ദയവ് ചെയ്ത് നിങ്ങളെന്റെ ശവശരീരത്തില് പുഷ്പചക്രം സമര്പ്പിക്കരുത്.....! എനിയ്ക്കാ ഭാരം കൂടി സഹിക്കാന് വയ്യ. മാത്രവുമല്ലാ വല്ല പുഴുവോ ഉറുമ്പോ അതിനുളളില് ഉണ്ടെങ്കില് അതെന്നെ കടിച്ചു നോവിക്കും. എനിയ്ക്കതിനെ കശക്കി എറിയാനോ ...എനിയ്ക്കൊന്നു ചൊറിയാനോ പോലും ആകില്ലല്ലോ ....! എന്റെ ബുദ്ധിമുട്ടൊന്ന് ആലോചിച്ച് നോക്കൂ....!!
ദയവ് ചെയ്ത് എന്റെ പേരില് ആരും സഹതപിക്കുകയോ ..... പരിതപിക്കുകയോ ചെയ്യരുത് ....!
ദയവ് ചെയ്തു നിങ്ങളെന്റെ ശവത്തില് കുത്തി നോവിക്കരുത്....! അതായത് , എന്നെ നോക്കി നല്ലതും പറയരുത് മോശവും പറയരുത് . കാരണം മറ്റൊന്നുമല്ല......, അതെനിയ്ക്ക് വിഷമം ആണ്. നല്ലത് പറഞ്ഞാല് , ഇത്രയും സ്നേഹമുളള നിങ്ങളെയൊക്കെ വിട്ട് എനിയ്ക്ക് പോകേണ്ടി വരുന്നതിലുളള വിഷമവും ... മോശം പറഞ്ഞാല് , ഞാന് മരിച്ചിട്ട് പോലും എന്നെ വെറുതെ വിടുന്നില്ലല്ലോ എന്ന സങ്കടവും ആകും. അതുകൊണ്ടാണ് ഞാന് പറഞ്ഞത് .
അതുപോലെ തന്നെ ദയവ് ചെയ്ത് നിങ്ങളെന്നെ ഒരു പ്രദര്ശന വസ്തു ആക്കരുത്. ഏറിയാല് .... രണ്ടോ മൂന്നോ മണിക്കൂര്... അതില് കൂടുതല് ...., എന്നെ കൂട്ടിക്കൊണ്ട് പോകാന് വന്നവരെ കാത്ത് നിര്ത്തിക്കരുത്...! എത്രയും വേഗം അവരോടൊപ്പം പോകാന് എന്നെ അനുവദിക്കണം.
ഇതെല്ലാം എന്റെ അപേക്ഷകളാണ്... മാനിയ്ക്കണം.....!
ദയവ് ചെയ്ത് പരിഗണിക്കണം....!!
എന്ന് ,
സ്നേഹപൂര്വ്വം....
സ്നേഹപൂര്വ്വം....
ആമി
