ഊയിന്റ ഓളീ.. എനക്ക് പി രാന്തായോ ''ഒരു തോട്ടിൻറ മോളില് അരിക്കത്ത്യങ്ങട്ട് കെട്ടി ഒറ്റ വലി വലിച്ചാ പോരൂലേ ആചക്ക' '',
നൈറ്റി മാടിക്കുത്തി തലമുടി ഒന്നുകൂടി ഉയർത്തി കെട്ടി വച്ച് പ്ലാവിൽ കയറി ചക്കയിടാൻ തുടങ്ങുന്ന അക്ക രേല് അന്നമ്മച്ചേടത്തിയോട് പാക്കരന്റെ കെട്ടിയോള് അമ്മിണി പറയുന്ന ഡയലോഗാണിത്..
" ങ്ങളെ നാട്ടിലൊക്കെ പെണ്ണ് ങ്ങള് മരത്ത് മ്മെ കേ റോ..കേട്ടറിവില്ലാത്ത കാര്യാണ് കെട്ടാ...ന്താ.'ഓളീ' ''ത് ?
കോട്ടയംകാരി അന്നമ്മച്ചേടത്തി കോട്ടിപ്പിടിച്ച മുഖത്തിന്റെ ഷേപ്പ് മാറ്റാതെ അമ്മിണിയോട് പറഞ്ഞു:
"എന്നതാ പെണ്ണുങ്ങള് പ്ലാവേ കേറിയാൽ ചക്ക വീഴത്തില്ല്യോ ''..
എല്ലാം കേട്ടു നിൽക്കുകയായിരുന്ന അവുസേപ്പ് 'ചേട്ടൻ, അന്നമ്മച്ചേടത്തിയുടെ കെട്ടിയോൻ കൈയും കെട്ടി കാഴ്ച കാണാൻ ഒറ്റ നില്പാണ്'' ''
" അച്ചായനെന്നാ കാണാനാ. നിക്കുന്നേ... "
പ്ലാവിൽ കേറാനായി നൈറ്റി ഒന്നുകൂടി അരയിൽ മുറുക്കിക്കുത്തി അന്നമ്മ ചോദിച്ചു:
"ഞാനേ ചക്ക വീഴുമ്പോ ഒരു മുയലെങ്ങാനും ചത്താൽ അതിനെപ്പിടിച്ചു കറി വക്കാലോ എന്ന് ആലോചിച്ച് നിക്കുവാരുന്നു..... "
"അത് കലക്കി മാ പ്ലേ .. ങ്ങളെ ഓള്ക്ക് ച്ചിരി മൂച്ച് കൂടുതലാണ് ട്ടാ... ഞ്ഞി പറഞ്ഞിട്ട് ഓള്ക്ക് വല്ല കൂട്ടോം ണ്ടാ ''
അമ്മിണി രംഗം ചൂടുപിടിപ്പിക്കാൻ ഒരുങ്ങിയ മട്ട്: '. 'പിന്നെയുണ്ടായത് പറയാൻ വയ്യ എന്റെ തമ്പുരാനേ.. '''
അണ്ണാൻ കേറുന്ന പോലെ അന്നമ്മച്ചേടത്തി ചട ചടേന്നൊരു കേറ്റം'
അരയിൽ തിരുകിയ കറിക്കത്തികൊണ്ട് കൂടി നിക്കുന്നവരിക്കച്ചക്കേമ്മെ ഒറ്റ വെട്ട്! ദേ... കെടക്കണു ചക്ക നിലത്ത് ..
എന്നെ തോൽപിക്കാനാരുണ്ട് എന്ന ഭാവത്തോടെ രണ്ടാമത്തെ ചക്കയ്ക്കിട്ട് ഒറ്റ വെട്ട്!
ദേ.. കെടക്കണു രണ്ടാമത്തെ ചക്കേം ... അതിനെ തൊട്ടു നിക്കണ ചക്കകളെല്ലാം കൂടെ ...
"ഊയിന്റെ തൈവേ ... ദെന്താ ഓളീ കത' ''. " എന്ന് അമ്മിണി നെഞ്ഞത്ത് കൈയും വച്ച് മേപ്പട്ട് നോക്കി നിക്കുന്ന നില്പ് കണ്ട് അവു സേപ്പുചേട്ടൻ തഞ്ചത്തിലൊന്ന് ചെല്ലാൻ നോക്കിയതും അന്നമ്മച്ചേടത്തി അവസാനത്തെ ചക്കക്കിട്ട് വെട്ടിയതും ഒന്നിച്ച് ...
കർത്താവേ...ചതിച്ചോ ''. എന്ന അലർച്ചയോടെ അന്നമ്മച്ചേടത്തി പ്ലാവിൽ നിന്നിറങ്ങി അവുസേപ്പുചേട്ടനെ താങ്ങി മടിയിലിരുത്തി ഉറക്കെ വിളിച്ചു.: "അച്ചായോ... എന്നാ പറ്റി;,?
"എന്തു പറ്റാനാന്റെ ഓളീ... ങ്ങളെ മാപ്ല തൊള്ളേം പൊളിച്ച് മേപ്പട്ട് നോക്കി നിക്കണത് ങ്ങള് കണ്ടില്ലേർന്ന്..?
ഒരു നിമിഷത്തെ മയക്കം വിട്ട് കണ്ണുതുറന്ന അവുസേപ്പ് ചേട്ടനോട് അന്നമ്മച്ചേടത്തിയുടെ വക ഒരു കമന്റ്...
" എന്ന തായാലും അച്ചായോ.. ചക്കപ്പുഴുക്കിനു കൂട്ടായി മുയലി റച്ചിയില്ലേലും അച്ചായന്റെ തലയിപ്പോ നല്ല പരുവത്തിലാകെട്ടോ ..."
........ ... രജനി സുരേന്ദ്രൻ
