മൗനരാഗം
×××××××××
×××××××××
ആദിയിലൊരാരവവുമില്ലാതെ ശാന്തമായ്
ആർദ്രമാം മൗനമൊഴുകിയിരുന്നത്രേ!
ആർപ്പുവിളികളുമാക്രോശങ്ങളുമില്ലാതെ
ആശിസ്സുകൾ മൂകമായുതിർന്നിരുന്നത്രേ!
ആർദ്രമാം മൗനമൊഴുകിയിരുന്നത്രേ!
ആർപ്പുവിളികളുമാക്രോശങ്ങളുമില്ലാതെ
ആശിസ്സുകൾ മൂകമായുതിർന്നിരുന്നത്രേ!
അനന്തതയിലെങ്ങോ എപ്പോഴോ
അസാമാന്യരവവിസ്ഫോടനമായ്
ആദിവചനമുയർന്നുപൊങ്ങിയപ്പോൾ
ആരുമറിയാതെ മൗനം മെല്ലെമടങ്ങിയത്രേ!
അസാമാന്യരവവിസ്ഫോടനമായ്
ആദിവചനമുയർന്നുപൊങ്ങിയപ്പോൾ
ആരുമറിയാതെ മൗനം മെല്ലെമടങ്ങിയത്രേ!
ഇന്നലെകളിൽതുടങ്ങിയിന്നുവരെ
അനുക്രമമായുരും ശബ്ദവീചികളായ്
സ്പന്ദനങ്ങളെയുദ്ദീപിപ്പിച്ചുയർത്തി
സൗരയൂഥത്തെവിറപ്പിയ്ക്കുമീശബ്ദഘോഷം!
അനുക്രമമായുരും ശബ്ദവീചികളായ്
സ്പന്ദനങ്ങളെയുദ്ദീപിപ്പിച്ചുയർത്തി
സൗരയൂഥത്തെവിറപ്പിയ്ക്കുമീശബ്ദഘോഷം!
കർണ്ണപുടങ്ങളെ വെല്ലുവിളിയ്ക്കുന്നുവോ
നാഡീവ്യൂഹത്തെ മരവിപ്പിയ്ക്കുന്നുവോ
കണ്ണടച്ചൊരുവേളയൊന്നുമയങ്ങുവാൻ
കടംവാങ്ങേണമോ ഒരുതുള്ളിമൗനം!
നാഡീവ്യൂഹത്തെ മരവിപ്പിയ്ക്കുന്നുവോ
കണ്ണടച്ചൊരുവേളയൊന്നുമയങ്ങുവാൻ
കടംവാങ്ങേണമോ ഒരുതുള്ളിമൗനം!
പെയ്തൊഴിയാത്ത ശബ്ദപ്പെരുമഴയിൽ
പൊയ്വാക്കുകൾ മലിനമാക്കുംമനസ്സിൽ
പൊള്ളുന്നമണൽത്തരിച്ചൂടിലെങ്ങോ
പോയ്മറഞ്ഞുവോ മൗനമേ നീ!
പൊയ്വാക്കുകൾ മലിനമാക്കുംമനസ്സിൽ
പൊള്ളുന്നമണൽത്തരിച്ചൂടിലെങ്ങോ
പോയ്മറഞ്ഞുവോ മൗനമേ നീ!
ഒരുമായാമരീചികയായെങ്കിലും
ഉണർവ്വേകുമൊരു പുഞ്ചിരിയുറവിലെങ്കിലും
ഉയിരിനെത്തലോടിയുറക്കാനായണയുക
ഒരുമാത്രയെങ്കിലും മൗനമേ നീ!
ഉണർവ്വേകുമൊരു പുഞ്ചിരിയുറവിലെങ്കിലും
ഉയിരിനെത്തലോടിയുറക്കാനായണയുക
ഒരുമാത്രയെങ്കിലും മൗനമേ നീ!
മനനംചെയ്യേണമിന്നു മൗനമായ്
മന്ത്രമുരുവിടുന്നതുമിന്നു മൗനമായ്
ശബ്ദസാഗരതീരത്തുനിൽക്കവേ
നിശ്ശബ്ദതയ്ക്കായ് കേഴുന്നിതെൻമനം!
മന്ത്രമുരുവിടുന്നതുമിന്നു മൗനമായ്
ശബ്ദസാഗരതീരത്തുനിൽക്കവേ
നിശ്ശബ്ദതയ്ക്കായ് കേഴുന്നിതെൻമനം!
ഒരുനൂറു ഡെസിബെൽശബ്ദത്തെനേരിടാൻ
ഒരുമൗനരാഗച്ചിന്തുമതിയെന്നറിയുന്നുഞാൻ
ഒരാശ്വാസമഴയായ് പെയ്തിറങ്ങുവാൻ
ഒന്നുമീട്ടാമൊരു മൗനവിപഞ്ചിക!
ഒരുമൗനരാഗച്ചിന്തുമതിയെന്നറിയുന്നുഞാൻ
ഒരാശ്വാസമഴയായ് പെയ്തിറങ്ങുവാൻ
ഒന്നുമീട്ടാമൊരു മൗനവിപഞ്ചിക!
രാധാസുകുമാരൻ
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക