചിത്രങ്ങൾക്ക് മാത്രം തിയ്യേറ്റർ നൽകുകയും, ചലച്ചിത്രം എന്ന സംസ്കാരത്തോട് യാതൊരു പ്രതിബദ്ധതയും കാട്ടാതെ ഇന്ന് സമരം ചെയ്യുകയും ചെയ്യുന്ന തിയ്യേറ്റർ ഉടമകളും, ഇത്തരം ചിത്രങ്ങളെ വേണ്ട രീതിയിൽ പ്രോത്സാഹിപ്പിക്കാത്ത നമ്മൾ സാദാ പ്രേക്ഷകരും ഇങ്ങനെ ഒരവസ്ഥക്ക് ഉത്തരവാദികളാണ്. ചിത്രത്തിന് ഒരു ബോക്സോഫീസ് വിജയം നേടാൻ കഴിഞ്ഞില്ലെങ്കിലും പ്രേക്ഷക മനസ്സുകൾക്ക് മേൽ വിജയം കാണാൻ കഴിയും എന്നത് തീർച്ചയാണ്. ചിത്രം ഓൺലൈനിലും റിലീസ് ചെയ്തിട്ടുണ്ട് എന്നതിനാൽ തന്നെ ചിത്രം കാണാത്തവർക്ക് കാണാൻ ഇപ്പോഴും അവസരം ഉണ്ട്. ഒരു പുതുവർഷം നമുക്ക് മുൻപിലേക്ക് കടന്നു വരികയാണ്. 2017 എന്ന വർഷത്തെ ചലച്ചിത്രാസ്വാദനം മലയാളത്തിലെ ഏറ്റവും മികച്ച ചിത്രങ്ങളിൽ ഒന്നായ ഒറ്റാൽ കണ്ട് കൊണ്ട് ആരംഭിക്കൂ. വരാനിരിക്കുന്ന മികച്ച സിനിമാനുഭവങ്ങൾക്ക് ഏറ്റവും നല്ലൊരു തുടക്കമായിരിക്കുമത്..
ഏവർക്കും ഹൃദയം നിറഞ്ഞ പുതുവത്സരാശംസകൾ ...

By
Rahul Raj

ചേർച്ച


"നിനക്ക് ഒരു സംഭവം കാണണോ. ഇതൊന്നു നോക്കിക്കേ, ഇവര് തമ്മിൽ എന്ത് ചേർച്ചയാ ഉള്ളത്???" 
.
മൊബൈലിലെ ഫേസ്‌ബുക്കിൽ കണ്ട ഒരു കല്യാണ ഫോട്ടോ അരികിലിരുന്ന രാജീവിന് കാണിച്ചു കൊണ്ട് അയാൾ തുടർന്നു.
.
"പെണ്ണ് നല്ല കറുകറെ കറുത്ത് കാണാൻ ഒരു ഭംഗിയും ഇല്ല. ചെക്കനാണെ ഒരു സിനിമാ നടനെ പോലെയും"
.
"ഇവര് പ്രേമിച്ചു കെട്ടിയതാന്നല്ലേ ഇതിൽ പറയുന്നേ ?"
.
"ആഹ്. അതാണ് ഏറ്റവും രസം. പ്രേമിച്ചു കെട്ടിയതാണ് പോലും. ഇവളെയൊക്കെ എങ്ങനെയാ പ്രേമിക്കുക?
പ്രേമം എന്നൊക്കെ പറഞ്ഞാൽ എന്റേം അനിതേടേം ഒക്കെയായിരുന്നു പ്രേമം. ഞങ്ങൾ ഒരുമിച്ച് നിന്നാൽ made for each other എന്നല്ലാതെ വേറൊന്നും ഒരാളും പറയില്ലായിരുന്നു. എന്തിനു, ഞങ്ങളുടെ കല്യാണ ഫോട്ടോ നോക്കി നീ പോലും പറഞ്ഞിട്ടില്ലേ.. "
.
"അതൊക്കെ ശെരിയാ. പക്ഷെ പ്രേമത്തിന് കണ്ണും മൂക്കും ഇല്ലാന്നല്ലേ പറയാറ്. ഇവർക്ക് പരസ്പരം ഇഷ്ടായിക്കാണും."
.
"എടാ ഇത് പ്രേമോം മണ്ണാങ്കട്ടയും ഒന്നുമല്ല. പെണ്ണിന്റെ അച്ഛന് നല്ല പൂത്ത കാശു കാണും. കാശിൽ പൊതിഞ്ഞ് കൊടുത്താൽ കരിക്കട്ടയെയും കൽക്കണ്ടം എന്ന് പറയുന്നവരുടെ നാടാ നമ്മുടേത്. കാശു കണ്ടപ്പോ പിന്നെ ചെക്കൻ പെണ്ണിനെ നോക്കി കാണത്തില്ല."
.
"ചുമ്മാ അടിച്ചു വിടാതെ ഡേയ്.. ഇത് അങ്ങനൊന്നുമല്ല ന്നാ എനിക്ക് തോന്നുന്നേ. 
നിന്റെ സ്വഭാവത്തിന് ഒരു മാറ്റോം ഇല്ലല്ലോ. പഠിക്കണ കാലത്തേത് പോലെ തന്നെ "
.
"ഉവ്വുവ്വ് .."
.
"അല്ല ചോദിയ്ക്കാൻ വിട്ടു. നീയെന്താ കോഴിക്കോട്ടെക്??"
.
"ഓഹ്. അതോ. എനിയ്ക്കൊന്നു വക്കീലിനെ കാണണം. കോടതിയിൽ നാളെ ഒരു കേസ് ഉണ്ട്."
.
"എന്ത് പറ്റി?? സ്വത്ത് തർക്കം വല്ലതുമാണോ?"
.
"ഏയ്.. സ്വത്ത് തർക്കമല്ല.. വേറൊരു തർക്കം. ഞാനും അനിതയും തമ്മിൽ. രണ്ടാൾക്കും ഇനി ചേർന്ന് പോകാൻ കഴിയില്ല എന്ന് മനസ്സിലായി. 
അതുകൊണ്ട് ഞങ്ങൾ വേർപിരിയാൻ തീരുമാനിച്ചു!
.
.
ആഹ്.. സ്റ്റോപ്പ് എത്താറായല്ലോ. ഞാൻ ഇറങ്ങട്ടെ."
.
അയാളോട് എന്തൊക്കെയോ പറയണം എന്നുണ്ടായിരുന്നെങ്കിലും ഒന്നും പറയാൻ കഴിയാതെ രാജീവ് അയാൾ ഇറങ്ങുന്നതും നോക്കിയിരുന്നു.

കട്ടപ്പനയിലെ ഋത്വിക് റോഷൻ - സിനിമാ നിരൂപണം


കട്ടപ്പനയിലെ പൊട്ടിച്ചിരി....
-------------------------------------------------
മലയാള ടെലിവിഷൻ രംഗത് ഇന്ന് ഹാസ്യ പരമ്പരകളുടെ കുത്തൊഴുക്കാണ്. മിക്ക ചാനലുകളിലും അനുകരണവും ആക്ഷേപ ഹാസ്യവുമായി കോമഡി പരിപാടികൾ അരങ്ങ് തകർക്കുന്നു. മലയാളത്തിൽ ചാനലുകളുടെ ബാഹുല്യം ഇത്രയും വർദ്ധിക്കുന്നതിനും മുൻപ് ഹാസ്യ പരിപാടികൾക്ക് ഇത്രയും പ്രാധാന്യം ലഭിക്കുന്നതിനും മുൻപ് പാരഡി കാസറ്റുകളിലൂടെയും സ്റ്റേജ് ഷോകളിലൂടെയും മലയാളികളെ നല്ല നർമത്തിലൂടെ ചിരിപ്പിച് നമ്മുടെ മനസ്സിൽ സ്ഥാനം നേടിയ കലാകാരനാണ് നാദിർഷ. അദ്ദേഹം സംവിധാനം ചെയ്ത രണ്ടാമത്തെ ചിത്രമാണ് കട്ടപ്പനയിലെ ഋത്വിക് റോഷൻ. ആദ്യ ചിത്രമായ അമർ അക്ബർ അന്തോണിയിൽ എന്ന പോലെ തന്നെ ഈ ചിത്രവും ഹാസ്യത്തിൽ പൊതിഞ്ഞെടുത്താണ് സംവിധായകൻ നമുക്ക് മുൻപിലേക്ക് വച്ച് നീട്ടുന്നത്. ഒരു വ്യത്യാസം ഉള്ളത് ആദ്യ സിനിമയിൽ എന്നത് പോലെ മിന്നി തിളങ്ങുന്ന താര ബാഹുല്യം ഇതിൽ ഇല്ല എന്നതാണ്.
സിനിമ ആത്യന്തികമായി ഒരു ബിസിനസ് ആണ്. അതിനാൽ തന്നെ ഏറ്റവും സേഫ് സോണിൽ ലാഭം ലക്‌ഷ്യം വച്ചായിരിക്കും സിനിമ തിരഞ്ഞെടുക്കുന്നതും അവതരിപ്പിക്കുന്നതും. നാദിർഷയെ പോലെ ഒരു സംവിധായകന് നായക കഥാപാത്രം അവതരിപ്പിക്കാൻ അറിയപ്പെടുന്ന ഒരു താരത്തെ ലഭിക്കാനും ബുദ്ധിമുട്ട് ഉണ്ടാകില്ല. എന്നിട്ടും സ്വന്തം കഴിവിലും തിരക്കഥയിലും വിശ്വസിച് ക്ളീഷേ നായക സങ്കൽപ്പങ്ങൾക്ക് മാറ്റം വരുത്തും വിധം ഒരു പുതുമുഖ നടനെ നായകനാക്കിയ സംവിധായകനെയും അത് അംഗീകരിച് ചിത്രം നിർമിക്കാൻ മനസ്സ് കാണിച്ച ദിലീപ് എന്ന നിർമാതാവിനെയും ആദ്യമേ അഭിനന്ദിക്കേണ്ടിയിരിക്കുന്നു,
നമ്മൾ കാലങ്ങളായി കണ്ടു ശീലിച്ച നായക സവിശേഷതകൾ ഇല്ലാത്ത ഒരാൾ നായക നടാനാകാനായി പരിശ്രമിക്കുന്നതും അതിനിടയിൽ അയാളുടെ ജീവിതത്തിൽ നടക്കുന്ന സംഭവ വികാസങ്ങളുമാണ് ചിത്രത്തിന്റെ ഇതിവൃത്തം. ചിത്രത്തിന്റെ പേര് കൊണ്ട് തന്നെ ചിത്രത്തിന്റെ സ്വഭാവ സവിശേഷത എന്താണെന്നു സംവിധായകൻ വ്യക്തമാക്കി തരുന്നുണ്ട്. ഒരു കഥക്കുള്ളിൽ മറ്റൊരു കഥ നടക്കുന്ന രീതിയിലാണ് ചിത്രം അവതരിപ്പിച്ചിരിക്കുന്നത്. പ്രേക്ഷകനെ ഏറ്റവും എളുപ്പം ചിത്രത്തിലേക്ക് കൈ പിടിച്ചു കയറ്റുന്നതിൽ സംവിധായകനും, തിരക്കഥാകൃത്തുക്കളായ വിഷ്ണു ഉണ്ണികൃഷ്ണനും ബിബിനും പൂർണമായും വിജയിച്ചില്ല. തുടക്കത്തിലെ കഥയിൽ നിന്നും കേന്ദ്ര കഥയിലേക്കുള്ള മാറ്റം, അതിൽ തുടക്കത്തിൽ തന്നെ ഒരു ഫ്ലാഷ് ബാക്ക്, ഫ്ലാഷ് ബാക്കിനുള്ളിൽ ഒരു ഫ്ലാഷ് ബാക്ക് എന്നിവയായി ഒരല്പം മുഷിപ്പിച് കൊണ്ടാണ് തുടക്കം. പക്ഷെ അതിനു ശേഷം ചിരിക്കാനുള്ള അവസരങ്ങൾ ഏറെ ഒരുക്കി ചിത്രം പ്രേക്ഷകനെ ഒപ്പം കൂട്ടുകയാണ് .
ഹാസ്യം തന്നെയാണ് ചിത്രത്തിന്റെ ജീവനാഡി. ഹാസ്യത്തിനൊപ്പം പ്രണയം, സസ്പെൻസ്, സെന്റിമെന്റ്സ് തുടങ്ങിയ ജനപ്രിയ ചേരുവകളും കഥയിൽ ആവശ്യാനുസരണം ലയിപ്പിച്ചു ചേർത്തിരിക്കുന്നു. മലയാളിക്ക് ചിരിക്കാൻ ദ്വയാർത്ഥ പ്രയോഗങ്ങൾ വേണം എന്ന സിബി-ഉദയകൃഷ്ണയെ പോലുള്ള തിരക്കഥാകൃത്തുക്കളുടെ ആശയം വിഷ്ണുവും ബിബിനും തിരക്കഥയിൽ ഒരിടത്തും പ്രയോഗിച്ചില്ല എന്നത് ആശ്വാസകരവും അഭിനന്ദനീയവുമാണ്. കഥക്ക് അനുയോജ്യമായ സന്ദർഭങ്ങളിലൂടെയും കഥാപാത്രങ്ങളുടെ ഭാവങ്ങളിലൂടെയും സംഭാഷണ പ്രയോഗങ്ങളിലൂടെയും ചില ബാക് ഗ്രൗണ്ട് മ്യൂസിക്കുകളിലൂടെയും പ്രേക്ഷകരിൽ ചിരി ഉണർത്താൻ സംവിധായകനും തിരക്കഥകൃത്തുക്കൾക്കും കഴിഞ്ഞു.
കുറച്ചു നാളത്തെ ഇടവേളക്ക് ശേഷം സലിം കുമാറിന്റെ തിരിച്ചു വരവ് കൂടെയായിരുന്നു ഈ ചിത്രം. ജോലി ചെയ്യാതിരിക്കുന്നതിന്റെ കരണമെന്തെന്നതിനു കൂട്ടുകാരന് കൊടുക്കുന്ന മറുപടിയിലൊക്കെ അദ്ദേഹത്തിലെ പഴയ നടനെ കാണാമായിരുന്നു.. പക്ഷെ പൂർണമായും പഴയ പ്രതിഭയിലേക്ക് അദ്ദേഹം ഉയരാതിരുന്നപ്പോൾ ധർമജൻ എന്ന നടൻ തന്റെ മിന്നുന്ന പ്രകടനത്തിലൂടെ ഉയർന്നു വരുന്ന കാഴ്ചയും ഈ ചിത്രം സമ്മാനിച്ചു. പഞ്ചാബി ഹൌസിലെ ഹരിശ്രീ അശോകൻ, മായാവിയിലെ സലിം കുമാർ എന്നിവരെ പോലെ ഹാസ്യം കൊണ്ട് നായക നടനെ കവച്ചു വെക്കുന്ന പ്രകടനമായിരുന്നു ധർമജന്റെത്. തുടക്കത്തിലെ പരീക്ഷ എഴുതുന്ന രംഗം, ഹോട്ടെലിൽ നിന്നും പഴം പൊരി കഴിക്കുന്ന രംഗം എന്നിവ പ്രേക്ഷകരുടെ കയ്യടികൾ വാരിക്കൂട്ടി. ഹാസ്യത്തിനൊപ്പം സെന്റിമെന്റ്സ് രംഗങ്ങളും തനിക്ക് ഭംഗിയാക്കാൻ കഴിയും എന്ന് അവസാന രംഗങ്ങളിലെ പ്രകടനങ്ങളിലൂടെ ധർമജൻ തെളിയിച്ചു.
നായകനായ കിച്ചുവിനെ അവതരിപ്പിച്ചത് തിരക്കഥാകൃത്തുക്കളിൽ ഒരാളായ വിഷ്ണു ഉണ്ണിക്കൃഷ്ണനായിരുന്നു.എന്റെ വീട് അപ്പൂന്റേം എന്ന ചിത്രത്തിലൂടെ ബാലതാരമായി സിനിമയിൽ അരങ്ങേറ്റം കുറിച്ച വിഷ്ണു നായക നടാനായി ഈ ചിത്രത്തിൽ തൃപ്തികരമായ പ്രകടനം കാഴ്ചവെച്ചു. ഇടക്കെപ്പോഴോ സംഭാഷണ ശൈലി മണിച്ചേട്ടന്റെ സംഭാഷണ ശൈലിയുമായി സാമ്യം പുലർത്തുന്നതായി തോന്നി. പക്വതയാർന്ന പ്രകടനത്തിലൂടെ സിജു വിൽസണും തന്റെ സ്വതസിദ്ധമായ ശൈലിയിലൂടെ സിദ്ധിക്കും ശ്രദ്ധ നേടി. 2 നായികമാർ ഉണ്ടായിരുന്ന ചിത്രത്തിൽ അഭിനയത്തിലെ മിതത്വം കൊണ്ട് കനി എന്ന കഥാപാത്രം അവതരിപ്പിച്ച ലിജോമോൾ പ്രേക്ഷകന്റെ ഇഷ്ടം പിടിച്ചു പറ്റി. മേക് അപ്പിന്റെ അതിപ്രസരം പ്രയാഗ മാർട്ടിൻ അവതരിപ്പിച്ച ആന്മരിയ എന്ന കഥാപാത്രത്തിന്റെ മാറ്റ് ഒരല്പം കുറച്ചു.
ഇടുക്കി ലൊക്കേഷൻ ആകുന്ന മിക്ക ചിത്രങ്ങളും നയനാനന്ദകരമായ പ്രകൃതി രംഗങ്ങളാൽ സമ്പന്നമാകാറുണ്ട്. പ്രകൃതി തന്നെ പലപ്പോഴും ഒരു കഥാപാത്രമായി മാറാറുണ്ട് . പക്ഷെ ഈ ചിത്രത്തിൽ ചുരുക്കം ചില രംഗങ്ങൾ ഒഴിച്ചാൽ പ്രകൃതി ഭംഗിയെ പൂർണമായും ഉപയോഗപ്പെടുത്താൻ ക്യാമറാമാൻ ഷാംദത്തിനോ സംവിധായകൻ നാദിർഷക്കോ സാധിച്ചിട്ടില്ല. നാദിർഷായുടെ ഗാനങ്ങളും ബിജിപാലിന്റെ പശ്ചാത്തല സംഗീതവും ആണ് വേറൊരു പോരായ്മ. ആദ്യ ഗാനം മാത്രമേ അല്പമെങ്കിലും കേൾക്കാൻ സുഖം നൽകുന്നുള്ളൂ . പ്രണയ രംഗങ്ങളും പ്രണയ ഗാനവും കൂടുതൽ മെച്ചപ്പെടുത്താമായിരുന്നു എന്ന് തോന്നി. സെന്റിമെൻറ് രംഗങ്ങളിലെ പശ്ചാത്തല സംഗീതം പഴയ നാടകങ്ങളെ അനുസ്മരിപ്പിച്ചു. മലയാള സിനിമയിലെ ചില ക്ളീഷേ രംഗങ്ങളെ ചിത്രത്തിൽ ഒരിടത് വിമർശിക്കുന്നെങ്കിലും നായകന്റെ വാൽ ആയ ഒരു കഥാപാത്രം, സെന്റിമെൻറ് രംഗങ്ങളിൽ കൂട്ടായെത്തുന്ന മഴ തുടങ്ങിയ ക്ളീഷേകൾ ഈ ചിത്രത്തിലും ആവർത്തിക്കപ്പെടുന്നു. അമർ അക്ബർ ആന്റണിയിലെ "പങ്കാളി" എന്ന പ്രയോഗം പോലെ ഈ ചിത്രത്തിലെ "സഹോ" എന്ന പ്രയോഗവും പുതുമയുള്ളതും സൗഹൃദത്തെ അടയാളപ്പെടുത്തുന്നതുമായിരുന്നു
തുടങ്ങിയ സ്ഥലത്തു നിന്നും വഴി മാറിയാണ് സഞ്ചരിക്കുന്നതെങ്കിലും ഒടുക്കം അവിടേക്ക് തന്നെ തിരിച്ചെത്തി കഥ അവസാനിപ്പിക്കുമ്പോൾ പ്രേക്ഷകന്റെ മനസ്സിൽ ചിത്രത്തിന് ഒരു പൂർണത ലഭിക്കുന്നുണ്ട്. ചില മേഖലകളിൽ ചിത്രത്തിന് പോരായ്മയുണ്ടെങ്കിലും കൃത്യമായ സന്ദർഭങ്ങളിൽ വരുന്ന ഹാസ്യം ആ പോരായ്മകളെ മറികടക്കാൻ സഹായിക്കുന്നുണ്ട്. ചില്ലറ ക്ഷാമം മൂലം മനസ്സ് മടുത്ത സാധാരണ പ്രേക്ഷകന് രണ്ടേ മുക്കാൽ മണിക്കൂർ എല്ലാം മറന്നു മനസ്സറിഞ്ഞു ചിരിക്കാനുള്ള അവസരമാണ് കട്ടപ്പനയിലെ ഋത്വിക് റോഷൻ നൽകുന്നതെന്ന് വീതശങ്കം പറയാം. അതിനാൽ തന്നെ ചിരിക്കാൻ ഇഷ്ടപ്പെടുന്ന നമുക്കെല്ലാവർക്കും ധൈര്യമായി ഒരു നോക്ക് കാണാവുന്നതാണ് ഈ കട്ടപ്പനയിലെ ഋത്വിക് റോഷനെ.

By: Rahul raj

ആനന്ദത്തിന്റെ ഉറവിടം തേടി


ഇന്ന് മലയാള സിനിമ ലോകത്ത് വിനീത് ശ്രീനിവാസൻ എന്ന് പറഞ്ഞാൽ ഒരു മിനിമം ഗ്യാരണ്ടി ആണ്. അദ്ദേഹം ഭാഗമാകുന്ന സിനിമകളിൽ മനസിന് സംതൃപ്തി പകരുന്ന എന്തെങ്കിലുമൊക്കെ കാണും എന്ന് പ്രേക്ഷകരും വിശ്വസിക്കുന്നുണ്ട് . ഗായകനായും നടനായും സംവിധായകനായും കഴിവ് തെളിയിച്ചിട്ടുള്ള അദ്ദേഹം മലയാള സിനിമക്ക് നൽകിയ മികച്ച സംഭാവന എന്തെന്ന് ചോദിച്ചാൽ തന്റെ കൂടെയുള്ള കഴിവുള്ള ഒരു പറ്റം ചെറുപ്പക്കാരെ മലയാള സിനിമയിലേക്ക് കൈ പിടിച്ചു കൊണ്ട് വന്നു എന്നതാണ്. ബേസിൽ ജോസഫ്, ജൂഡ് ആന്തണി, അജു വർഗീസ് പുതു തലമുറയിലെ ശ്രദ്ധേയ നടൻ നിവിൻ തുടങ്ങിയവരെല്ലാം തന്നെ വിനീതിന്റെ കളരിയിൽ അഭ്യസിച്ചിറങ്ങിയവർ ആയിരുന്നു. ഈ തവണ ആനന്ദം എന്ന ചിത്രത്തിലൂടെ ആദ്യമായി ഒരു നിർമാതാവിന്റെ റോളിൽ ഒരു പറ്റം പുതുമുഖങ്ങളുമായി വിനീത് എത്തുകയാണ്.
തട്ടത്തിൻ മറയത്ത്, തിര, ബാംഗ്ലൂർ ഡെയ്‌സ്, ജേക്കബിന്റെ സ്വർഗ്ഗരാജ്യം എന്നീ ചിത്രങ്ങളിൽ അസിസ്റ്റന്റ് ഡയറക്ടർ ആയി പ്രവർത്തിച്ച ഗണേഷ് രാജ് ആദ്യമായി സംവിധാനം ചെയ്യുന്ന ചിത്രമാണ് ആനന്ദം. ഏതൊരു ചിത്രത്തിനും മുഖ്യാകർഷണമാണ് അതിന്റെ പേര്. തന്റെ ആദ്യ ചിത്രത്തിന് ഏറ്റവും ആകർഷണീയവും കേൾക്കുമ്പോൾ വളരെ പോസിറ്റീവ് ആയി അനുഭവപ്പെടുകയും ചെയ്യുന്നൊരു പേരാണ് സംവിധായകൻ നൽകിയിട്ടുള്ളത്. ജീവിതത്തിലെ ഏറ്റവും ആനന്ദം നിറഞ്ഞ കാലം ഏതായിരുന്നെന്നു ചോദിച്ചാൽ മിക്കവരുടെയും മറുപടി കോളേജ് ഡേയ്സ് എന്നായിരിക്കും. ഒരു പറ്റം എൻജിനിയറിങ് വിദ്യാർത്ഥികളുടെ കോളേജ് ജീവിതത്തിന്റെ ചെറുതും എന്നാൽ ഏറ്റവും ആനന്ദ ദായകവുമായ ഭാഗത്തിന്റെ വരച്ചു കാട്ടലാണ് ഈ ചിത്രം .
ഒരു എൻജിനിയറിങ് കോളേജിജിലെ ഒന്നാം വർഷ വിദ്യാർത്‌ഥികൾ ഗോവയിലേക്കും ഹംപിയിലേക്കുമായി നടത്തുന്ന ഒരു വിനോദയാത്ര.ടെക്നിക്കൽ ആയി പറയുകയാണെങ്കിൽ I . V അഥവാ ഇൻഡസ്ട്രിയൽ വിസിറ്റ്. അതിനിടയിൽ അവരെ തേടിയെത്തുന്ന ചില ആനന്ദ ദായകമായ നിമിഷങ്ങളെ പ്രേക്ഷകരിലേക്ക് എത്തിക്കുകയാണ് സംവിധായകൻ. ഒരു ഗസ്റ് റോൾ സൗസ്പെൻസ്‌ ഒഴിച്ചാൽ പറയത്തക്ക സസ്പെൻസുകളോ ഞെട്ടിക്കുന്ന ട്വിസ്റ്റുകളോ ആകാംക്ഷയുടെ മുൾമുനയിൽ നിർത്തുന്ന സന്ദർഭങ്ങളോ ഇല്ലാത്ത വളരെ ലളിതമായ ഒരു കഥ. ഇത്രയും ലളിതമായ ഒരു കഥയെ പ്രേക്ഷകന് മടുപ്പിക്കാത്ത രീതിയിൽ അവതരിപ്പിച്ചു എന്നിടത്താണ് സംവിധായകനും തിരക്കഥാകൃത്തുമായ ഗണേഷ് രാജ് വിജയിച്ചിരിക്കുന്നത് .
മുഖ്യ കഥാപാത്രങ്ങളുടെ സ്വഭാവ സവിശേഷതകൾ ചിത്രത്തിന്റെ തുടക്കത്തിൽ തന്നെ അനുയോജ്യമായ സന്ദർഭങ്ങളിലൂടെ അവതരിപ്പിക്കുന്നുണ്ട് .ഓരോ കഥാപാത്രത്തെ പറ്റിയും തുടക്കത്തിൽ തന്നെ പ്രേക്ഷക മനസ്സിൽ വ്യക്തമായ ഒരു ചിത്രം ലഭിക്കാൻ ഇത് സഹായിക്കുന്നു. ഒരു വിനോദയാത്രയിൽ സംഭവിക്കാവുന്ന ഹാസ്യം, സൗഹൃദം, പ്രണയം എന്നിവയെല്ലാം ശരിയായ അളവിൽ ചിത്രത്തിലേക്ക് ചേർക്കാൻ എഴുത്തുകാരൻ ശ്രമിച്ചിട്ടുണ്ടെന്നതിനാൽ തന്നെ ആനന്ദത്തിന്റെ നിമിഷങ്ങളോരോന്നും നന്നായി ആസ്വദിക്കാൻ പ്രേക്ഷകന് കഴിയുന്നു.
മുഖ്യ കഥാപാത്രങ്ങളെയെല്ലാം അവതരിപ്പിച്ചിരിക്കുന്നത് പുതുമുഖങ്ങളാണ്. കൂട്ടത്തിൽ മികച്ചു നിന്നത് കുപ്പി എന്ന കഥാപാത്രത്തെ അവതരിപ്പിച്ച വിശാഖ് ആണ്. ബാക്കിയുള്ളവരെല്ലാം പുതുമുഖം എന്ന ലേബൽ പറിച്ചെറിയാൻ വിമുഖത കാണിക്കുന്നതായി അനുഭവപ്പെട്ടപ്പോഴും അവസാന ചില രംഗങ്ങളിലെ പ്രകടനങ്ങൾ ഒഴിച്ചാൽ കുപ്പി ചിത്രത്തിൽ നല്ല പ്രകടനവുമായി നിറഞ്ഞു നിന്നു. ഇടക്കെപ്പോഴോ അത് താൻ അല്ലയോ ഇതെന്ന ആശങ്ക തോന്നിയെങ്കിലും പ്രൊഫസ്സർ ചാക്കോയും ഒപ്പം ലവ്‌ലി മിസ്സും പ്രേക്ഷകനെ ചിരിപ്പിച്ചു
.
ന്യൂ ജനറേഷൻ ക്യാമറ പ്രേമികൾക്ക് ഏറെ സുപരിചിതമായ പേരാണ് ആനന്ദ് സി ചന്ദ്രൻ. പ്രേമം എന്ന ചിത്രത്തിന്റെ ക്യാമറാമാൻ എന്നതിനേക്കാൾ ഇദ്ദേഹത്തിന്റെ കഴിവിന് വേറെ വിശേഷണങ്ങൾ വേണം എന്ന് തോന്നുന്നില്ല. ഒരു യാത്രയുടെ കഥ പറയുന്ന ചിത്രത്തിന് ക്യാമറ എത്രത്തോളം പ്രാധാന്യമേറിയതാണെന്നു പറയേണ്ടതില്ലല്ലോ.. ഗോവയുടെയും ഹംപിയുടെയും മനോഹാരിതയും പ്രണയത്തിന്റെയും സൗഹൃദത്തിന്റെയും സൗന്ദര്യവും പകർത്തിയ ആനന്ദിന്റെ ഫ്രയിമുകൾ പ്രേക്ഷകനെ ആനന്ദിപ്പിക്കുവാൻ കഴിവുള്ളവ തന്നെയായിരുന്നു,
ചിത്രം ഇറങ്ങുന്നതിനു ഏകദേശം ഒരു മാസം മുൻപ് തന്നെ പുറത്തിറങ്ങിയ ഗാനങ്ങൾ പ്രേക്ഷകനെ ചിത്രത്തിലേക്ക് കൂടുതൽ അടുപ്പിച്ചു. പുതു തലമുറ ഗായകരിൽ ശ്രദ്ധേയനായ സച്ചിൻ വാര്യർ ആദ്യമായി സംഗീതം നിർവഹിക്കുന്നു എന്ന പ്രത്യേകതയും ചിത്രത്തിനുണ്ടായിരുന്നു . വിനീത് ശ്രീനിവാസൻ രചിച് വിശാഖ് നായർ, സുചിത്, അശ്വിൻ ,സച്ചിൻ എന്നിവർ ആലപിച്ച ദൂരെയൊ എന്ന ഗാനം ഒരു യാത്രയുടെ വികാരം പ്രേക്ഷകനിൽ ജനിപ്പിക്കാൻ കഴിവുള്ളതായിരുന്നു. പ്രണയ ഗാനമായ സച്ചിൻ വാര്യർ ആലപിച്ച നിലാവിൽ എല്ലാമേ എന്ന് തുടങ്ങുന്ന ഗാനവും ഹൃദ്യമായിരുന്നു. ഗാന രംഗങ്ങളെ ഏറ്റവും മനോഹരമായാണ് ക്യാമറ ഒപ്പിയെടുത്തിരിക്കുന്നത്
ചിത്രത്തിന്റെ ട്രെയിലറുകളും പാട്ടുകളും ഇത് ഏത് തരം പ്രേക്ഷകരെയാണ് ലക്ഷ്യമിടുന്നതെന്ന വ്യക്തമായ സൂചന നൽകിയിരുന്നു ഒരു പക്ഷെ ചിത്രം അവരിലേക്ക് മാത്രം ഒതുങ്ങിയേക്കും എന്ന സംവിധായകന്റെ ചിന്തയാവാം ഗസ്റ് റോൾ എന്ന അനാവശ്യ തീരുമാനത്തിലേക്ക് കൊണ്ടെത്തിച്ചത്. അത്രയൊന്നും പ്രാധാന്യമില്ലായിരുന്ന ഒരു റോൾ ഒരു സസ്പെൻസ് ആയി അവതരിപ്പിച്ചതിലൂടെ ആ നടന്റെ പ്രേക്ഷക സ്വീകാര്യത കൂടെ ഈ ചിത്രത്തിന് അനുകൂലമാക്കുക എന്നതാകണം ലക്ഷ്യമാക്കിയത്.
നായികാ നായകൻ കോമ്പിനേഷൻ രംഗങ്ങളിൽ ഇടക്ക് ഒരല്പം കല്ല് കടി അനുഭവപ്പെടുന്നുണ്ടായിരുന്നു. പ്രകടനത്തിൽ നയകനെക്കാൾ മികച്ചു നിന്നത് നായിക തന്നെ. സജിയുടെ വസ്‌ത്രാലങ്കാരം കഥാപാത്രങ്ങളെ അടയാളപ്പെടുത്തുന്നതിൽ നടീ നടന്മാരെ വളരെ സഹായിച്ചിട്ടുണ്ട്.
എല്ലാ ക്യാംപസ് ചിത്രങ്ങളിലും എന്ന പോലെ പ്രണയത്തിലും സൗഹൃദങ്ങളിലും ചുറ്റിത്തിരിഞ് തന്നെയാണ് ചിത്രം വികസിക്കുന്നതെങ്കിലും അതിനു പശ്ചാത്തലം ആകുന്നത് ഒരു കോളേജ് ക്യാംപസ് അല്ല എന്ന പുതുമ ഈ ചിത്രത്തിനുണ്ട്. പിന്നെ പറയേണ്ടുന്ന ഒരു കാര്യം ചിത്രം യാഥാർത്ഥ്യത്തിൽ നിന്നും ഉയർന്നു കയ്യിൽ നിറയെ പണവും കഴിവും ഉള്ള ചെറിയൊരു വിഭാഗത്തിന്റെ വർണശബളമായ ജീവിതത്തിലേക്ക് മാത്രം ശ്രദ്ധ കേന്ദ്രീകരിച്ചിരിക്കുന്നു എന്നതാണ്. അതായത് ചിത്രം കണ്ട് എൻജിനിയറിങ് ജീവിതം ഇങ്ങനെയാണെന്നു ധരിച് കോളേജിലേക്ക് പോയാൽ നിരാശയവും ഫലം.!!
ഒരു ചിത്രം പൂർണമായും ആസ്വദിക്കുന്നതിൽ ചിത്രം കാണുന്ന തിയ്യേറ്ററും സ്വാധീനം ചെലുത്തുന്നുണ്ട് എന്ന് വിശ്വസിക്കുന്നു. വടകരയിലെ CNC film house ഇൽ നിന്നാണ് ഈ ചിത്രം കണ്ടത്. തിയ്യേറ്ററിലെ നല്ല ദൃശ്യ ശ്രവ്യ സംവിധാനവും അന്തരീക്ഷവും സിനിമയെ പൂർണമായും ആസ്വദിക്കാൻ സഹായിച്ചു. നിത്യാനന്ദമോ പരമാനന്ദമോ സമ്മാനിക്കുന്ന ഒരു സിനിമാനുഭവമല്ല 'ആനന്ദം'. എങ്കിലും രണ്ടു മണിക്കൂർ പ്രേക്ഷകന്റെ മനസ്സിനെ പൂർണമായും ആനന്ദിപ്പിക്കുന്ന ഒരു ദൃശ്യവിരുന്നു തന്നെയാണ് ആനന്ദം. തുടക്കത്തിന്റെ ചില പോരായ്മകൾ ഉണ്ടെങ്കിലും നമ്മുടെ പ്രോത്സാഹനം ലഭിക്കുകയാണെങ്കിൽ ഭാവിയിൽ മലയാളത്തിലേക്ക് മികച്ച ചിത്രങ്ങൾ സംഭാവന ചെയ്യാൻ ഇവർക്ക് കഴിയും എന്നത് നിസ്സംശയം പറയാം. അതിനാൽ തന്നെ ഇപ്പോഴും തിയേറ്ററിൽ പ്രദർശനം തുടരുന്ന ഈ ചിത്രം കാണാൻ ശ്രമിക്കുക. മനസ്സിൽ ആനന്ദം നിറയട്ടെ. ...

By: Rahul

ഗപ്പി ഒരു ചെറിയ സിനിമയല്ല..


2016 മലയാള സിനിമയെ സംബന്ധിച്ച് ഒരു നല്ല വര്‍ഷമാണ്. പ്രേക്ഷക പ്രീതിയും നിരൂപക പ്രശംസയും സമ്പാദിച്ച, പുതുമയുള്ള പരീക്ഷണങ്ങള്‍ നിറഞ്ഞ ഒരുപിടി നല്ല ചിത്രങ്ങള്‍ ഇറങ്ങിയ വര്‍ഷം. ആ ശ്രേണിയില്‍ ഏറ്റവും ഒടുവിലായി ഇറങ്ങിയ ചിത്രമാണ് ട്രാഫിക്, ചാപ്പ കുരിശ്, നീലാകാശം പച്ചക്കടല്‍ ചുവന്ന ഭൂമി എന്നീ സിനിമകളില്‍ അസിസ്റ്റന്‍റ് ഡയറക്ടറായി പ്രവര്‍ത്തിച്ച ജോണ്‍ പോളിന്റെ പ്രഥമ സംവിധാന സംരംഭമായ ഗപ്പി. .
.
ചിത്രത്തിന്റെ പേര് മുതല്‍ തന്നെ പുതുമയും വ്യത്യസ്തതയും തുടങ്ങുന്നു. ഒരു കടലോര ഗ്രാമത്തില്‍ റെയില്‍വേ മേല്‍പ്പാലം പണിയാനായി വരുന്ന എഞ്ചിനിയര്‍ ഗ്രാമവാസികളില്‍ ചിലരുടെ ജീവിതത്തിലേക്ക് ഇടപെടുമ്പോള്‍ ഉണ്ടാകുന്ന സംഭവങ്ങളിലൂടെയാണ് കഥ വികസിക്കുന്നത്. സാധാരണയായി ഗ്രാമങ്ങള്‍ക്കും അവിടുത്തെ ജനങ്ങള്‍ക്കും ഉള്ള നാല് പ്രത്യേകതകളായ ഗ്രാമീണ ഭംഗി, സ്നേഹം, നന്മ, നിഷ്കളങ്കത എന്നിവയെയാണ് പല ബിംബങ്ങളായി ചിത്രത്തിലുടനീളം കാണാന്‍ സാധിക്കുന്നത്. ഇവയെ ഏറ്റവും മനോഹരമായി ചിത്രത്തിലേക്ക് ചാലിച്ച് ചേര്‍ത്തിരിക്കുന്നു എന്നതില്‍ എഴുത്തുകാരന്‍ എന്ന നിലയിലും സംവിധായകന്‍ എന്ന നിലയിലും ജോണ്‍ പോള്‍ പൂര്‍ണമായും വിജയിച്ചിരിക്കുന്നു.സമര്‍ത്ഥമായാണ് ജോണ്‍ പോള്‍ തിരക്കഥ കൈകാര്യം ചെയ്തിരിക്കുന്നത്. സിനിമയുടെ കഥാഗതിയില്‍ കൃത്യമായ സ്വധീനം ചെലുത്തും വിധം ഓരോ കഥാപാത്രങ്ങളെയും രൂപപ്പെടുത്തി എടുത്തിരിക്കുന്നു. കഥാപാത്രങ്ങള്‍ തമ്മിലുള്ള ബന്ധങ്ങളുടെ വൈകാരികതയെ കൃത്രിമത്വം ഏതും ഇല്ലാതെ അവതരിപ്പിച്ചിട്ടുമുണ്ട്. അമ്മയും മകനും തമ്മിലുള്ള ബന്ധത്തിന്റെ തീവ്രത ചിത്രത്തിന്റെ തുടക്കത്തിലും പിന്നീട് പല സന്ദര്‍ഭങ്ങളിലുമായി പ്രേക്ഷകന്‍ പോലും അറിയാതെ പ്രേക്ഷകന്റെ മനസിലേക്ക് ആഴത്തില്‍ പതിപ്പിക്കുന്നതിനാലാണ് ചിത്രത്തിന്റെ അവസാനം പ്രേക്ഷകന് നൊമ്പരത്താല്‍ കണ്ണു നിറയുന്നത്.. കഥാപാത്രങ്ങളെ അതിന്റെ പൂര്‍ണതയില്‍ എത്തിക്കും വിധമാണ് സ്റ്റെഫി സേവിയര്‍ വസ്ത്രാലങ്കാരം നിര്‍വഹിച്ചിരിക്കുന്നത്. .
ഗ്രാമ ഭംഗിയും കഥാപാത്രങ്ങളുടെ ഭാവങ്ങളും പ്രേക്ഷകന്റെ കണ്ണിന് ഇമ്പമേറും വിധം ക്യാമറയില്‍ പകര്‍ത്തിയിരിക്കുന്നത് ഗിരീഷ് ഗംഗാധരന്‍ ആണ്. നീലാകാശം പച്ചക്കടല്‍ ചുവന്ന ഭൂമി, കലി എന്നിവയിലൂടെ ഇതിനോടകം തന്നെ ഗിരീഷ് തന്റെ പ്രതിഭയെ അടയാളപ്പെടുത്തിയിട്ടുണ്ട്. 
.
സിനിമയുടെ മാറ്റ് കൂട്ടുന്നതില്‍ കാസ്റ്റിങ് ഒരു പ്രധാന പങ്ക് വഹിച്ചിട്ടുണ്ട്. അഭിനേതാക്കള്‍ എല്ലാം തന്നെ കഥാപാത്രങ്ങളില്‍ അവരുടേതായ അടയാളപ്പെടുത്തലുകള്‍ നടത്തി. ചെറിയ കഥാപാത്രമായ ടോവിനോയുടെ വീട്ടിലെ വേലക്കാരനും ഹോസ്പിറ്റലിലെ നേഴ്സും പോലും കൃത്യമായ അടയാളപ്പെടുത്തലുകള്‍ നടത്തുന്നുണ്ട്. ഗപ്പി എന്ന കഥാപാത്രത്തെ അവതരിപ്പിച്ച ചേതന്‍ ലാലിന്റെ പ്രകടനം എടുത്തു പറയേണ്ടിയിരിക്കുന്നു. സാധാരണയായി സിനിമകളില്‍ മുതിര്‍ന്ന താരങ്ങളുടെ അഭിനയത്തിനിടയില്‍ പകച്ചു പോകുന്ന ബാല്യങ്ങളാകുന്ന ബാലതാരങ്ങളെയാണ് നമ്മള്‍ കാണാറ്. എന്നാല്‍ ഇവിടെ ചേതന്‍ ലാല്‍ ശ്രീനിവാസനും ടോവിനോയും പോലുള്ള താരങ്ങളോടൊപ്പം മല്‍സരിച്ച് അഭിനയിക്കുകയായിരുന്നു. പല സന്ദര്‍ഭങ്ങളിലും പക്വതയാര്‍ന്ന പ്രകടനമായിരുന്നു ചേതന്‍റേത്. പ്രത്യേകിച് അവസാനത്തെ രംഗങ്ങളില്‍. ഒരു കുഞ്ഞ് ഗപ്പിയെ പോലെ മനോഹരമായിരുന്നു ആ പ്രകടനം. മൊയ്തീന് ശേഷം ടോവിനോയ്ക്ക് ലഭിച്ച മികച്ച കഥാപാത്രമായിരുന്നു ഗപ്പിയിലേത്. അഭിനയത്തിന്റെ കാര്യത്തിലായാലും ശരീര പ്രകൃതിയുടെ കാര്യത്തിലായാലും യുവ നടന്‍മാര്‍ക്കിടയില്‍ ശക്തമായ സാന്നിധ്യമാവുമെന് തെളിയിക്കുകയായിരുന്നു ടോവിനോ. ഒരു സന്ദര്‍ഭത്തില്‍ തന്റെ കണ്ണുകല്‍ കൊണ്ട് പോലും അഭിനയിക്കുന്നുണ്ട് ടോവിനോ. അത് ഈ സിനിമയിലെ തന്നെ മനോഹരമായ രംഗങ്ങളില്‍ ഒന്നാണ്. ആമിനയുടെ മുഖം തട്ടമിട്ട് മറച്ചു ശ്രീനിവാസന്‍ തുടക്കത്തില്‍ കഥാപാത്രങ്ങളുടെയും പ്രേക്ഷകന്റെയും വെറുപ്പ് സമ്പാദിക്കുന്നുണ്ട് എങ്കിലും അവസാനം അത് നൊമ്പരം കലര്‍ന്നൊരു സ്നേഹമായി മാറുന്നു..
ഗാനങ്ങള്‍ തിരുകിക്കയറ്റാന്‍ വേണ്ടി സന്ദര്‍ഭങ്ങളുണ്ടാക്കുന്ന ഒരു പ്രവണത സമീപകാലത്തെ പല സിനിമകള്‍ക്കും ഉണ്ട്. എന്നാല്‍ ഇവിടെ സന്ദര്‍ഭം ആവശ്യപ്പെടുന്ന സ്ഥലങ്ങളിലാണ് ഗാനങ്ങള്‍ ഉള്‍ക്കൊള്ളിച്ചിട്ടുള്ളത്. വാക്കുകള്‍ കൊണ്ട് ഗോഷ്ടി കാണിക്കാതെ, വാക്കുകള്‍ അടുക്കിലും ചിട്ടയിലുമൊതുക്കിയാണ് റഫീഖ് അഹമ്മദും വിനായക് ശശികുമാറും ജോണ്‍ പോളും ഗാനങ്ങള്‍ മെനഞ്ഞെടുത്തിരിക്കുന്നത്. വിഷ്ണു വിജയിന്റെ സംഗീതം കൂടെ ചേരുന്നതോടെ ഗാനങ്ങള്‍ എല്ലാം കേള്‍ക്കാന്‍ സുഖമുള്ളതാകുന്നു. സൂരജ് സന്തോഷ് ആലപിച്ച തനിയെ മിഴികള്‍ തുളുമ്പിയോ എന്നു തുടങ്ങുന്ന ഗാനവും പശ്ചാത്തല സംഗീതവും സിനിമയെ പ്രേക്ഷകന് കൂടുതല്‍ അനുഭവഭേദ്യമാക്കുന്നു.
സമയ ദൈര്‍ഘ്യം ഒരല്പം കൂടുതല്‍ ആയിരുന്നെങ്കിലും കഥയെ പൂര്‍ണ അര്‍ത്ഥത്തില്‍ പ്രേക്ഷകനിലേക്ക് എത്തിക്കാന്‍ ആ ദൈര്‍ഘ്യം ആവശ്യമാണ് എന്നു തോന്നുന്നു....
.
കഥയെ അടിസ്ഥാനപ്പെടുത്തിയായാലും എടുത്ത രീതിയെ അടിസ്ഥാനപ്പെടുത്തി ആയാലും നല്ല സിനിമകളുടെ കൂട്ടത്തില്‍ മുന്‍ നിരയില്‍ തന്നെയാണ് ഗപ്പിക്ക് സ്ഥാനം. പ്രേക്ഷക പ്രീതി ലഭിച്ചു എന്നു പറഞ്ഞതിനോടൊപ്പം സിനിമ തിയ്യേറ്ററില്‍ പ്രേക്ഷകര്‍ സ്വീകരിച്ചില്ല എന്നും കൂട്ടി വായിക്കേണ്ടതുണ്ട്. ആഘോഷിക്കപ്പെടുന്ന താരങ്ങള്‍ ഇല്ലാത്ത ചിത്രങ്ങള്‍ തിയ്യേറ്ററില്‍ പോയി കാണാനുള്ള പ്രേക്ഷകന്റെ വിമുഖതായവം ഒരു കാരണം. കൂടാതെ ഇത്തരം കൊച്ചു ചിത്രങ്ങളെ വിജയീപ്പിക്കുന്നതില്‍ മൌത്ത് പബ്ലിസിറ്റിയും ഒരു നിര്‍ണായക ഘടകമാണ്. അതും ഇവിടെ ഉണ്ടായില്ല, നല്ലെഴുത്ത് പോലൊരു ഗ്രൂപ്പില്‍ സിനിമ നിരൂപണം തുടങ്ങുന്നതിന്റെ ഉദ്ദേശം ഇനി വരാനിരിക്കുന്ന ഗപ്പി പോലുള്ള ചെറിയ നല്ല സിനിമകള്‍ പ്രേക്ഷകരിലേക്ക് എത്തിക്കുക എന്നത് കൂടെയാണ്. നല്ല സിനിമകള്‍ ഇനിയും ടോറെന്‍റ് ഹിറ്റുകള്‍ മാത്രമായി മാറരുതെന്നും ആഗ്രഹിക്കുന്നു..

ഒരു ഫേസ്ബുക് ചതി


ആ നാല് വരി കവിത അവന്റെ ഉള്ളിൽ നിറഞ്ഞിട്ട് കുറച്ചു ദിവസങ്ങളായി. ഫേസ്‌ബുക്കിലൂടെ അതിനെ പുറത്തേക്ക് കൊണ്ട് വരണമെന്ന് വിചാരിക്കുന്നുണ്ടായിരുന്നെങ്കിലും മറ്റുള്ളവരുടെ വിചാരങ്ങളെ കുറിച്ചുള്ള വിചാരം അവനെ തടഞ്ഞു. മറ്റുള്ളവരെ കുറിച്ചുള്ള ചിന്തകൾ മിക്കവരുടെയും ജീവിതത്തിലെന്ന പോലെ അവന്റെ ജീവിതത്തിലും നഷ്ടങ്ങൾ സമ്മാനിച്ചിട്ടുണ്ട്. ഒടുവിൽ രണ്ടും കല്‍പ്പിച്ച് അത് ഫേസ്ബുക്കിലേക്ക് പകര്‍ത്താൻ തന്നെ അവൻ തീരുമാനിച്ചു. അങ്ങനെ ആദ്യമായവൻ തനിക്കേറെ പ്രിയങ്കരമായ ആ വരികൾ ഫേസ്‌ബുക്കിൽ പോസ്റ്റ് ചെയ്തു. പുതുതായി ജന്മം നൽകിയ കുഞ്ഞിനെ ഒരമ്മ നോക്കുന്നത് പോലെ അവൻ ആ പോസ്റ്റിലേക്ക് നോക്കിക്കൊണ്ടിരുന്നു. ലൈക്കുകൾ കുന്നുകൂടും എന്ന പ്രതീക്ഷയോടെ….
പക്ഷെ പ്രതീക്ഷകൾ എല്ലാം തെറ്റി. സമയം ഏറെ കഴിഞ്ഞിട്ടും കിട്ടിയത് പഞ്ചായത്ത് പൈപ്പിൽ നിന്നും വന്ന വെള്ളം പോലെ വളരെ കുറച് ലൈക്കുകൾ. മനസ്സിലെ പ്രതീക്ഷയുടെ കുന്നുകളിൽ നിരാശയുടെ മൂടൽ മഞ് നിറഞ്ഞു
..
പിറ്റേ ദിവസം ഫേസ്ബുക് എടുത്തു നോക്കിയപ്പോഴാണ് ഒരു നോട്ടിഫിക്കേഷൻ കണ്ടത്. 
.
Nikhil P commented on your post.
.
ആകാംക്ഷയോടെ അവൻ ആ കമന്റിലേക് നോക്കി.
"ഇങ്ങള് എന്ത് വെറുപ്പിക്കലാണ്??"
.
സ്വതവേ അന്തര്‍മുഖനായ അവനു ആ കമ്മന്‍റ് ധാരാളമായിരുന്നു. അപ്പോൾ തന്നെ അവൻ ആ പോസ്റ്റ് റിമൂവ് ചെയ്തു. അതിനു ശേഷം അവൻ ഫേസ്‌ബുക്കിൽ എഴുതിയില്ല. പക്ഷെ അവൻ ഫേസ്‌ബുക്കിൽ വായിക്കാൻ തുടങ്ങി. കഥയും കവിതയും നിറഞ്ഞ ഗ്രൂപ്പുകളും പേജുകളും എല്ലാം അവന്റെ വായനായിടങ്ങളായി. അങ്ങനെ വായിക്കുന്നതിനിടയിലാണ് അവൻ ഒരു ഗ്രൂപ്പിൽ ആ നാല് വരികള്‍ വീണ്ടും കണ്ടത് .. താൻ എഴുതിയ അതെ നാല് വരികള്‍. പോസ്റ്റ് ചെയ്തിട്ട് ഏതാനും മണിക്കൂറുകൾ ആയതെയുള്ളൂ. ഇപ്പോൾ തന്നെ ആയിരത്തോളം ലൈക്കുകളും നിരവധി ഷെയറുകളുമായി. തനിക്ക് ഒരു ക്രെഡിറ്റ് പോലും നൽകാതെ അത് പോസ്റ്റിയതാരാണെന്നു അവൻ നോക്കി. 
.
Anjana Anju..
.
ഇത് തന്റെ വരികളാണെന്ന് തെളിയിക്കാൻ അവന്റെ കയ്യിൽ തെളിവുകളില്ലായിരുന്നു. കുന്നു കൂടുന്ന കമന്റുകളുടെ കൂട്ടത്തിൽ ഒരു ലൈക് അവനും കമ്മൻറ് ആയി ചേർത്തു.. . സന്തോഷവും സങ്കടവും നിറഞ്ഞ മനസുമായി അവൻ ആ പോസ്റ്റിലേക് നോക്കിയിരിക്കുമ്പോൾ ഒരു നോട്ടിഫിക്കേഷൻ.
.
Nikhil P also commented on Anjana Anju's post.
. 
ഒരു പക്ഷെ ആ വരികൾ എന്റേതാണെന്നായിരിക്കുമോ നിഖിൽ കമന്റ് ചെയ്തു കാണുക?? അവൻ ചിന്തിച്ചു .അവൻ ആകാക്ഷയോടെ നിഖിലിന്റെ കമന്റ് ഓപ്പൺ ചെയ്തു.
.
.
"Woww.. lovely lines Anjana. Keep writing " !!!
!!
ലോട്ടറി അടിച്ചു എന്നു വിചാരിച്ച് പോയിട്ട് ഉള്ള കാശ് പോക്കറ്റടിക്കപ്പെട്ട അവസ്ഥയില്‍ ഞാന്‍ തരിച്ചിരുന്നു. . 

By: rahul raj

സദാചാരം


ആ വിഷയം ആ നാട്ടിൻപുറത്തെ ചായക്കടയിലും പരിസരങ്ങളിലുമായി പുകയാൻ തുടങ്ങിയിട്ട് കുറച്ച് ദിവസങ്ങളായി. 
.
"ഓനിപ്പോ ആ വീട്ടിൽ വാടകക്ക് താമസിക്കാൻ തൊടങ്ങീട് മൂന്നാല് ആഴ്ച്യായി.. എല്ലാന്നും രാവിലെ തെന്ന വീടും പൂട്ടി കാറും എടുത്ത് പോകും. പിന്ന വരുന്നത് പാതിരാത്രിക്കാ. ഓൻ ആരാന്നോ ഏടെന്നാ വെരുന്നെന്നോ ഒന്നും മ്മക്ക് അറഞ്ഞുടാ."
.
"പ്രശനം അതല്ല രാഘവേട്ടാ. . കൊറച്ചു ദിവസായിട്ട് രാത്രീൽ അവിടുന്നു ഒരു സ്ത്രീ ശബ്ദം കേക്കുന്നുണ്ട്. ഇന്നലേം കൂടെ ഞാൻ കേട്ടതാ. "
.
"ഈ പ്രയോക്കെ കഴിഞ്ഞിട്ടല്ലേ ഇമ്മളും വന്നത്. ഇമ്മക് ഊഹിക്കാലോ ഇതൊക്കെ. ഇമ്മളിതെത്ര കണ്ടതാ. എന്നാലും നാട്ടാരെ മുഴ്വൻ മണ്ടമ്മാരാക്കീട്ട് ഓനീ തോന്നിവസം ഇവടെ നടത്തണ്ട. ഇന്ന് തന്ന ഇതിനൊരു തീരുമാനം ഉണ്ടാക്കണം..."
.
അങ്ങനെ ചൂടേറിയ ആ പ്രശ്നത്തിന് പരിഹാരം കാണാൻ തന്നെ ആ നാട്ടുകാർ തീരുമാനിച്ചു.
24 മണിക്കൂറും വെള്ളമടിച് നട് റോട്ടിൽ കിടന്നു പുലഭ്യം പറയുന്ന സോമനും പത്താം ക്‌ളാസ് തോറ്റ ശേഷം വായ നോട്ടത്തിൽ ബിരുദാനന്ത ബിരുദം നേടിയ ബിജുവും കാശ് കിട്ടിയാൽ ആരെ വേണേലും തല്ലുന്ന രാഘവനും സദാചാരത്തിന്റെ യൂണിഫോം അണിഞ്ഞു. അവർക്ക് പിന്നിൽ നാടിന്റെ പൈതൃകം കാത്ത് സൂക്ഷിക്കാനായി ചില നാട്ടുകാരും അണിനിരന്നു. അവർ രാത്രിയാകുന്നതും കാത്തിരുന്നു.....
.
പതിവ് പോലെ രാത്രി ഏറെ വൈകി അവൻ വീട്ടിലെത്തി. വീടിന് ചുറ്റും അക്ഷമരായി ആളുകൾ കാത്തിറിപ്പുണ്ടെന്നറിയാതെ അവൻ വാതിൽ തുറന്ന് വീട്ടിനകത്തേക് കയറി. സമയം ഇഴഞ്ഞു നീങ്ങി.
.
"അതെ ആ കേട്ടത് ഒരു പെണ്ണിന്റെ ഒച്ച തന്നെ. വരിനേടാ. ഇന്നവന്റെ അവസാനാ. ." എന്നാക്രോശിച് രാഘവൻ വീടിനു മുന്നിലേക്ക് ഓടിയെത്തി കതകിൽ ആഞ് തട്ടി. അവൻ പുറത്തേക്കിറങ്ങി വന്നതും
"ഞങ്ങളെ ഒക്കെ മണ്ടമാരാക്കി നീ ഇവിടെ തോന്നിവസം നടത്തും അല്ലെ , ഇറക്കി വിടെടാ അവളെ" എന്ന് പറഞ്ഞു കൊണ്ട് രാഘവൻ അവന്റെ കഴുത്തിൽ കേറി പിടിച്ചതും ഒരുമിച്ചായിരുന്നു...
.
പെട്ടെന്ന് അകത്തു നിന്നും ഒരു സ്ത്രീ രൂപം പുറത്തേക്ക് ഓടി വന്നു.
.
"അയ്യോ പ്രേതം. . ."..
.
എല്ലാവരും പേടിച് നിലവിളിച്ചു. രാഘവൻ കഴുത്തിൽ നിന്നും പിടി വിട്ട് ഒരു ചുവട് പുറകിലേക്ക് മാറി.. .
.
.
"ആരും പേടിക്കേണ്ട. അവൾ എന്റെ ഭാര്യയാണ്...."
.
വേദനിക്കുന്ന കഴുത്തിൽ തടവി കൊണ്ട് അവൻ പറഞ്ഞൊപ്പിച്ചു.
അൽപ സമയം അവിടെ മൗനം നിറഞ്ഞു.
.
"അന്യ ജാതിയിൽ പെട്ട എന്നെ പ്രണയിച്ച് വിവാഹം കഴിച്ചതിനു നിങ്ങളെ പോലുള്ള ചില സദാചാരക്കാർ അവൾക്ക് കൊടുത്ത സമ്മാനമാണിത്. മുഖത്ത് ആസിഡ് ഒഴിച്ച് വികൃതമാക്കി കളഞ്ഞു. പക്ഷെ അവളെ ഉപേക്ഷിക്കാൻ എനിക്ക് കഴിയുമായിരുന്നില്ല. അതിനാലാണ് ഞങ്ങളെ ആർക്കും അറിയാത്ത ഞങ്ങൾക്ക് ആരെയും അറിയാത്ത ദൂരെയുള്ള ഈ ഗ്രാമത്തിലേക് വരാൻ ഞങ്ങൾ തീരുമാനിച്ചത്. പക്ഷെ ഞങ്ങൾക്ക് തെറ്റിപ്പോയി. മനുഷ്യർ എല്ലായിടത്തും ഒരേപോലെയാണ്"!!...
.
ഒന്നും മറുപടി പറയാൻ കഴിയാതെ ആ നാട്ടുകാർ
തല കുനിച്ചു തിരികെ നടന്നു. അന്യന്റെ ജീവിതത്തിലേക്ക് വെളിച്ചമടിച്ചു നോക്കാൻ ശ്രമിച്ച അവർക്ക് ഒരു കാര്യം മനസിലായിരുന്നു, തങ്ങളുടെ മനസ് മുഴവൻ ഇരുട്ടാണ്!!!-


By: rahulraj

പ്രണയത്തിലേക്ക് ഒരു മൊബൈല്‍ ദൂരം


---------
ഫേസ്ബുക്കിലും വാട്സാപ്പിലും തിങ്ങി നിറയുന്ന birthday wishes കണ്ടപ്പോഴാണ് അന്ന് തന്റെ ജന്‍മദിനം ആണെന്ന കാര്യം അവന്‍ ഓര്‍ത്തത്. അപ്പോഴാണ് റൂമിലേക്ക് 6 വയസുള്ള മകള്‍ കയറി വന്നത്.
"അച്ഛാ ദേ എനിച്ചോരു മോബീല് കിറ്റീ ..."
അവളുടെ കയ്യില്‍ ഒരു മൊബൈല്‍ ഫോണ്‍ ഉണ്ടായിരുന്നു. മകളെ വാരിയെടുത്ത് അവന്‍ ആ മൊബൈല്‍ ഫോണിലേക്ക് നോക്കി. ഭൂതകാലത്തില്‍ നിന്നിറങ്ങി വന്ന 2 കണ്ണുകള്‍ ആ മൊബൈലിലേക്ക് എല്ലാ വികാരങ്ങളോടും കൂടെ ഉറ്റു നോക്കി. അതൊരു പഴയ മൊബൈല്‍ ഫോണായിരുന്നു.
"മോള്‍ക്ക് ഇത് എവിടുന്നു കിട്ടി?".
.
"അച്ഛന്റെ പഴേ പുസ്തക കൂട്ടത്തിന്റെ ഇടെല്‍ന്നു കിട്ട്യതാ...”
ജിതിന് പെട്ടെന്നു ഒരു ഊര്‍ജം കൈ വന്നത് പോലെ തോന്നി.
"ഇതിന്റെ ചാര്‍ജര്‍ ഇവിടെവിടേലും കാണും.. വാ മോളെ..".
ചാര്‍ജര്‍ തേടി ആ വീടിന്റെ ഓരോ മൂലയിലേക്കും നടക്കുമ്പോള്‍ അവന്റെ മനസ്സ് പഴയ കോളേജ് ഹോസ്റ്റലിലെ റൂമിലേക്ക് എത്തിയിരുന്നു..
ഈ ഫോണ്‍ വാങ്ങി ഏതാണ്ട് ഒരു കൊല്ലം തികയറായ സമയം. വിരലുകളാല്‍ എണ്ണി തീര്‍ക്കാവുന്ന ഫങ്ഷനുകള്‍ മാത്രമുള്ള ഒരു പാവം ഫോണായിരുന്നു അത്. അത് വരെ കമ്പൂട്ടര്‍ ഉപയോഗിച്ച് വീഡിയോ കണ്ടിരുന്നവരും ഫേസ്ബുക്
എടുത്തിരുന്നവരുമായ കൂട്ടുകാര്‍ ഇതൊക്കെ സ്വന്തം ഫോണിലൂടെ ചെയ്യാന്‍ തുടങ്ങിയപ്പോള്‍ അവനും ചിന്ത വന്നു.. "മൊബൈല്‍ മാറ്റണം.." .. പക്ഷേ മൊബൈല്‍ അവനോടു പിണങ്ങി തുടങ്ങിയിരുന്നില്ല. ഈ ഒരവസ്ഥയില്‍ മൊബൈല്‍ മാറ്റണം എന്നു
പറഞ്ഞാല്‍ അച്ഛന്‍ സമ്മതിക്കില്ല.. അതിനാല്‍ ഒരു മൊബൈല്‍ കൊലപാതകം നടത്താന്‍ അവന്‍ തീരുമാനിച്ചു.. പക്ഷേ അച്ഛന്റെ കണ്ണില്‍ അത് സ്വാഭാവിക മരണം ആയിരിക്കുകയും വേണം.. അവന്റെ മനസ്സിലെ കുറ്റവാളി ഉണര്‍ന്നു.. ഫോണ്‍ വെള്ളത്തില്‍ ഇടാന്‍ തീരുമാനിച്ചു. അതാകുമ്പോള്‍ അച്ഛനോട് അറിയാതെ വീണതാണെന്ന് പറയുകയും ചെയ്യാം.. അങ്ങനെ എല്ലാം സെറ്റ് ചെയ്തു റെഡി ആയിരിക്കുമ്പോഴാണ് മൊബൈലില്‍ ഒരു ബീപ് ശബ്ദം..
1 message recieved..
അവന്‍ മെസേജ് തുറന്നു വായിച്ചു.
"Hi
Hw r u???"
അവന്റെ കണ്ണുകള്‍ എല്ലാ വികാരങ്ങളോടും കൂടെ ആ മെസേജിലേക്ക് ഉറ്റു നോക്കി.. അത് അവളായിരുന്നു. അവളുടെ ആദ്യത്തെ മെസേജ്. പിന്നെ അവിടുന്നങ്ങോട്ട് രാവിനെ പകലും പകലിനെ രാവുമാക്കിയ എണ്ണിയാലൊടുങ്ങാത്ത മെസേജുകള്‍, ഫോണ്‍ വിളികള്‍...
കാലം 10G സ്പീഡില്‍ അവര്‍ക്കിടയിലൂടെ കടന്നു പോയി.. ഇതിനിടയില്‍ അവന്‍ ഫോണുകള്‍ പലതും മാറി.. അവരുടെ പ്രണയ വാര്‍ഷിക ദിനങ്ങളില്‍ മാത്രം പിന്നെ അവരുടെ ഓര്‍മയിലേക്ക് വരാറുള്ള ആ പഴയ ഫോണാണ് ആകസ്മികമായി ഇന്നവന്റെ കയ്യില്‍ വന്നു പെട്ടിരിക്കുന്നത്.. ഒടുവില്‍ ഒരു ചാര്‍ജര്‍ ഒപ്പിച്ച് അവന്‍ അത് ഓണ്‍ ചെയ്തു.. ആ കൊച്ചു സ്ക്രീനില്‍ പ്രകാശം തെളിഞ്ഞു വരുമ്പോള്‍ താന്‍ പല കാലഘട്ടങ്ങള്‍ പിറകിലേക്ക് പോകുകയാണെന്ന് അവന് തോന്നിപ്പോയി..
അവന്‍ പഴയ മെസ്സെജുകളിലൂടെ കണ്ണോടിച്ചു...
പെട്ടെന്നു ഒരു മെസ്സേജില്‍ അവന്റെ കണ്ണുകള്‍ ഉടക്കി നിന്നു,,
"enikkay janichavanu, ninakkay janichavalute aayiram janma dinaasamsakal ..."
ഈറനണിഞ്ഞ കണ്ണുകളാല്‍ അവന്‍ ചുമരില്‍ തൂക്കിയിട്ടിരിക്കുന്ന അവളുടെ ഫോട്ടോയിലേക്ക് നോക്കി.. അതിനു മുന്നില്‍ കത്തിച്ച് വെച്ചിരുന്ന വിളക്ക് തെളിഞ്ഞു കത്തുന്നുണ്ടായിരുന്നു...!

By rahul raj

ഒരു കുടക്കീഴിൽ



അന്ന് വൈകിട്ട് അവൻ ഓഫീസിൽ നിന്നും നേരത്തെ ഇറങ്ങി. അന്നത്തെ ദിവസം ആകെ മോശമായിരുന്നു. മാനേജരുടെ 'മറ്റൊരു' മുഖം കൂടെ കണ്ടപ്പോൾ പിന്നെ ഓഫിസിൽ കൂടുതൽ സമയം ഇരിക്കാൻ തോന്നിയില്ല. പുറത്തേക്ക് ഇറങ്ങിയപ്പോൾ നല്ല മഴ. കാലത്ത് കുട എടുത്തു ബാഗിൽ വെക്കാൻ തോന്നിയത് നന്നായി. അവൻ കുട നിവർത്തി മഴയിലേക്കിറങ്ങി. ഓഫീസിലും ഫ്‌ളാറ്റിലും ഇരുന്ന് നോക്കുമ്പോൾ മഴ ദേവതയാണെന്നു തോന്നും, പക്ഷെ സിറ്റിയിലേക്ക് ഇറങ്ങിയാൽ മനസിലാകും മഴ പൂതന ആണെന്ന്. ഒരു മഴയിൽ തന്നെ നിറഞ്ഞൊഴുകുന്ന ഓടയിലെ വെള്ളത്തിൽ ചവിട്ടാതെ നടക്കുന്നതിനിടയിൽ അവൻ ഓർത്തു. പാഞ്ഞു പോകുന്ന വാഹനങ്ങൾ ചെറുതായി അവനിൽ ചെളി അഭിഷേകം നടത്തുന്നുണ്ട്. ബാംഗ്ലൂർ..., വാട്ട് എ റോക്കിങ് സിറ്റി യാർ. .!!!
അങ്ങനെ മനസ്സിൽ ചിന്തകളുടെ ചെറു മഴ നനഞ്ഞു പതുകെ നടക്കുമ്പോഴാണ് അവൻ അത് ശ്രദ്ധിച്ചത്. തൊട്ടരികിലെ വെയിറ്റിങ് ഷെൽറ്ററിൽ നിന്നും രണ്ടു കണ്ണുകൾ തന്നെ തന്നെ നോക്കുന്നു.
അവന്റെ കണ്ണുകൾ ആ കണ്ണുകളിൽ ഉടക്കി നിന്നു. ദേവതയെ പോലെ ഒരു പെൺകുട്ടി. മഴ അവർക്കിടയിലേക്ക് മാത്രമാണ് പെയ്യുന്നതെന്നു അവനു തോന്നി. പെട്ടെന്ന് അവനെ അമ്പരപ്പിച്ച് കൊണ്ട് അവൾ അവന്റെ കൂടക്കീഴിലേക്ക് ഓടി കയറി. അതിസുന്ദരിയായ ഒരു പെൺകുട്ടിയും താനും ഈ മഹാനഗര മധ്യത്തിൽ ഒരു കുടക്കീഴിൽ... ഒരു നിമിഷം അവനു അത് വിശ്വസിക്കാൻ കഴിഞ്ഞില്ല.
അവൻ യാന്ത്രികമായി അവൾക്കൊപ്പം നടക്കാൻ തുടങ്ങി. വാക്കുകൾ അവന്റെ നാവിൻ തുമ്പ് വിട്ട് പുറത്തേക്കിറങ്ങാൻ മടിച്ച് നിൽക്കവേ അവൾ പറഞ്ഞു തുടങ്ങി.
"നാൻ ഇങ്കെ ഒരു ഇന്റർവ്യൂ അറ്റൻഡ് പൻറതുക്കാകെ വന്ദേ. ഇന്റർവ്യൂ മുടിഞ്ഞപ്പോത് ഒരേ മഴെ. അങ്കെ സ്റ്റക്ക് ആയിപ്പോച്ച്. അപ്പൊ താൻ നീങ്ക. . "
.
.
മോനെ, തമിഴ് പെൺകൊടി. ജീവിതത്തില്‍ തമിഴ് പടങ്ങൾ കണ്ടതിനു അർഥം ഉണ്ടായത് ഇപ്പോഴാണ് അവൻ ചിന്തിച്ചു.
.
"നാനും ഇങ്കെ ഒരു കമ്പനിയിൽ താൻ വേല പാക്കറെ" അവൻ പറഞ്ഞൊപ്പിച്ചു.
.
.
ഇനിയിപ്പോ ഫേസ്ബുക് ഐ ഡി ചോദിക്കാണോ അതോ വാട്ട്‌സ്ആപ് നമ്പർ ചോദിക്കാണോ.. അവനു ആകെ കൺഫ്യൂഷൻ ആയി. പെട്ടന്ന് അവനു ഒരു ഐഡിയ തോന്നി.
.
"നീ വന്ത് ബി. ടെക് ആ"??
.
"ആമാ. ബി. ടെക് . ഐ ടി".
.
"ഓഹ്. . ഇത് എൻ വിസിറ്റിംഗ് കാർഡ്. ഉങ്ക ബയോഡാറ്റ ഇന്ത മെയിൽ ഐഡിയിൽക് അനുപ്പുങ്കോ"
.
"ഓഹ്. താൻക്യൂ. കണ്ടിപ്പ അനുപ്പറേ. അങ്കെ വെക്കാൻസി ഇറുക്ക?"
.
"ആഹ് . ഇറുക്ക്"
.
ഇത് കമ്പനിയിലേക്കുള്ള വേക്കൻസിയിലേക്കല്ല മോളെ. . എന്റെ പ്രണയത്തിന്റെ വേക്കാൻസിയിലേക്കാ. . അവൻ മനസ്സിൽ പറഞ്ഞു. അവൻ കുടയൊരല്പം ഉയർത്തി മഴയെ നോക്കി. ഇത്രയും സുന്ദരിയായി മഴയെ കണ്ടിട്ടില്ലെന് അവനു തോന്നി.
.
അവൻ പ്രണയ സ്വപ്നങ്ങൾ താലോലിച്ചു നടന്നു നീങ്ങവെ അവൾ പറഞ്ഞു.
.
"അണ്ണാ, എന്നെ ഇങ്കെ ഡ്രോപ്പ് പണ്ണിട്. എൻ ബോയ് ഫ്രണ്ട് ഇങ്കെ വെയിറ്റ് പണിയിട്ടിറുക്ക്. താങ്ക്യു വെരി മച്ച് അണ്ണാ. കണ്ടിപ്പ നാൻ ബയോഡാറ്റ അന്പ്പുറെ. ബൈ. . "
.
അവനു നേരെ കൈ വീശി അവൾ നടന്നകന്നു. ശക്തിയായ ഒരു കാറ്റ് അടിച്ചത് പോലെ അവനു തോന്നി.തൊട്ട് മുൻപ് കണ്ട പ്രണയ സ്വപ്നങ്ങളൊക്കെ മഴയിൽ വീണ് നനഞ്ഞൊലിച് പോകുന്നത് അവൻ കണ്ടു.
"നശിച്ച മഴ".. അവൻ മനസ്സില്‍ പറഞ്ഞു. .!!!...


By: rahul raj

പ്രാർത്ഥന


പ്രശ്ന പരിഹാരത്തിനായി മനുഷ്യരാൽ കഴിയുന്നതൊക്കെ ചെയ്തിട്ടും പരിഹാരം കാണാൻ കഴിയാത്തതിനാലാണ് അവസാന ശ്രമം എന്ന നിലയിൽ ദൈവത്തിൽ അഭയം പ്രാപിക്കാൻ അവർ തീരുമാനിച്ചത്. അങ്ങനെയാണ് ആ ഗ്രാമത്തിൽ നിന്നും അവർ 3 പേർ പ്രശസ്‌തമായ ഈ ക്ഷേത്ര നഗരിയിലേക്ക് എത്തുന്നത്. ഒരു പകൽ മുഴുവൻ നീണ്ട യാത്ര അവരെ ക്ഷീണിതരാക്കിയിരുന്നു. ഭാഗ്യവശാൽ ദേവസ്വം വക ലോഡ്ജിൽ തന്നെ അവർക്ക് റൂം കിട്ടി. കുറഞ്ഞ റേറ്റിൽ അത്യാവശ്യം സൗകര്യങ്ങളുള്ള ഒരു റൂം. ഇങ്ങനെ ഒരു ലോഡ്ജ് ഇവിടെ ഉള്ളതിനാൽ മറ്റ് ക്ഷേത്ര നഗരികളിൽ ഉള്ളത് പോലെ ലോഡ്ജുകാരുടെ പിടിച്ചുപറി ഇവിടില്ല. ഒന്നു കുളിച്ച ശേഷം ഉറങ്ങി നാളെ പുലർച്ചെ തന്നെ ക്ഷേത്രത്തിലേക്ക് പോകാം എന്നവർ തീരുമാനിച്ചു. കുളിക്കാനായി ഒരാൾ ബാത്റൂമിലേക്ക് കയറിയപ്പോഴാണ് അത് ശ്രദ്ധിച്ചത്. പൈപ്പ് ചെറുതായി പൊട്ടിയിരിക്കുന്നതിനാൽ വെള്ളം ലീക്ക് ആയിക്കൊണ്ടിരിക്കുകയാണ്. ഒട്ടും സമയം പാഴാക്കാതെ റിസപ്ഷനിൽ ചെന്ന് വിവരം അറിയിച്ചു. ഒരു മണിക്കൂറിനുള്ളിൽ അത് ശരിയാക്കാം എന്ന് റിസപ്ഷനിൽ നിന്ന് മറുപടി ലഭിചു. മണിക്കൂറുകൾ കടന്ന് പോയതല്ലാതെ പൈപ്പ് നന്നാക്കുവാൻ ആരും വരാതിരുന്നതിനാൽ അവർ വീണ്ടും റിസപ്‌ഷനിലെത്തി.
.
"ചേട്ടാ.. പൈപ്പ് നന്നാക്കാൻ ആരും വന്നില്ല"
.
"ആഹ്... അതൊക്കെ അവർ വന്നു നന്നാക്കിക്കോളും.. നിങ്ങൾ പൊയ്ക്കോ"
.
"ചേട്ടാ.. അങ്ങനെ പറഞ്ഞാൽ എങ്ങനാ. എത്ര വെള്ളമാ അതിലൂടെ വെറുതെ പോകുന്നത്"
.
"എടോ ഇതിപ്പോ രാത്രി ആയില്ലേ. അയാൾക്ക് ഇന്നിനി വരാൻ പറ്റൂല ന്നാ പറയുന്നേ. നാളെ രാവിലെ വന്നു ശരിയാക്കിക്കോളും."
.
"നാളെ രാവിലെ ആകുമ്പോഴേക്കും ഒരുപാട് വെള്ളം നഷ്ടപ്പെടും. ഇപ്പോൾ തന്നെ ആ ചോർച്ച അടക്കണം."
.
"ശ്ശെടാ.. ഇത് വല്യ പുലിവാലയല്ലോ... ആ വെള്ളം കൊറച്ചങ്ങട് പോകട്ടെ ന്ന്.. നിങ്ങടെ കയ്യീന്ന് വെള്ളത്തിന് പ്രത്യേകം പൈസയൊന്നും വാങ്ങിക്കുന്നില്ലല്ലോ... ഇതൊക്കെ ഇവിടെ സ്ഥിരം സംഭവിക്കുന്നതാ. ഇത്രേം കുറഞ്ഞ വാടകക്ക് റൂം കിട്ടുന്നില്ലേ.. അപ്പൊ പൈപ്പൊക്കെ കുറച് പഴയതായിരിക്കും. അത് അങ്ങിങ്ങായി ചെറുതായി പൊട്ടി എന്നൊക്കെ ഇരിക്കും.അല്ലെങ്കിലും കുറച്ചു വെള്ളം അങ്ങ് ഒഴുകി പോകുന്നതിന് ആർക്ക് എന്ത് നഷ്ടം. ."
.
ഒരു ദീർഘ നിശ്വാസത്തിന് ശേഷം അവരിലൊരാൾ അതിന് മറുപടി പറഞ്ഞു.
"ചേട്ടാ ... ഇവിടെ നിന്നും കുറെ ദൂരെയുള്ള ഒരു ചെറിയ ഗ്രാമത്തിലാണ് ഞങ്ങളുടെ താമസം. രാവിലെ ഞങ്ങളുടെ ഗ്രാമത്തിലേക്ക് വരികയാണെങ്കിൽ ഒരു കാഴ്ച കാണാം.. സ്ത്രീകളും കുട്ടികളും പുരുഷന്മാരുമെല്ലാം ജലം തേടി കിലോമീറ്ററുകൾ താണ്ടുന്ന കാഴ്ച. ഒരു കാലത്ത് ഞങ്ങളുടെ ഗ്രാമത്തിലും ജലം സുലഭമായിരുന്നു. പക്ഷെ ഒന്നുമോർക്കാതെയുള്ള ഉപയോഗം കാരണമാവാം ജലം ഞങ്ങളിൽ നിന്നകന്നു.. വരൾച്ചയായി.... ഞങ്ങളാൽ കഴിയുന്നതൊക്കെ ചെയ്തിട്ടും ജലം ഞങ്ങളിൽ നിന്നു അകന്നു തന്നെ നിന്നു. ഒടുവിൽ അവസാന ശ്രമമായി ദൈവത്തിൽ അഭയം പ്രാപിക്കാം എന്ന് കരുതിയാണ് ഞങ്ങൾ ഇവിടേക്ക് വന്നത്. ഈ രാത്രി മുഴുവൻ ആ പൈപ്പിൽ നിന്നും വെള്ളം പാഴായി പോകുന്നത് കണ്ടു കൊണ്ട് എങ്ങനെയാണ് ഞങ്ങൾ നാളെ ക്ഷേത്രത്തിൽ പോയി വെള്ളത്തിനായി പ്രാർത്ഥിക്കുന്നത്????"
.
ഒരല്പം കുറ്റബോധത്തോടെ റിസപ്‌ഷനിസ്റ് ഫോണിൽ പ്ലംബറുടെ നമ്പർ തിരഞ്ഞു.
ജലത്തിനായ് ഏറ്റവും നല്ലൊരു പ്രാർത്ഥന നടത്തിയ സംതൃപ്തിയോടെ അവർ റൂമിലേക്ക് മടങ്ങിപ്പോയി...

മരുന്ന്


ഒരൽപ്ം ആശ്വാസം കിട്ടുമെന്നു കരുതി കു റേ നേരമായി കിടക്കുന്നു. പ ക്ഷെ ഈ നശിച്ച തല വേദന. . വിട്ട് പോകു ന്നേ ഇല്ല..
കമ്പ്യൂട്ടറുകളോട് കൂട്ട് കൂടി തുടങ്ങിയത് മുതൽ ഒപ്പം കൂടിയതാണീ തല വേദന. എല്ലാം ശരിയാകും എന്ന പ്രതീക്ഷയിൽ വാങ്ങിച്ച മരുന്നുകൾ മേശപ്പുറത്ത് അവനെ നോക്കി ചിരിച്ചിരിപ്പുണ്ട്. പെ ട്ടെന്നാണു ഫോൺ ശബ്ദിച്ചത്. ഏ തൊ unknown നമ്പറാണു. ആ ബ്രോഡ്ബാൻഡ് സ്പീഡിലും ആ നമ്പറിന്റെ ഉടമയെ ക ണ്ടെത്താൻ ട്രു കോളർ നന്നായ് പാട് പെടുന്നുണ്ട്, അതങ്ങനെ കറങ്ങിക്കൊണ്ടിരിക്കുകയാണു. തല വേദന നന്നായുണ്ടെന്നതിനാൽ കോൾ അവൻ അറ്റൻഡ് ചെയ്തില്ല. അൽപ സമയത്തിനകം വീണ്ടും ആ നമ്പറിൽ നിന്നും കോൾ വന്നു. അവൻ ഫോൺ ചെവിയി ലോട്ട് ചേർത്ത് പിടിച്ചു.
"അളിയാാ. . . "
.
ആ ശബ്ദത്തി ന്റെ ഉടമയെ തിരിച്ചറിയാൻ അവനു സെക്കന്റുകൾ പോലും വേണ്ടി വന്നില്ല. ഓർമ്മയിൽ നിന്നും ആ പേരു നാവിലേക്ക് പറന്നിറങ്ങി. .
"അലൻ. . .."
.
" ആഹ് . . അപ്പൊ മറന്നിട്ടില്ലല്ലേ. ."
.
കോളേജിൽ അവന്റെ ഏറ്റവും അടുത്ത സുഹ്രുത്തായിരുന്നു അലൻ. എല്ലാ കാര്യങ്ങൾക്കും അവർ ഒരുമിച്ചായിരുന്നു. കോളേജ് കഴിഞ്ഞ് ജോലിക്ക് കയറിയപ്പോൾ അവരുടെ സൗഹൃദം ഫോൺ കോളുകളി ലേക്കും സോഷ്യൽ മീഡിയകളിലേക്കും ചേക്കേറി.
ഇട ക്കെപ്പൊഴൊ ചെറിയ തെറ്റിധാരണകൾ.. ഫോൺ വിളികൾ വല്ലപ്പോഴുമായി. അവൻ വിളിക്കട്ടെ എന്നു ഇവനും ഇവൻ വിളിക്കട്ടെ എന്നു അവനും കരുതി. പതു ക്കെ പതുക്കെ ആ പേരു അവന്റെ ഓർമ്മയ് ലേക്ക് ചേക്കേറി.. വള രെ നാളുകൾക്കിപ്പുറം ആ ശബ്ദം കേട്ടപ്പൊൾ അവന്റെ മനസ്സ് സന്തോഷത്താൽ നിറഞ്ഞു. അവർ തോളിൽ കൈയിട്ട് പഴയ ഓർമ്മകളി ലേക്ക് ഇറങ്ങി നടന്നു. . ഒടുവിൽ വി ശേഷങ്ങ ളേ റെ പങ്ക് വെച്ച് ദീർഗ്ഘ നേരത്തെ സംസാരത്തിനു ശേഷം ഉടൻ കണ്ട് മുട്ടാം എന്ന് പറഞ്ഞ് കോൾ അവസാനിപ്പിച്ചു.
അവൻ എഴു ന്നേറ്റ് ജനാലയിലൂ ടെ പുറത്തേക്ക് നോക്കി. ഭൂമി യെ തണുപ്പിച്ച് കൊണ്ട് മഴ പെയ്തിറങ്ങുകയാണു. കുറച്ച് നിമിഷങ്ങൾക്ക് മുൻപ് ഫോണിലൂടെ പെയ്തിറങ്ങിയ മഴയിൽ അവന്റെ തല വേദനയും തണുത്തില്ലാതായിരുന്നു. . അവൻ ഓർത്തു .
.
"ചില രോഗങ്ങൾക്ക് സ്നേഹമാണു മരുന്ന് " . . . . . . .


By: Rahul Raj

മാഷേ, ആ മാജിക്കിന്റെ രഹസ്യമെന്താ??

By: Rahul Raj
മീനാക്ഷിയേടത്തി ഉണ്ടാക്കിയ കഞ്ഞിയും പയറും മൂക്ക് മുട്ടെ തിന്ന് 7 ബി യിൽ കൃഷ്ണൻമാഷുടെ കണക്ക് ക്ലാസിൽ വാ പൊളിച്ചു ഇരിക്കുകയാണ് ഞാൻ. ഉച്ച കഴിഞ്ഞാൽ ക്ലാസിൽ നിത്യ സന്ദർശകനായ കാറ്റ് എന്നെ നിദ്രയുടെ മോഹന ലോകത്തേക്ക് കൈ പിടിച്ചു കൊണ്ട് പോകുന്നുണ്ട്. പക്ഷെ കൃഷ്ണൻമാഷുടെ സ്വഭാവം നന്നായറിയാവുന്നതിനാൽ കഷ്ടപ്പെട്ടാണെങ്കിലും ഞാൻ തിരിച്ചു ക്ലാസിലേക്ക് തന്നെ ഓടി വരുന്നുണ്ട്. മാഷ് ബോർഡിൽ എഴുതുന്ന ഹരിക്കലിന്റെയും ഗുണിക്കലിന്റെയും ചിഹ്നങ്ങളെല്ലാം എന്റെ മുന്നിൽ ഒരു ചോദ്യ ചിഹ്നമായി തൂങ്ങി കിടക്കുകയാണ്. ക്ലാസിൽ കനത്ത നിശ്ശബ്ദത ആണ്. എല്ലാവരുടെയും കണ്ണുകൾ മാഷക്കൊപ്പം സഞ്ചരിക്കുകയാണ്. മാഷ് ബോർഡിൽ തന്ന ഒരു ചോദ്യത്തിന്റെ ഉത്തരം നോട്ടിൽ ചെയ്ത് കൊണ്ടിരിക്കുമ്പോഴാണ് വയറ്റിൽ എന്തോ ഒരു അസ്വസ്ഥത. ഈശ്വരാ മീനാക്ഷിയെടത്തിയുടെ പയറ് ചതിചോ???..
.
ഏയ്.. കുറച്ചു കഴിയുമ്പോ മാറുമായിരിക്കും.. ഞാൻ സ്വയം ആശ്വസിച്ചു..
.
പക്ഷെ വയറ്റിനുള്ളിൽ നിന്നും വന്നു കൊണ്ടിരുന്ന പ്രതികരണങ്ങൾ ആശവാഹമായിരുന്നില്ല. നിമിഷങ്ങൾ കഴിയുന്തോറും വയറ്റിനുള്ളിലെ വേദന ശക്തമായിക്കൊണ്ടിരുന്നു. സ്‌കൂളിന് തൊട്ടപ്പുറത്താണ് വീട്. എനിക്ക് എത്രയും പെട്ടെന്ന് വീട്ടിലെത്തിയാൽ മതി എന്നായി.
ഞാൻ ചുറ്റും നോക്കി. എല്ലാരും കണക്ക് ചെയ്യുന്ന തിരക്കിലാണ്. ഉണ്ണിക്കുട്ടനൊക്കെ ശ്വാസം വിടാതെ ഇരുന്നു ചെയ്യുകയാണ്! ഈശ്വരാ വയറു വേദന ആണെന്നെങ്ങാനും പറഞ്ഞു വീട്ടിൽ പോയാ പിന്നെ തിരിച്ചു വന്നിട്ട് കാര്യമില്ല.. ഇവന്മാർ എന്നെ കളിയാക്കി കൊല്ലും. ഞാനാണെങ്കി സ്‌കൂൾ ലീഡറും. സ്‌കൂൾ മൊത്തം പാട്ടാകും. അല്ലെങ്കിലേ പെണ്കുട്ട്യോളുടെ മുഖത്തേക്ക് നോക്കാൻ വല്യ ബുദ്ധിമുട്ടാണ്. ഇനി ഈ കാര്യം കൂടെ അവർ അറിഞ്ഞാൽ മുഖത്ത് നോക്കുന്ന കാര്യം ഈ ജന്മം ചിന്തിക്കണ്ട. ഇങ്ങനെ വേദന ഒരു വശത്ത് നിന്നും ചിന്തകൾ വേറൊരു വശത്ത് നിന്നും എന്നെ ആക്രമിച്ചുകൊണ്ടേയിരുന്നു. പെട്ടെന്ന് എന്തെങ്കിലും ചെയ്തില്ലെങ്കിൽ അത് അതിലും വലിയ ഒരു നാണക്കേട് ആവുകയും ചെയ്യും. മാഷാണെങ്കിൽ എന്നെ ഇടക്കിടക്ക് നോക്കുന്നുണ്ട്..ഈശ്വരാ ഇനി ഈ കണക്കിന്റെ ഉത്തരം എന്നോട് പറയാൻ പറയുമോ?? അങ്ങനെയാണെങ്കിൽ ഒരൊന്നന്നര ഉത്തരം മാഷിന് ഇന്ന് കിട്ടും!
രണ്ടും കല്പിച്ചു മാഷിനോട് കാര്യം പറഞ്ഞാലോ എന്നാലോചിച്ചു. പക്ഷെ ക്ലാസിൽ നിന്നും രക്ഷപ്പെടാനുള്ള എന്റെ അടവായെ മാഷ് അത് കാണു. അങ്ങനെ എന്ത് ചെയ്യണം എന്നറിയാതെ ഒരു എത്തും പിടിയും കിട്ടാതെ ഞാൻ വിയർത്തു കുളിച്ചിരിക്കുമ്പോഴാണ് മാഷ് ക്ലാസിനു പുറത്തേക്ക് പോയത്. ക്ലാസിനു പിന്നിൽക്കൂടി വീട്ടിലേക്ക് ഇറങ്ങി ഓടിയാലോ എന്ന് ചിന്തിക്കുമ്പോഴേക്കും മാഷ് തിരികെ എത്തി.
.
"രാഹുലേ.. നിന്നെ വീട്ടിൽ നിന്നും വിളിക്കുന്നുണ്ട്. വേഗം പോയിട്ട് വാ"
മാഷ് പറഞ്ഞു.. ഞാൻ ഒന്ന് അമ്പരന്നെങ്കിലും അധികം ഒന്നും ചിന്തിക്കാൻ നിക്കാതെ വീട്ടിലേക്ക് ഓടി ടോയ്‌ലറ്റിൽ കയറി. കുറച്ചു കഴിഞ്ഞു പുറത്തേക്കിറങ്ങിയപ്പോ എന്തെന്നില്ലാത്ത ആശ്വാസം.. ഇന്നാണെങ്കിൽ 'feeling real meaning of ആശ്വാസം' എന്ന് പറഞ്ഞു ഫേസ്‌ബുക്കിൽ പോസ്റ്റിട്ടേനെ..
നേരെ അമ്മേടെ അടുത്തു വന്നു ചോദിച്ചു.
"അമ്മെ എന്തിനാ എന്നെ വിളിപ്പിച്ചെ"
.
"വിളിപ്പിക്കാനൊ? നിന്നെയോ?? "
.
"ആഹ്..മാഷ് പറഞ്ഞല്ലോ..."
.
"സ്‌കൂളി പോടാ ചെക്കാ.. ഓരോ കള്ളത്രോം പറഞ്ഞു സ്കൂളീന്ന് ഓടി വന്നോളും.. ഓടെടാ.."
.
തിരിച്ചു സ്‌കൂളിലേക്ക് ഒടുമ്പോഴാണ് എന്നിലെ 7 ആം ക്ലാസുകാരന് മാഷ് എന്തുകൊണ്ട് അങ്ങനെ പറഞ്ഞതെന്ന് മനസ്സിലായത്. അന്ന് തിരികെ ക്ലാസിൽ കേറുമ്പോ മാഷോട് ചോദിയ്ക്കാൻ വിചാരിച്ച ഒരു ചോദ്യമുണ്ട്.. പേടി കൊണ്ട് ഇന്നും ചോദിക്കാൻ പറ്റാത്തൊരു ചോദ്യം..
.
"അല്ല മാഷേ, ഈ കുട്ട്യോൾടെ മനസ്സ് വായിക്കുന്ന മാജിക്കിന്റെ രഹസ്യമെന്താ" ???

കളിപ്പാവകൾ വെട്ടിമുറിക്കപ്പെടുമ്പോൾ


ട്രെയിനിറങ്ങി സ്റ്റേഷനിൽ നിന്ന് തന്നെ പ്രഭാത കൃത്യങ്ങൾ ഒക്കെ ചെയ്ത ശേഷം 2 പേരും ആ ഹോട്ടലിലേക്ക് കയറി. വാർദ്ധക്യത്തിന്റെ ആക്രമണത്തിൽ തളരാതിരിക്കുന്ന അവരെ ഇന്നലെ രാത്രിയിലെ ദീർഘ ദൂര യാത്ര അല്പം തളർത്തിയിട്ടുണ്ടെന്നു മുഖം കാണുമ്പോൾ തന്നെ മനസിലാകുന്നുണ്ട്. നരയും കഷണ്ടിയും കീഴ്‌പ്പെടുത്തിയ ഒരാളുടെ തലയിൽ ചോര വഹിക്കുന്ന ഞരമ്പുകൾ ജീവന്റെ സ്പന്ദനം വിളിച്ചറിയിക്കുന്നുണ്ട്.
.
"നിങ്ങളെ ഇന്നലെ ട്രെയിനിൽ വെച് കണ്ടു മുട്ടിയത് നന്നായി. കുറെ കാലമായി വിചാരിക്കുകയാണ് നിങ്ങളുടെ വീട്ടിലേക്ക് ഒന്ന് വരണം എന്ന്. പക്ഷേ..."
.
"ചിലപ്പോ അത് കൊണ്ടായിരിക്കും പടച്ചോൻ നമ്മളെ ഇവിടിങ്ങനെ ഒരുമിച്ച് കൊണ്ടുവന്ന് ഇരുത്തിയിരിക്കുന്നത്"
.
വെയിറ്റർ ചായ മേശപ്പുറത്തു വെച്ചു. ചായ കുടിച്ചപ്പോൾ അയാൾക്ക് യാതൊരു രുചിയും അനുഭവപ്പെട്ടില്ല. രുചികളെല്ലാം അയാളോട് വിട പറഞ്ഞിട്ട് കൊല്ലങ്ങൾ പലതായി.
"എല്ലാം എന്റെ തെറ്റാ..... പണ്ട് ഞാനും ഒരു പാർട്ടി പ്രവർത്തകൻ ആയിരുന്നു. പാടത്തെ തൊഴിലാളികൾക്ക് വേണ്ടി ഒരുപാട് സമരം ചെയ്തിട്ടുണ്ട്. അന്നൊക്കെ പണിയെടുക്കുന്ന തൊഴിലാളികളുടെ ആവശ്യത്തിനായി പാർട്ടി ഉണ്ടാവുകയായിരുന്നു. ഒരു മകൻ ഉണ്ടായപ്പോൾ അവനെയും ഞാൻ പഠിപ്പിച്ചു പാർട്ടിയെയും തൊഴിലാളികളെയും പറ്റി. പക്ഷെ അവന്റെ കാലമായപ്പോഴേക്കും പാർട്ടിക്ക് വേണ്ടി പണിയെടുക്കുന്ന തൊഴിലാളികൾ ഉണ്ടാകുന്ന അവസ്ഥയായി. അവനും അതിൽ ഒരുവനായി. ഒടുവിൽ അതിനുള്ള കൂലി ഞങ്ങൾക്ക് കിട്ടി. വെട്ടി മുറിച്ച അവന്റെ ശരീരം.... അല്ലെങ്കിൽ ഞാൻ എന്തിനാ ഈ കഥകൾ ഒക്കെ നിങ്ങളോട് പറയുന്നേ... നിങ്ങൾക്കും ഉണ്ടല്ലോ ഇത് പോലെ ഒരു കഥ.. അല്ലേ മാഷേ?? "
അയാൾ ചായ വലിച്ച് കുടിച്ചു.
"അതെ, ഇരകൾക്കെല്ലാം ഒരു കഥയാണല്ലോ.."
.
"ആഹ്...അവൻ പോയതിന് ശേഷം എനിക്ക് കിട്ടുന്ന ചെറിയ പെൻഷൻ കൊണ്ടാണ് കുടുംബം ജീവിച് പോകുന്നത്. എല്ലാ കൊല്ലവും അവന്റെ ആണ്ടിന് പാർട്ടിക്കാർ വരും അവനു വേണ്ടി എല്ലാം അവർ ചെയ്യും എന്ന് ഉറപ്പ് പറയും... ഒരു ദിവസം അറിഞ്ഞു.. എന്റെ മകന് വേണ്ടി അവർ നിങ്ങളുടെ മകനെ വെട്ടിക്കൊന്നെന്നു..എന്ത് ചെയ്യാനാ മാഷെ..."
.
അൽപ സമയം അവർക്കിടയിൽ മൗനം നിറഞ്ഞു.
"അതൊക്കെ കഴിഞ്ഞിട്ട് വർഷം പലതായില്ലേ..അവസാനിക്കാത്തൊരു തുടർക്കഥയാണിതെടോ. നമ്മുടെ നഷ്ടങ്ങൾ നേട്ടങ്ങളാക്കുന്നവർ ഉള്ളിടത്തോളം ഇതിങ്ങനെ തുടർന്നുകൊണ്ടേയിരിക്കും.."
.
"മ്ഹും.. അതെ. എനിക്ക് പ്രായമായി.. ഞാൻ ചത്താലും കുടുംബത്തിലുള്ളോർക്ക് ജീവിക്കണ്ടെ.. അതാണ് അവന്റെ ഭാര്യയുടെ ജോലിക്കായി ഒരു നിവേദനം കൊടുക്കാമെന്നു വെച്ചത്. അവിടുത്തെ പാർട്ടിക്കാർ എല്ലാം ശരിയാക്കിയിട്ടുണ്ട്, ഈ നിവേദനവുമായി മന്ത്രിയെ ഒന്ന് കണ്ടാൽ മതി എന്നാണ് പറഞ്ഞത്."
.
ബിൽ കൊടുത്ത് ഇറങ്ങാൻ നേരമാണ് ടി വിയിൽ അവരാ ഫ്ലാഷ് ന്യൂസ് കണ്ടത്.
.
"പ്രമുഖ രാഷ്ട്രീയ പാർട്ടിയായ INM CJNഇൽ ലയിക്കുന്നു."
2 പാർട്ടിയുടെയും നേതാക്കന്മാർ തമ്മിൽ കെട്ടിപ്പിടിച്ച് നിൽക്കുന്ന വീഡിയോ ടീവിയിൽ നിറഞ് നിന്നു.
.
അവർ ഹോട്ടലിന്റെ പുറത്തേക്ക് ഇറങ്ങി നടന്നു.
.
"അല്ലെങ്കിലും ഒരു കണക്കിന് നോക്കിയാ ഇതാടോ നല്ലത്. ഇതാകുമ്പോ ഇനി ഈ പാർട്ടികളുടെ പേര് പറഞ് തമ്മിൽ തല്ലൂലാലോ.. നമ്മക്ക് സംഭവിച്ച പോലെ നഷ്ടം ഇനി ആർക്കും ഉണ്ടാവുകേം ഇല്ല..."
.
"അതെ മാഷേ ഇത് തന്നെയാ നല്ലത്..."
.
ഇരച്ചു കയറിയ രക്തം അവരുടെ മുഖത്തെ ചുവപ്പിച്ചു.
കയ്യിൽ ഉണ്ടായിരുന്ന നിവേദനം അയാൾ ഹോട്ടലിലെ ചവറ്റു കുട്ടയിലേക്ക് വലിച്ചെറിഞ്ഞിരുന്നു.. .
By: Rahul raj

DON'T MISS

Nature, Health, Fitness
© all rights reserved
made with by templateszoo