നീരദം
**********
ഡാ ബാല നീ നാട്ടിലുള്ള എല്ലാ ചെക്കന്മാരേം പെണ്ണ് കെട്ടിക്കാനുണ്ടല്ലോ ന്റെ കിച്ചന്റെ കാര്യത്തിൽ മാത്രമെന്താ നിനക്കൊരു അമാന്തം..
ന്റെ ചേച്ച്യേ ...ന്റെ കുട്ടി അല്ലെ അവൻ ,അവന്റെ കാര്യത്തിൽ ഞാൻ അമാന്തം കാണിക്കുമോ ...അവനെ ഒന്ന് കിട്ടണ്ടേ എന്നാലല്ലേ അവന്റെ ആവശ്യങ്ങളോ വല്ല ഡിമാന്റുകളോ ഉണ്ടെങ്കിൽ ചോയ്ക്കാൻ പറ്റുള്ളൂ ....
അവനങ്ങനെ ഡിമാൻഡ് ഒന്നുമില്ലടാ ...അവനെ അറിഞ്ഞു സ്നേഹിക്കാൻ പറ്റണ ഒരു കുട്ടി ആയിരിക്കണം പിന്നെ അറിയാലോ അവൻ ഗൾഫിലാണ് അതൊക്കെ അനുസരിച്ചു ക്ഷമിച്ചു നില്ക്കാൻ കഴിയണ ഒരു കുട്ടി ...ന്റെ മോന്റെ മനസ്സ് നിക്കറിയാം...അതിങ്ങനെ ഒറ്റാന്തടിയായിട്ടു ജീവിക്കണ കണ്ടിട്ട് സഹിക്കണില്ല..ഇനിയെങ്കിലും അതിനു സ്വസ്ഥമായൊരു ജീവിതം കൊടുത്തില്ലെങ്കിൽ ദൈവം പൊറുക്കില്ല......അത്രക്ക് കഷ്ടപെട്ടതാ ന്റെ കുട്ടി....
ചേച്ചി വിഷമിക്കണ്ട ..ന്തായാലും നാളെ കഴിഞ്ഞു ബുധനാഴ്ച കാലത്തു അവൻ വരില്ലേ, ഒന്ന് ഉറങ്ങാൻ പോലും വിടേണ്ട ചേച്ചി ,ഒന്ന് കുളിപ്പിച്ച് ഒരുക്കി മ്മക്ക് അങ്ങട് കൊണ്ടൊകാം ,ഒരു നല്ല കുട്ടി ണ്ടു മ്മടെ മേലേപ്പറത്തെ അച്ചൂന്റെ കെട്ട്യോൾടെ അനിയത്തിയ..മ്മക്കൊന്നു പോയി കാണാം അവനേംകൊണ്ട് ...
ന്നാപ്പിന്നെ നീ അവരെ വിളിച്ചു പറഞ്ഞേക്കു ബാല ...അവന്റെ കാര്യം ഞാനേറ്റു...
ബുധനാഴ്ച കാലത്തു 4 മണിക്ക് കിച്ചന്റെ ഫ്ലൈറ്റ് ഇറങ്ങി വിമാനത്താവളത്തിന് പുറത്തേക്കു അവൻ വരുന്നതും നോക്കി ആ 'അമ്മ കണ്ണ് നട്ടു. അമ്മയുടെ മനസ്സിൽ ന്തൊക്കെയോ തിരയടിക്കുന്നുണ്ട്...ഒരു പന്ത്രണ്ടുവർഷം മുന്നെയാണ് ആദ്യമായി ന്റെ കുട്ടി ഈ വിമാനത്താവളത്തിലുടെ കടല് കടക്കാൻ പോയത് .അച്ഛന്റെ കടങ്ങളും കുടുംബഭാരവും തോളിലേറ്റി ...
പിന്നീട് ഏഴു വര്ഷം കഴിഞ്ഞ ഒന്ന് കണ്ടത് ,അച്ഛൻ മരിച്ചപ്പോൾ പോലും ന്റെ കുട്ടിക്ക് അവസാനമായി ഒന്ന് കാണാൻ കഴിഞില്ല ,എങ്കിലും ആ അച്ഛന് അവനോടു ഒരു പരിഭവവും ണ്ടാകില്ല,കാരണം ഒരായുസ്സിന്റെ പുണ്ണ്യമാണ് ഇതുപോലൊരു മകനെ കിട്ടിയത് അച്ഛന്റെ കടങ്ങളൊക്കെ തീർത്തു സ്വസ്ഥതയോടും സമാധാനത്തോടുമാണ് ആ അച്ഛനെ അവൻ യാത്രയാക്കിയത്.
ഇപ്പൊ അഞ്ചു വർഷമായി തന്റെ മകനെ കണ്ടിട്ട്. അവന്റെ അനിയന്റെ കല്യാണം കഴിഞ്ഞു പോയതാ ,അനിയനിപ്പോ മൂന്നു വയസ്സുള്ളൊരു കുട്ടിയുണ്ട് ...
അങ്ങിനെ ഓരോന്ന് ചിന്തിച്ചു കണ്ണുനട്ടിരിക്കണ അമ്മയുടെ മുന്നിലേക്ക് കിച്ചൻ നടന്നു വന്നു .
അമ്മെ ......കിച്ചൻ വിളിച്ചു ....വിളി കേൾക്കാൻ ആ മ്മക്ക് കഴിഞില്ല പകരം കണ്ണിൽ ന്നു ഒരു പുഴ തന്നെ പുറത്തേക്കൊലിച്ചു .....
ന്റെ കുട്ടി അങ്ങ് ക്ഷീണിച്ചല്ലോ ....ന്തു കോലമാ ഇത് ഇ മുടിയൊക്കെ എവിടെ പോയി ?
ഹ ഹ മുടിയൊക്കെ ഞാൻ അറബിക്ക് വിറ്റമ്മേ അങ്ങനല്ലേ ഞാൻ വീടിന്റെ പാലുകാച്ചിന് കാശു അയച്ചത് ......
പോടാ .....കിച്ചന്റെ കവിളിൽ ഒരു കിണുക്കു കൊടുത്തോണ്ടു 'അമ്മ പറഞ്ഞു...മൂത്തു നരച്ചെങ്കിലും ഈ കുരുത്തംകെട്ട സ്വഭാവത്തിന് ഒരു കുറവുമില്ല .....
അതുപിന്നെ അണ്ണാൻ മരംകയറ്റം മറന്നാൽ വല്ല രക്ഷയുണ്ടോ ഭവാനിയമോ ..അമ്മെ കെട്ടിപ്പിച്ചുകൊണ്ടു അവൻ പറഞ്ഞു ...ആ നടക്ക് നടക്കു ...നല്ല വിശപ്പുണ്ട് അമ്മേടെ ഇഡലിയും സാമ്പാറും കഴിക്കാൻ വേണ്ടി ഫ്ളൈറ്റിൽ ന്നു ഒന്നും കഴിക്കാണ്ട് വയറു ഒഴിച്ചിട്ടേക്ക ഞാൻ .....
അതിനെന്താ ...'അമ്മ സാമ്പാർ ണ്ടാക്കി വച്ചിട്ടുണ്ട് ,ഇഡലി പുഴുങ്ങ്യ മാത്രം മതി അവിടെത്തി മോൻ ഒന്ന് കുളിച്ചു വരുമ്പഴേക്കും അതും തയാറാകും ...
അവർ വണ്ടിയിൽ കയറി യാത്ര തുടങ്ങി...കിച്ചൻ യാത്രയിൽ പലതും ഓർത്തു കണ്ണുകൾ ജനാലയിലൂടെ കഴിഞ്ഞ കാലത്തേക്കൊരു യാത്ര നടത്തി കണ്ണിൽ ന്നു ഒരു തുള്ളി താഴേക്ക് വീഴാറായപ്പഴാണ് 'അമ്മ അവന്റെ കയ്യിൽ പിടിച്ചത് ....
പെതുക്കെ അമ്മയുടെ തോളിലേക്ക് തല ചേർത്ത് അവൻ അങ്ങിനെ കിടന്നു..
....വിച്ചു ഇപ്പൊ വലിയ അച്ഛൻ ആണോ അമ്മെ .....അവന്റെ കുഞ്ഞു ,വഴക്കാളി ആണോ അവനെപ്പോലെ ....ഞാൻ വിളിച്ചിരുന്നു ...ഇന്ന് ന്തോ അത്യാവശ്യ മീറ്റിംഗ് ണ്ടു അതാ ന്നെ കൂട്ടാൻ വരാൻ കഴിയാതെ ന്നു പറഞ്ഞു അവൻ.....പാവം അമ്മെ അവൻ...ഞാൻ ആദ്യം കടല് കടക്കാൻ വീട്ടിൽ ന്നു ഇറങ്ങിയപ്പോൾ ഏട്ടൻ പോകണ്ട ന്നു പറഞ്ഞു കരഞ്ഞു നിൽക്കണ മുഖമാ ഇപ്പഴും ന്റെ മനസ്സിൽ.....ആ ചെക്കൻ ങ്ങിനെ അമ്മെ ഒരു പെൺകുട്ടിയെ പ്രേമിച്ചതു.....ഹ ഹ ഹ ......
ഉം........കുഞ്ഞിന് അച്ഛന്റെ വാഴക്കാളിത്തരമല്ല വല്യച്ഛന്റെ കുറുമ്പുകളാ കിട്ടിയേക്കണേ ....പിന്നെ മോനെ ...നീ കുളിച്ചു കഴിച്ചിട്ട് നമുക്ക് ഒരിടംവരെ പോകണം ....
എവിടെക്കാ അമ്മെ ..അമ്പലത്തിലേക്കാണെങ്കിൽ വൈകിട്ട് പോകാം ഞാനൊന്നു ഉറങ്ങിയിട്ടൊക്കെ ....
അമ്പലത്തിലേക്കല്ല .... ഒരു വീട്ടിലേക്ക ...നിനക്കൊരു പെണ്ണ് കാണാൻ ...
അതിനെന്തിനാ അമ്മെ ഇത്ര ധൃതി ....ഞാനൊന്നു ഉറങ്ങി എഴിച്ചിട്ടു പോരെ ...
പറ്റില്ല ...അവിടെ പോയി ആ കുട്ടിയെ ഒന്ന് കണ്ടിട്ട് പെട്ടെന്ന് പോരാം ന്നിട്ട് ന്റെ കുട്ടി ഉറങ്ങിക്കോ ന്നിട്ട് അമ്മയ്ക്കും ഒന്ന് സമാധാനത്തോടെ ഉറങ്ങണം ...
അതെന്തേ ഭവാനിയമ്മക്ക് സമാധാനക്കുറവ് ......അമ്പാടി വീട്ടിലെ 'അമ്മ തമ്പ്രാട്ടിയോടു ആരെങ്കിലും യുദ്ധം പ്രഘ്യപിച്ചോ..ഹ ഹ ..
പോടാ .... നിക്ക് നിന്റെ കാര്യമോർത്തിട്ട സമാധാനമില്ലാത്തെ...നിനക്കൊരു കുടുംബം ആയി കണ്ടിട്ട് വേണം നിക്കൊന്നു കണ്ണടക്കാൻ....
ഹ മതി മതി അമ്മമാരുടെ പതിവ് ക്ളീഷേ വേണ്ട ....ഡാ സതീശ നീ നമ്മുടെ അമ്പലത്തിന്റെ വഞ്ചിക്കരുകിൽ വണ്ടി ഒന്ന് നിർത്തനെ ആ പതിവ് തെറ്റരുതല്ലോ ....നല്ലതിലും ചീത്തയിലും കൂടുള്ളതാ അവര് ..ഒരു സലാം പറഞ്ഞു വൈകിട്ട് മീറ്റ് ചെയ്യാം ന്നു പറഞ്ഞിട്ട് പോകാം.....ഡ്രൈവെരോടായി കിച്ചൻ പറഞ്ഞു .....
അങ്ങിനെ അവർ വീട്ടിലെത്തി ....കിച്ചൻ കുളി കഴിച്ചു ആഹാരം കഴിച്ചു റെഡി ആയി ...അവർ പെണ്ണിന്റെ വീട്ടിലേക്കു തിരിച്ചു ....
പെണ്ണിന്റെ വീട്ടിലെത്തി ...നല്ലൊരു വീട് ,ചുറ്റുപാടുകൾ...അച്ഛനാണ് സ്വീകരിച്ചത് ..പതിവ് കല്യാണ ചടങ്ങിലെ അഭിഭാജ്യ ഘടകമായ അമ്മാവൻ സീനിലില്ല പകരം ഒരു കൊച്ചച്ചൻ ണ്ടു....
അതികം വൈകാതെ തന്നെ പെണ്ണ് വന്നു ...കാണാൻ നല്ല ചന്ദനം പോലെ ,നല്ല ചിരി ...ഒറ്റനോട്ടത്തിൽ തന്നെ കിച്ചന് കുട്ട്യേ ഇഷ്ടായി....ഇടയ്ക്കു ഒരു ഇറുകണ്ണിട്ടു അമ്മയെ നോക്കി ..ഇഷ്ടായോ ന്നു കണ്ണുകൾ കൊണ്ട് 'അമ്മ ചോദിച്ചു ...കണ്ണുകൾ കൊണ്ടുതന്നെ അവൻ മറുപടിയും നൽകി.....'അമ്മ അവളെ വിളിച്ചു കുഞ്ഞു കുഞ്ഞു കുശലങ്ങൾ ചോദിച്ചു....ചെക്കന്റെ നാണം അറിഞ്ഞതുകൊണ്ടാകും പെണ്ണും ചെക്കനും തമ്മിൽ സംസാരിച്ചോട്ടെ ന്ന പതിവ് പല്ലവി ഉയർന്നില്ല .......
അങ്ങിനെ കുശലങ്ങളും കാര്യങ്ങളും കഴിഞ്ഞു അവർ .....യാത്രാവഴിയിലെവിടെയോ കൊഴിഞ്ഞുപോയ ചില നല്ല നാളുകൾ തിരികെ എത്തുന്നതായി അവനു തോന്നി ...അമ്മയുടെ കയ്യും പിടിച്ചു തോളിൽ ചാരി അവൻ അങ്ങിനെ സ്വപ്നങ്ങൾ നെയ്തു....
ദിവസം രണ്ടു കഴിഞ്ഞു പെൺവീട്ടുകാരുടെ മറുപടിയൊന്നും വന്നില്ല ...അപ്പോഴാണ് ബാലൻ അവിടേക്കു വന്നത് ...
ആഹാ വാ അമ്മാവാ ന്നെ പെണ്ണുകാണിച്ചിട്ടു മുങ്ങിയതാണല്ലോ പിന്നിതുവരെ ഇങ്ങിടേക്കു കണ്ടില്ല...ഞാൻ വീട്ടിൽ വന്നപ്പഴും അവിടില്ലാർന്നു...വയസ്സുകാലത്തു അടങ്ങി ഇരുന്നൂടെ ...സമ്പാദിച്ചു കൂട്ടുവാ കിളവൻ....തമാശയായി കിച്ചൻ ബാലനോട് പറഞ്ഞു ......
പതിവ് തെറിയഭിഷേകം ബാലനിൽ നിന്നുണ്ടായില്ല .....പകരം നേരെ അകത്തേക്ക് ചെന്ന് ഭവാനിഅമ്മയോട് അല്പം വെള്ളം ചോദിച്ചു.... ന്നിട്ട് സോഫയിൽ ഇരുന്നു ...ഭവാനിയമ വെള്ളം കൊണ്ടുകൊടുത്തിട്ടു ബാലനോട് ചോദിച്ചു....ന്താടാ മുഖത്തൊരു കനം....അവരുടെ വിവരം വല്ലതുമറിഞ്ഞോ ....
അത്...അത്.....ചേച്ചി...നമുക്കതു വേണ്ട ....ഈ ലോകത്തു അവള് മാത്രമേ ഉള്ളോ പെണ്ണ്...നമ്മുടെ ചെക്കന് നല്ല സുന്ദരിക്കൊച്ചിനെ ഈ
ബാലൻ കണ്ടു പിടിക്കും....
ബാലൻ കണ്ടു പിടിക്കും....
ഇത് കേട്ട് അകത്തേക്ക് വന്ന കിച്ചൻ ബാലനെ കളിയാക്കി...ഹ ഹ ഹ അമ്മാവൻ ഫുൾ ഫോമിൽ ആണല്ലോ ....അവർക്കു പിടിച്ചില്ല ല്ലേ ..?
അതുപിന്നെ മോനെ ...
ഹ... വിട് അമ്മാവാ അല്ലേലും കല്യാണ മാർക്കറ്റിൽ ഞങ്ങൾ ഗൾഫുകാരുടെ റേറ്റ് ഇടിവാണ് ...ഇതിപ്പോ തുടങ്ങിയതല്ല ഉള്ളു ....നമുക്ക് നോക്കാം ന്നെ ...ഹ കെട്ടാൻ തീരുമാനിച്ചിട്ടുണ്ടെങ്കിൽ കിച്ചൻ കെട്ടിയിരിക്കും.....അമ്മാവൻ ഊണ് കഴിച്ചിട്ട് പോയ മതി ...
ഇത്രയും പറഞ്ഞു കിച്ചൻ അകത്തേക്ക് പോയി ...
ബാല ...ന്താ അവര് പറഞ്ഞത് .....ന്തു കുറവാ അവർ ന്റെ മോനിൽ കണ്ടത്...
അത് ചേച്ചി...അതുപിന്നെ ..ഒന്നുല...ആ കുട്ടിക്ക് ന്തോ പിടിച്ചില്ലത്രെ....പിന്നെ ..ചേച്ചി സമയംപോലെ അവനോടു വ്യായാമമൊക്കെ ചെയ്യാൻ പറയണം ...പറ്റുമെങ്കിൽ മറ്റേ പിള്ളേരൊക്കെ പോകുന്ന ഒന്നുണ്ടല്ലോ ...ന്താ അതിന്റെ പേര് ...ഹ ..ജിം അതിനൊക്കെ ഒന്ന് പോകാൻ പറയ് ആ വയറൊക്കെ ഒന്ന് കുറയട്ടെ .....
അല്പം കഴിഞ്ഞു ഊണ് കഴിക്കാനായി കിച്ചൻ വന്നു...അമ്മാവൻ എവിടമ്മേ...പോയോ...
ഏയ് ..ഇല്ല അവൻ കഴിച്ചിട്ട് കഴുകുന്നു .....
കൈ കഴുകി വന്ന ബാലൻ കിച്ചനോട് പറഞ്ഞു ..ന്തു കോലമാട മോനെ ഇത് ...നിനക്കൊരു വിഗ് വച്ചൂടെ ....ഗൾഫിലൊക്കെ മറ്റേ ഒട്ടിക്കുന്ന സംഭവമില്ലേ .....
അമ്മാവനെ നോക്കി ഒന്ന് ചിരിച്ചിട്ട് കിച്ചൻ ഊണ് കഴിക്കാൻ തുടങ്ങി ....
******************************************************************************************
സന്ധ്യക്ക് വിളക്ക് വാക്കാറായി...ഇവൻ ഉറങ്ങി എഴിച്ചില്ലേ...ഡാ മോനെ ഡാ കിച്ച .....'അമ്മ വിളിക്കുന്നത് കേട്ടാണ് അവൻ ഉണർന്നത് ..ന്താ അമ്മെ ...
മോനെ വിളക്ക് തെളിയിക്കാറായി എഴീച് കുളിക്കു .....ദാ ഈ ചായ കുടിച്ചേ...
അവൻ എഴിച്ചിരുന്നു ചായ കുടിക്കുന്നത് 'അമ്മ നോക്കി നിന്നു....
ന്താ അമ്മെ ...ന്താ ഇങ്ങിനെ നോക്കണേ ....
ഇങ്ങിനെ വീട്ടിൽ തന്നിരിക്കാതെ വൈകിട്ട് കവലയിലേക്കൊന്നു ഇറങ്ങിക്കൂടെ ശരീരം ഒന്ന് അനങ്ങട്ടെ....വേണമെങ്കിൽ ആ ജിമ്മിൽ ഒന്ന് പോയി തുടങ്ങു ....
അമ്മെ നിക്കൊരു ആഗ്രഹം ....നിക്ക് ഇന്ന് പുഴുക്ക് കഴിക്കണം നല്ല മുളക് ചമ്മന്തിയൊക്കെ തൊട്ട്....
അതിനെന്താ 'അമ്മ ണ്ടാക്കി തരാലോ...........മോനെ....
ന്താ അമ്മെ നോക്കണേ ....
'അമ്മ സംസാരിക്കട്ടെ ആ കുട്ടിയോട് .....
ഏയ് ...വേണ്ടമ്മേ ....അത് വിട്ടേക്ക് ...
അമ്മക്കറിയാം ന്റെ മോൻ ഒരുപാടു കൊതിച്ചു ന്നു .....'അമ്മ സംസാരിക്കാം അവളോട്....
ന്തിന് ...അതിന്റെ ആവശ്യമില്ലമ്മേ.....ആ കുട്ടിക്ക് ഇഷ്ടപ്പെടാഞ്ഞതിന്റെ കാരണം നിക്ക് മനസ്സിലായി ....അവന്റെ കണ്ണുകൾ ആ ജനാലപ്പുറത്തേക്കു നീണ്ടു .....സങ്കല്പങ്ങൾ നമുക്ക് മാത്രമല്ല എല്ലാര്ക്കും ണ്ടു..ആ കുട്ടിക്ക് നല്ല മുടിയുള്ള ഒതുങ്ങിയ വയറൊക്കെയുള്ള ഒരാളെയാകും ഇഷ്ടം...അതാകും ആ കുട്ടിയുടെ സങ്കൽപം ....
മോനെ....
ഏയ് ...ഒന്നൂല അമ്മെ....'അമ്മ ഓർക്കനുണ്ടോ...പണ്ട് അച്ഛന്റെ ബിസിനസ്സൊക്കെ നന്നായി പോകുന്ന കാലം അന്ന് ന്നെ തലയിൽ എണ്ണ തേയ്പ്പിക്കാൻ 'അമ്മ ഓടിക്കാറില്ലേ.....ന്നിട്ട് തേയ്ക്കുമ്പോ ന്താ പറയാ ..ന്തൊരു കാടാ ചേർക്ക ഇത്...വെട്ടിക്കളഞ്ഞുടെ ന്നു ...
കുഞ്ഞുന്നാളിൽ ഒരീസം 'അമ്മ കുളിപ്പിച്ചപ്പോൾ കൈ ന്റെ എല്ലിന്റെ ഇടയ്ക്കു പോയിട്ടു 'അമ്മ കരഞ്ഞത് ഓർക്കനുണ്ടോ...ഈ ചെക്കൻ ഒന്നും കഴിക്കനില്ല ...ആരേലും കണ്ടാൽ ന്റെ നോക്കുകേട ന്നെ പറയുന്നു പറഞ്ഞത്.......അറിയില്ലമ്മേ എപ്പഴാ ഈ വയറു ചാടിയതും മുടി കൊഴിഞ്ഞതും ന്നൊക്കെ ....വീട് വലുതായപ്പോ വയറും വലുതായി ....കാലങ്ങൾ കൊഴിഞ്ഞപ്പോൾ മുടിയും കൊഴിഞ്ഞു.....
അമ്മക്കറിയോ ഇപ്പഴും ഞാൻ വയറു നിറയെ ആഹാരം കഴിക്കാറില്ല...എങ്ങിനെങ്കിലുമൊക്കെ മിച്ചം പിടിച്ചു ശീലമായി പോയി ....ഒരു ചായ കുടിക്കാം ന്നു കരുതുമ്പഴു മനസ്സിൽ തോന്നും ന്തിനാ ആ കാശുടെ വീട്ടിലേക്കു അയക്കാലോ ന്നു ....കാലത്തു എഴുന്നേറ്റു കുളിച്ചു ജോലിക്കു പോയാൽ പിന്നെ വരുന്നത് രാത്രിയിലാ അമ്മെ....അപ്പൊ തളർന്നിട്ടുണ്ടാകും...ന്തേലും ണ്ടാക്കി ഫ്രിഡ്ജിൽ വക്കും ..അത് ചൂടാക്കി ചൂടാക്കി കഴിക്കും...
മിക്കവാറും ഉച്ചക്ക് ഒന്നും കഴിക്കാറില്ല....ഒരു കൊച്ചു മിരിണ്ടയോ, പെപ്സിയോ കുടിക്കും..അതാകുമ്പോൾ അതിന്റെ ഗ്യാസ് ഇങ്ങിനെ നിന്നോളും രാത്രി വരെ....അമ്മയല്ലേ രണ്ടു നേരം കുളിപ്പിച്ച് ശീലിപ്പിച്ചത് അതുകൊണ്ടു കാലത്തു കുളിക്കാതെ ജോലിക്കു പോകാനോ വൈകിട്ട് കുളിക്കാതെ ഉറങ്ങാനോ പറ്റില്ല....'അമ്മ ശീലിപ്പിച്ചതൊക്കെ ങ്ങിനെ തെറ്റിക്കാ...
രാസവസ്തുക്കൾ നിറഞ്ഞ ആ വെള്ളത്തിൽ നനഞ്ഞപ്പോൾ കാലങ്ങൾക്കൊപ്പം ന്റെ മുടിയും കൊഴിഞ്ഞു അമ്മെ.......ഈ നഷ്ടങ്ങൾക്കൊക്കെ ഇടയിലും സന്തോഷം ഒന്നോ രണ്ടോ മാസത്തിൽ ഇവിടെ വന്നു നിങ്ങടെയൊക്കെ ഈ സന്തോഷവും,സുഖങ്ങളും ഒക്കെ കാണുമ്പഴാ....അവിടുത്തെ ചൂടിൽ ഞങ്ങൾക്ക് കുളിരു നൽകുന്നത് എസി യുടെ തണുപ്പല്ലമ്മേ ,കണ്ണടക്കുമ്പോൾ മുന്നിലേക്ക് ഓടി വരുന്ന കുളിരുള്ള ഓർമ്മകളാ.....
മോനെ.......
കിച്ചൻ അമ്മയെ നോക്കി...അമ്മയുടെ കണ്ണുകൾ നിറഞ്ഞൊഴുകുന്നുണ്ട് ...അവൻ ചാടി എഴുന്നേറ്റു അമ്മയുടെ കണ്ണുകൾ തുടച്ചു...പാടില്ലമ്മേ ....പ്രിയപ്പെട്ടവരുടെ കണ്ണുകൾ നിറയാണ്ടിരിക്കാനാ ഞങ്ങളെപോലുള്ളവരുടെ കഷ്ടപ്പാടുകൾ അങ്ങിനുള്ളപ്പോ കണ്ണുകൾ നിറച്ചു ന്നെ തോല്പിക്കരുത് 'അമ്മ....
'അമ്മ ധൈര്യായിട്ടിരിക്ക് ...ദേ താങ്ങായി ഈ ചുമലുകൾ ഉള്ളപ്പോൾ കിച്ചന് ഒരു സങ്കടവുമില്ല ...ന്തായാലും വന്നതല്ലേ ന്റെ അമ്മക്ക് ഒരു മരുമോളെ കണ്ടുപിടിച്ചിട്ടേ കിച്ചൻ മടങ്ങുള്ളൂ....നടക്കും അമ്മെ..... ഞങ്ങളെപ്പോലുള്ള പാവം പ്രവാസികളുടെ പെണ്മക്കളുണ്ടാകും..ഞങ്ങളുടെ സ്നേഹവും കഷ്ടപ്പാടും മനസ്സിലാക്കുന്ന ,നമ്മളെയൊക്കെ സ്നേഹിക്കാൻ കഴിയണ പെൺകുട്ടികൾ ..........കിട്ടാണ്ട് എവടെ പോകാനാ.....
'അമ്മ പോയി വിളക്ക് തെളിയിക്കൂ വെളിച്ചം നിറയട്ടമ്മെ നമ്മുടെ ജീവിതത്തിലും ഈ ലോകത്തിലും ...............
നന്ദി.....
By
Kiran Krishnan
